កីឡាជាតិ
ជាតិ
ក្រុម U21 ទទួលប្រាក់លើកទឹកចិត្តពី BIDC។ រូបថត FFC
×![]()
ដោយ: ថ្មីៗ
កាលពីព្រឹកថ្ងៃសុក្រ ទី២២ ខែសីហា ធនាគារវិនិយោគនិងអភិវឌ្ឍន៍កម្ពុជា (BIDC) បានបំពេញតាមការសន្យារបស់ខ្លួនដោយផ្តល់ប្រាក់ឧបត្ថម្ភចំនួន៦០០០ដុល្លារដល់ក្រុមកីឡាករជម្រើសជាតិយុវជនអាយុក្រោម២១ឆ្នាំ ចំពោះជ័យជម្នះរបស់ពួកគេបីប្រកួតក្នុងព្រឹត្តិការណ៍ដណ្តើមពានរង្វាន់ស្តេចប្រ៊ុយណេ Hassanal Bolkiah Trophy ឆ្នាំ២០១៤ កន្លងមក។
ក្រុម U21 កម្ពុជា បានត្រឡប់មកផ្ទះវិញកាលពីម្សិលមិញ បន្ទាប់ពីពួកគេបានចាញ់វៀតណាម ៣-០ ហើយខកឱកាសក្នុងការឡើងទៅកាន់វគ្គពាក់កណ្តាលផ្តាច់ព្រ័ត្រ។ ទោះបីជាយ៉ាងណាក៏ដោយ ក្រុមយុវជនកម្ពុជា បានបង្ហាញសមត្ថភាពដ៏គួរឲ្យកត់សម្គាល់តាមរយៈជ័យជម្នះ ១-០ លើម្ចាស់ផ្ទះប្រ៊ុយណេ ៣-១ លើសិង្ហបុរី និង២-១ លើឥណ្ឌូនេស៊ី។
សម្រាប់រាល់ជ័យជម្នះរបស់ក្រុម U21 កម្ពុជា ធនាគារ BIDC សន្យាឧបត្ថម្ភប្រាក់២០០០ដុល្លារក្នុង១ប្រកួត រីឯសហព័ន្ធកីឡបាល់ទាត់កម្ពុជាសន្យាឧបត្ថម្ភ៣០០០ដុល្លារក្នុងមួយប្រកួតផងដែរ។ ដូច្នេះ ពួកគេកំពុងរង់ចាំពិធីប្រគល់ប្រាក់រង្វាន់ចំនួន៩០០០ដុល្លារបន្ថែមទៀតពីសហព័ន្ធ។
សូមបញ្ជាក់ផងដែរថា ក្រៅពីប្រាក់ឧបត្ថម្ភខាងលើ ក្រុម U21កម្ពុជាដែលមានសមាជិកសរុប២៤នាក់ បានទទួលប្រាក់រង្វាន់អនុស្សាវរីយ៍ពីព្រះចៅស៊ុលតង់ប្រ៊ុយណេ Hassanal Bolkiah ម្នាក់ៗចំនួន១០០0ដុល្លាររួចហើយ៕
អត្ថបទៈ វិចិត្រ
ក្រុម U21 កម្ពុជា បានត្រឡប់មកផ្ទះវិញកាលពីម្សិលមិញ បន្ទាប់ពីពួកគេបានចាញ់វៀតណាម ៣-០ ហើយខកឱកាសក្នុងការឡើងទៅកាន់វគ្គពាក់កណ្តាលផ្តាច់ព្រ័ត្រ។ ទោះបីជាយ៉ាងណាក៏ដោយ ក្រុមយុវជនកម្ពុជា បានបង្ហាញសមត្ថភាពដ៏គួរឲ្យកត់សម្គាល់តាមរយៈជ័យជម្នះ ១-០ លើម្ចាស់ផ្ទះប្រ៊ុយណេ ៣-១ លើសិង្ហបុរី និង២-១ លើឥណ្ឌូនេស៊ី។
សម្រាប់រាល់ជ័យជម្នះរបស់ក្រុម U21 កម្ពុជា ធនាគារ BIDC សន្យាឧបត្ថម្ភប្រាក់២០០០ដុល្លារក្នុង១ប្រកួត រីឯសហព័ន្ធកីឡបាល់ទាត់កម្ពុជាសន្យាឧបត្ថម្ភ៣០០០ដុល្លារក្នុងមួយប្រកួតផងដែរ។ ដូច្នេះ ពួកគេកំពុងរង់ចាំពិធីប្រគល់ប្រាក់រង្វាន់ចំនួន៩០០០ដុល្លារបន្ថែមទៀតពីសហព័ន្ធ។
សូមបញ្ជាក់ផងដែរថា ក្រៅពីប្រាក់ឧបត្ថម្ភខាងលើ ក្រុម U21កម្ពុជាដែលមានសមាជិកសរុប២៤នាក់ បានទទួលប្រាក់រង្វាន់អនុស្សាវរីយ៍ពីព្រះចៅស៊ុលតង់ប្រ៊ុយណេ Hassanal Bolkiah ម្នាក់ៗចំនួន១០០0ដុល្លាររួចហើយ៕
អត្ថបទៈ វិចិត្រ
© រក្សាសិទ្ធិដោយ thmeythmey.com
