កីឡាជាតិ
ជាតិ
លទ្ធផលហ៊្វុតសាលកើតឡើងនាជំនួបរវាងចម្កាកៅស៊ូបឹងកេត និងបៀលប្រាយ បឹងកេតយកឈ្នះបៀលប្រាយ១០-៥។ រូបថត ហ្វេសប៊ុកលោក កឹម សុវណ្ណា
× ជ័យជម្នះរបស់ក្រុមចម្ការកៅស៊ូបឹងកេត លើក្រុមបៀលប្រាយយូណាយធីត ក្នុងលទ្ធផល ១០ ទល់ ៥ បានក្លាយជាកំណត់ត្រាថ្មីមួយក្នុងប្រកួតដែលទាត់បញ្ចូលទីគ្នាទៅមកបានច្រើនជាងគេគឺរហូតដល់ ១៥ គ្រាប់ក្នុងមួយប្រកួត នៅពានរង្វាន់មិត្តហ្វូនខេមបូឌានលីក២០១៤ (MCL2014) សប្ដាហ៍ទី ២១ ថ្ងៃអាទិត្យ ម្សិលមិញនេះលើទីលានពហុកីឡដ្ឋានជាតិ។
នេះជាការទាត់បាល់បញ្ចូលទីដ៏ច្រើនបំផុតបើគិតចាប់តាំងពីស្វាយរៀងយកឈ្នះអាស៊ីអឺរ៉ុប ១០ ទល់នឹង ៣ នារដូវកាលឆ្នាំ២០១៣ រីឯកំណត់ត្រាដែលគួរឲ្យកត់សម្គាល់នោះ គឺណាហ្គាខប បានយកឈ្នះបក្សីចាំក្រុង ១៩-០ កាលពីឆ្នាំ២០០៧ ។
ទោះបីជាយ៉ាងណាក៏ដោយ ជ័យជម្នះដ៏ច្រើនលើសលប់នេះក៏មិនអាចជួយក្រុមបឹងកេត ដណ្ដើមបានជើងឯកពីក្រុមភ្នំពេញក្រោន មកវិញនោះទេ ប៉ុន្ដែ៣ ពិន្ទុបន្ថែមអាចជួយឱ្យក្រុមរក្សាចំណាត់ថ្នាក់ជើងឯករងកាន់តែរឹងមាំ ទោះជានៅសល់មួយប្រកួតទៀតក៏ដោយ។
គ្រាប់បាល់ ១០ គ្រាប់របស់ចម្ការកៅស៊ូបឹងកេត រកបានដោយកីឡាករ ឃួន ឡាបូរ៉ាវី ៣ គ្រាប់, Momoh ២គ្រាប់, Tijani ២ គ្រាប់, កែវ សុខផេង ២ គ្រាប់ និង យ៉ប រ៉ូម៉ាទន មួយគ្រាប់។ ចំណែក ៥ គ្រាប់របស់បៀលប្រាយ វិញរកបានដោយកីឡាករ Yamagata Yusuke ២ គ្រាប់ និងកីឡាករ Adeyanju Omokefe ៣ គ្រាប់៕
លទ្ធផលសរុបប្រចាំសប្ដាហ៍ទី ២១ នេះមាន៖
• Albirex Niigata PP ២ – ១ គីរីវង់សុខសែនជ័យ
• អាស៊ីអឺរ៉ុប ៥ – ២ អគ្គស្នងការដ្ឋាននគរបាលជាតិ
• ត្រាយអាស៊ី ២ – ០ ក្រសួងការពារជាតិ
• ភ្នំពេញក្រោន ២ – ៣ ស្វាយរៀង
• ចម្ការកៅស៊ូបឹងកេត ១០ – ៥ បៀលប្រាយ
• វេស្ទើន ១ – ២ ណាហ្គាខប
ចំណែកឯតារាងចំណាត់ថ្នាក់វិញមាន៖
១.ភ្នំពេញក្រោន ៥១ពិន្ទុ(+៣៦)
២. ចម្ការកៅស៊ូបឹងកេត៤៧ពិន្ទុ(+៣០)
៣. ណាហ្គាខប ៣៧ពិន្ទុ(+១៨)
៤. ស្វាយរៀង ៣៦ពិន្ទុ(+២៧)
៥. ភ្នំពេញត្រាយអាស៊ី៣១ពិន្ទុ(+៩)
៦. អគ្គស្នងការដ្ឋាននគរបាលជាតិ២៨ពិន្ទុ(+៥)
៧. បៀលប្រាយយូណាយធីត២៧ពិន្ទុ(-១៤)
៨. ក្រសួងការពារជាតិ២៣ ពិន្ទុ(-៩)
៩. សាកលវិទ្យាល័យអាស៊ីអឺរ៉ុប២៣ពិន្ទុ(-១៥)
១០.វេស្ទើនយូនីអែហ្វស៊ី១៩ពិន្ទុ(-១៤)
១១.គិរីវង់សុខសែនជ័យ១៣ពិន្ទុ(-៤០)
១២. Albirex Niigata Phnom Penh ១០ពិន្ទុ(-៣៩)
© រក្សាសិទ្ធិដោយ thmeythmey.com