អត្ថបទពាណិជ្ជកម្ម
សិក្ខាសាលាតាមខេត្ត ប្រចាំឆ្នាំ២០១៨ របស់ SECC និង ក្រុមហ៊ុន ខេមបូឌាន ដេរីវ៉េទីវ អុិចឆេង នៅបន្ទាយមានជ័យបញ្ចប់ដោយជោគជ័យ
×![]()
ដោយ: ជី ដាណា
ក្រុមហ៊ុន ខេមបូឌាន ដេរីវ៉េទីវ អុិចឆេង និងគណៈកម្មការមូលបត្រកម្ពុជា(SECC) បានបញ្ចប់សិក្ខាសាលា នៅខេត្តគោលដៅទីបួនរបស់ខ្លួន គឺខេត្តបន្ទាយមានជ័យ ប្រកបដោយភាពជោគជ័យ បន្ទាប់ពីស្ថាប័នទាំងពីរ បានជំរុញការយល់ដឹងជាសាធារណៈ លើការជួញដូរឧបករណ៍និស្សន្ទ នៅខេត្តព្រះសីហនុ ខេត្តកំពង់ចាម និងខេត្តសៀមរាបរួចមក។ សិក្ខាសាលានៅខេត្តបន្ទាយមានជ័យនេះ បានប្រព្រឹត្តទៅនៅថ្ងៃទី៧ ខែធ្នូ ឆ្នាំ ២០១៨ ដោយមានវត្តមានរបស់សិក្ខាកាមជាច្រើនរូប រួមទាំងមន្ត្រីរដ្ឋាភិបាល អ្នកជំនួញ និងវិនិយោគិនសក្ដានុពល។
លោក សុខ ដារ៉ា អគ្គនាយករងនៃគណៈកម្មការមូលបត្រកម្ពុជា បានថ្លែងនូវមតិស្វាគមន៍ ណែនាំអំពីឧបករណ៍និស្សន្ទ ក៏ដូចជាបញ្ជាក់ពីការប្ដេជ្ញាចិត្ត របស់គណៈកម្មការមូលបត្រកម្ពុជា ក្នុងការលើកកម្ពស់ ការរីកចម្រើននៃទីផ្សារឧបករណ៍និស្សន្ទនៅកម្ពុជា លើបទប្ប ញ្ញត្តិ ទំហំ និងបទដ្ឋាននៃការជួញដូរ និងការយល់ដឹងរបស់សាធារណជន លើវិស័យមួយនេះ។
នៅក្នុងសិក្ខាសាលានោះដែរ លោក យន់ សុវណ្ណារ៉ា អនុប្រធានការិយាល័យគ្រប់គ្រងអាជីវកម្មគម្រោងវិនិយោគរួម និងអាជីវកម្មឧបករណ៍និស្សន្ទ នៃគណៈកម្មការមូលបត្រកម្ពុជា បានផ្ដោតសំខាន់លើទិដ្ឋភាពទូទៅ នៃការជួញដូរឧបករណ៍និស្សន្ទ ការលូតលាស់នៃទីផ្សារឧបករណ៍និស្សន្ទនៅកម្ពុជា ក្របខណ្ឌបទប្បញ្ញត្តិ និងបេសកកម្មបន្តបន្ទាប់ របស់គណៈកម្មការមូលបត្រកម្ពុជា ក្នុងការជំរុញវិស័យឧបករណ៍និស្សន្ទ ឱ្យកាន់តែប្រសើរឡើង។
ដោយសារតែក្រុមហ៊ុន ខេមបូឌាន ដេរីវ៉េទីវ អុិចឆេង គឺជាក្រុមហ៊ុនសមភាគីកណ្ដាលតែមួយគត់ ដែលចូលរួមក្នុងគ្រប់គោលដៅទាំងអស់ នៃសិក្ខាសាលាតាមបណ្ដាខេត្ត ប្រចាំឆ្នាំ ២០១៨ របស់គណៈកម្មការមូលបត្រកម្ពុជា។ ក្រុមហ៊ុន ខេមបូឌាន ដេរីវ៉េទីវ អុិចឆេង ក៏ជាក្រុមហ៊ុនតែមួយគត់ពីប្រទេសកម្ពុជា និងតំបន់អាស៊ី ដែលបានណែនាំពីវប្បធម៌ និងបានបង្ហាញឱកាសវិនិយោគជាច្រើន ដល់វិនិយោគិនបរទេស នៅក្នុងពិព័រណ៍អន្តរជាតិនានា ដូចជា iFX Expo នៅប្រទេសសាយប្រឺស និង«2018 London Summit» នៅប្រទេសអង់គ្លេស។ ក្រុមហ៊ុន ខេមបូឌាន ដេរីវ៉េទីវ អុិចឆេង បានបង្ហាញឧទាហរណ៍មួយ នៃការប្ដេជ្ញាចិត្តមិនរួញរា ទៅលើអនាគតភ្លឺស្វាង នៃទីផ្សារឧបករណ៍និស្សន្ទនៅកម្ពុជា ហើយត្រូវបានចាត់ទុកជា ក្រុមហ៊ុនគំរូមួយនៅក្នុងវិស័យនេះ។
ក្នុងនាមជាវាគ្មិនកិត្តិយស លោក Lawrence Kook អភិបាលនៃក្រុមហ៊ុន ខេមបូឌាន ដេរីវ៉េទីវ អុិចឆេង បានបង្ហាញសុទិដ្ឋិនិយម ទៅលើសិក្ខាសាលាតាមបណ្ដាខេត្តនេះ និងបានគូសបញ្ជាក់ថា ការផ្សព្វផ្សាយអំពីការវិនិយោគ លើឧបករណ៍ហិរញ្ញវត្ថុជាសាធារណៈ គឺជាការងារអាទិភាព របស់ក្រុមហ៊ុន ខេមបូឌាន ដេរីវ៉េទីវ អុិចឆេង។ ជាមួយគ្នានេះ លោក Lawrence បានចែករំលែកនូវបទពិសោធន៍របស់លោក លើទីផ្សារអន្តរជាតិ ហើយមានជំនឿយ៉ាងមុតមាំថា ទីផ្សារឧបករណ៍និស្សន្ទនៅកម្ពុជា កំពុងឆ្ពោះទៅរកសក្តានុពលពេញលេញរបស់វា៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com
