-​បន្លំ​លួចលាក់​ជាក់​ធ្លាប់ដៃ​

​ដៃ​ពិត​គ្មាន​ថ្ងៃ​បាន​លូតលាស់​

​លាស់​លួចលាក់​គេ​ច្រើន​គេ​ទាស់​

​ទាស់ទែង​លែង​លាស់​លូត​ខ្លួនឯង​។​

 

-​ឯង​ចេះតែ​ម្យ៉ាង​ខាង​យក​ស្រាប់​

​ស្រាប់តែ​ដល់​ស្លាប់​ចាប់​ឃើញ​ស្តែង​

​ស្តែង​ណាស់​ច្បាស់​សល់​ខ្វល់​ចំបែង​

​បែង​បាត់​ខ្លួនឯង​គ្មាន​ស្នាដៃ​។​

 

-​ដៃ​ចេះតែ​ត្រឹម​ចម្លង​គេ​

​គេ​ប្រឹង​រិះ​រេរក​រាល់ថ្ងៃ 

​ថ្ងៃ​ឡើង​អ្នក​លួច​ឥត​បង់ថ្លៃ​

​ថ្លៃ​អើយ​ខ្មាស​ក្រៃ​ក្រែង​ម្ចាស់​ដើម​។​

 

​ដើមទុន​តិចតួច​កួច​កៀងគរ​

​គរុទោស​វរវឹក​ជាក់​ស្បើម​

​ស្បើម​អី​លួច​គេ​ត្រឹម​គេ​ខ្ពើម​

​ខ្ពើម​គេ​រអើម​អសោច​កេរ្តិ៍​៕

 

​