អត្ថបទពាណិជ្ជកម្ម
ក្រុមហ៊ុន ហ្គោលដេន អេហ្វអិកស៍ លីង ឃែភីថល បន្តចូលរួមជាមួយ SECC ក្នុងការលើកកម្ពស់ការយល់ដឹងការជួញដូរឧបករណ៍និស្សន្ទនៅកម្ពុជា
×![]()
ដោយ: ជី ដាណា
ក្រុមហ៊ុន ហ្គោលដេន អេហ្វអិកស៍ លីង ឃែភីថល និងគណៈកម្មការមូលបត្រកម្ពុជា បានបញ្ចប់សិក្ខាសាលា នៅគោលដៅទីបួនរបស់ខ្លួន ក្នុងខេត្តបន្ទាយមានជ័យប្រកបដោយ ជោគជ័យ បន្ទាប់ពីស្ថាប័នទាំងពីរ បានជំរុញការយល់ដឹងជាសាធារណៈ លើការជួញដូរឧបករណ៍និស្សន្ទនៅខេត្តព្រះសីហនុ ខេត្តកំពង់ចាម និងខេត្តសៀមរាបរួចមក។ សិក្ខាសាលានៅខេត្តបន្ទាយមានជ័យនេះ បានប្រព្រឹត្តទៅ នៅថ្ងៃទី៧ ខែធ្នូ ឆ្នាំ២០១៨ ដោយមានវត្តមានរបស់សិក្ខាកាមជាច្រើនរូប រួមទាំងមន្ត្រីរដ្ឋាភិបាល អ្នកជំនួញ និងវិនិយោគិនសក្ដានុពល។
លោក សុខ ដារ៉ា អគ្គនាយករងគណៈកម្មការមូលបត្រកម្ពុជា បានថ្លែងមតិស្វាគមន៍ ណែនាំអំពីឧបករណ៍និស្សន្ទ ក៏ដូចជាបញ្ជាក់ពីការប្ដេជ្ញាចិត្ត របស់គណៈកម្មការមូលបត្រកម្ពុជា ក្នុងការលើកកម្ពស់ការរីកចម្រើន នៃទីផ្សារឧបករណ៍និស្សន្ទនៅកម្ពុជា លើបទប្បញ្ញតិ្ត ទំហំនិងបទដ្ឋាននៃការជួញដូរ និងការយល់ដឹងរបស់សាធារណជន លើវិស័យមួយនេះ។ លោក យន់ សុវណ្ណារ៉ា អនុប្រធានការិយាល័យគ្រប់គ្រងអាជីវកម្មគម្រោងវិនិយោគរួម និងអាជីវកម្មឧបករណ៍និស្សន្ទ នៃគណៈកម្មការមូលបត្រកម្ពុជា បានផ្ដោតសំខាន់លើទិដ្ឋភាពទូទៅ នៃការជួញដូរឧបករណ៍និស្សន្ទ ការលូតលាស់នៃទីផ្សារឧបករណ៍និស្សន្ទនៅកម្ពុជា ក្របខណ្ឌបទប្បញ្ញតិ្ត និងបេសកកម្មបន្តបន្ទាប់ របស់គណៈកម្មការមូលបត្រកម្ពុជា ក្នុងការជំរុញវិស័យឧបករណ៍និស្សន្ទឱ្យកាន់តែប្រសើរឡើង។
ដោយសារតែក្រុមហ៊ុន ហ្គោលដេន អេហ្វអិកស៍ លីង ឃែភីថល គឺជាក្រុមហ៊ុនឈ្មួញជើងសារឧបករណ៍និស្សន្ទតែមួយគត់ ដែលចូលរួមក្នុងគ្រប់គោលដៅទាំងអស់ នៃសិក្ខាសាលាតាមបណ្ដាខេត្តរបស់គណៈកម្មការមូលបត្រកម្ពុជា នៅក្នុងឆ្នាំ២០១៨នេះ ក្រុមហ៊ុន បានបង្ហាញឧទាហរណ៍មួយ នៃការប្ដេជ្ញាចិត្តមិនរួញរា ទៅលើអនាគតភ្លឺស្វាង នៃទីផ្សារឧបករណ៍និស្សន្ទនៅកម្ពុជា ហើយត្រូវបានចាត់ទុកជាក្រុមហ៊ុនគំរូមួយនៅក្នុងវិស័យនេះ។
ក្នុងនាមជាវាគ្មិនកិត្តិយស លោក James Yeung នាយកផ្នែកប្រឹក្សាយោបល់ហិរញ្ញវត្ថុ នៃក្រុមហ៊ុន ហ្គោលដេន អេហ្វអិកស៍ លីង ឃែភីថល បានបង្ហាញសុទិដ្ឋិនិយម ទៅលើសិក្ខាសាលាតាមបណ្ដាខេត្តនេះ និងបានគូសបញ្ជាក់ថា ការផ្សព្វផ្សាយអំពីការវិនិយោគលើឧបករណ៍ហិរញ្ញវត្ថុជាសាធារណៈ គឺជាការងារអាទិភាពរបស់ក្រុមហ៊ុន ហ្គោលដេន អេហ្វអិកស៍ លីង ឃែភីថល។
ជាមួយគ្នានេះដែរ លោក James បានចែករំលែកនូវបទពិសោធន៍របស់លោក លើទីផ្សារអន្តរជាតិ ហើយមានជំនឿយ៉ាងមុតមាំថាទីផ្សារឧបករណ៍និស្សន្ទនៅកម្ពុជា កំពុងឆ្ពោះទៅរកសក្តានុពលពេញលេញរបស់វា៕
ជាមួយគ្នានេះដែរ លោក James បានចែករំលែកនូវបទពិសោធន៍របស់លោក លើទីផ្សារអន្តរជាតិ ហើយមានជំនឿយ៉ាងមុតមាំថាទីផ្សារឧបករណ៍និស្សន្ទនៅកម្ពុជា កំពុងឆ្ពោះទៅរកសក្តានុពលពេញលេញរបស់វា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
