ជាតិ
សេដ្ឋកិច្ច
ជប៉ុន ផ្ដល់ជំនួយឥតសំណង ៤៣លានដុល្លារ ដល់កម្ពុជា លោក ហូរីណូអ៊ូជិ ហ៊ីដេហ៊ីសា ឯកអគ្គទូតជប៉ុន និងលោក ប្រាក់ សុខុន នាពិធីចុះហត្ថលេខាផ្តល់អាហារូបករណ៍។
× រដ្ឋាភិបាលជប៉ុន បន្ដផ្ដល់ឥណទានសម្បទាន និងហិរញ្ញប្បទានឥតសំណងប្រមាណ ៤៣លានដុល្លារ ដល់កម្ពុជា ដើម្បីបន្តជំរុញការអភិវឌ្ឍសេដ្ឋកិច្ច និងសង្គមបន្ថែមទៀត។ នេះបើតាមក្រសួងការបរទេស និងសហប្រតិបត្តិការអន្ដរជាតិ។
រដ្ឋាភិបាលជប៉ុនបន្តគាំទ្រគម្រោងចំនួនពីរ ដោយក្នុងនោះរួមមានគម្រោងកែលម្អ និងស្តារប្រព័ន្ធស្រោចស្រព និងប្រព័ន្ធដោះទឹកភាគខាងលិចបឹងទន្លេសាប ជំហានទី២ ដែលមានទឹកប្រាក់សរុប៣,៥៩៩ លានយ៉េន (ប្រមាណ៣១.៥៦លានដុល្លារអាមេរិក) និង គម្រោងអភិវឌ្ឍន៍ប្រព័ន្ធផ្លាស់ប្តូរទិន្នន័យអគ្គិសនី នៅកំពង់ផែ ដើម្បីការធ្វើទំនើបកម្មកំពង់ផែ ក្នុងទំហំទឹកប្រាក់សរុប ១,៣៤០ លានយ៉េន (ប្រមាណ ១១.៨លានដុល្លារអាមេរិក)។
ក្រសួងការបរទេស បានបញ្ជាក់ថា លោក ប្រាក់ សុខុន រដ្ឋមន្ដ្រីក្រសួងការបរទេស និងសហប្រតិបត្តិការអន្ដរជាតិ និងលោក ហូរីណូអ៊ូជិ ហ៊ីដេហ៊ីសា (HORINOUCHI Hidehisa) ឯកអគ្គរាជទូតជប៉ុនប្រចាំកម្ពុជានឹងត្រូវចុះហត្ថលេខាលើលិខិតប្តូរសារ នាព្រឹកថ្ងៃទី២០ ខែកុម្ភៈ ឆ្នាំ២០១៩៕
Tag:
ជប៉ុន
កម្ពុជា
ប្រាក់ សុខុន
HORINOUCHI Hidehisa
© រក្សាសិទ្ធិដោយ thmeythmey.com