ពីនេះ ពីនោះ
យុវវ័យទើបតែផ្តើមស្រឡាញ់គ្នាដំបូង ប្រើពាក្យ «យើង» ខុសក្បួន
× ការពិតពាក្យ «យើង» មិនមែនជាពាក្យចម្លែកនោះទេ តែចម្លែកត្រង់ថា យុវវ័យដែលចាប់ផ្តើមស្រឡាញ់គ្នា និងយល់ចិត្តគ្នាដំបូង ប្រើពាក្យ «យើង» មិនទាន់ត្រឹមត្រូវទៅមានក្បួនខ្នាតនៅឡើយទេ។ តើពាក្យអ្វីទៅដែល យុវវ័យគួរតែប្រើឲ្យត្រូវនឹងការដែលផ្តើមមានស្នេហា?
យុវវ័យនៅក្នុងដំណាក់កាលមានស្នេហា យល់ចិត្តគ្នា និងស្រឡាញ់គ្នាដំបូង ពួកគេប្រើពាក្យថា «យើង» ជំនួសពាក្យ បង ឬអូនដោយសារតែពួកគេមិនទាន់មានភាពក្លាហានក្នុងការហៅគ្នា អូន ឬបង។ ដោយឡែក យុវវ័យខ្លះគិតថា ដើម្បីឲ្យស្នេហារបស់ពួកគេមានភាពស្និទ្ធស្នាលនោះ ពួកគេមិនខ្លាចអៀនមាត់ក្នុងការប្រើពាក្យ អូន ឬបងនោះទេ។
នៅក្នុងវចនានុក្រមខ្មែរ ក៏បានបញ្ជាក់ថា ពាក្យ «យើង» សម្រាប់និយាយបានតែក្រាបទូលក្សត្រិយ៍ថា យើងខ្ញុំព្រះអង្គ, សម្រាប់និយាយនឹងមន្ត្រីស័ក្តិធំ និងតូច យើងខ្ញុំព្រះបាទ និងយើងខ្ញុំ ឬសម្រាប់និយាយនឹងព្រះភិក្ខុសង្ឃថា យើងខ្ញុំព្រះកុរណា៕
© រក្សាសិទ្ធិដោយ thmeythmey.com