AFF U22៖ ហ្វីលីពីនប៉ះថៃ មុនវៀតណាមជួបទីម័រខាងកើត ក្នុងពូល A

កីឡាជាតិ

ជាតិ

AFF U22៖ ហ្វីលីពីនប៉ះថៃ មុនវៀតណាមជួបទីម័រខាងកើត ក្នុងពូល A

19, Feb 2019 , 11:38 am

រូបភាព

ដោយ: ថ្មីៗ

ក្រុមកីឡាបាល់ទាត់យុវជនជម្រើសជាតិអាយុក្រោម២២ឆ្នាំហ្វីលីពីន នឹងត្រូវតទល់ជាមួយថៃ មុនការជួបគ្នារវាងវៀតណាមនិងទីម័រខាងកើតសម្រាប់ការប្រកួតជើងទី២ ពូល A នៃព្រឹត្តិការណ៍ AFF U22 Championship នៅថ្ងៃទី១៩ ខែកុម្ភៈ ឆ្នាំ២០១៩ នេះក្នុងពហុកីឡដ្ឋានជាតិអូឡាំពិក។

ជំនួបរវាងហ្វីលីពីន ជាមួយថៃ នឹងត្រូវធ្វើឡើងនៅវេលាម៉ោង ៣:៣០នាទីរសៀល ខណៈវៀតណាម និងទីម័រខាងកើតនឹងចាប់ផ្តើមការប្រកួតនៅម៉ោង ៦:៣០នាទីល្ងាច។

កាលពីប្រកួតបើឆាកនៃវគ្គសន្សំពិន្ទុពូល A នេះ U-22 វៀតណាម និងថៃ សុទ្ធតែទទួលជ័យជម្នះរៀងៗខ្លួនរួចមកហើយ។ វៀតណាម ឈរលើកំពូលតារាងបណ្តោះអាសន្ន ក្រោយឈ្នះហ្វីលីពីន ២-១ រីឯថៃដែលឈ្នះទីម័រខាងកើត ១-០ ស្ថិតនៅលេខរៀងទីពីរ។

ហ្វីលីពីន និង ទីម័រខាងកើតដែលបរាជ័យដូចគ្នានៅប្រកួតដំបូង ត្រូវធ្វើយ៉ាងយកឈ្នះ ឬក៏ស្មើជាដាច់ខាតសម្រាប់ជំនួបទី២នេះ បើមិនដូច្នោះទេក្រុមទាំងពីនឹងត្រូវអស់ឱកាសដើម្បីឈានទៅវគ្គបន្ត។

ជំនួបចុងក្រោយពូល A នេះ នឹងត្រូវធ្វើឡើងនៅថ្ងៃទី២១ ខែកុម្ភៈ ក្នុងនោះវៀតណាម ត្រូវតទល់នឹងថៃ ហើយហ្វីលីពីនត្រូវប្រជែងជាមួយ ទីម័រខាងកើត៕

អត្ថបទទាក់ទង

AFF U-22៖ កម្ពុជាឈ្នះម៉ាឡេស៊ី ១-០ ក្នុងជំនួបបើកឆាកពូល B

AFF U22៖ វៀតណាម និងថៃ បាន៣ពិន្ទុរៀងៗខ្លួនក្នុងជំនួបបើកឆាកពូល A