កីឡាអន្តរជាតិ
អន្តរជាតិ
×![]()
ដោយ: ថ្មីៗ
កីឡាករបាល់ទាត់ម្នាក់ បានស្លាប់ ក្រោយពីរងរបួសឆ្អឹងខ្នងយ៉ាងធ្ងន់ធ្ងរ អំឡុងពេលធ្វើការអបអរគ្រាប់បាល់ស៊ុតបញ្ចូលទីរបស់គេ។ ខ្សែបម្រើ Peter Biaksangzuala វ័យ២៣ឆ្នាំ បានដួលយ៉ាងខ្លាំងប៉ះទៅនឹងក្បាលរបស់គេអំឡុងបង្វិលខ្លួនត្រឡប់ក្រោយដើម្បីអបអររកគ្រាប់បាល់តាមស្មើឲ្យក្រុម Bethlehem Vengthlang FC កាលពីសប្តាហ៍មុន។ 
ការប្រកួតក្របខ័ណ្ឌ Mizoram Premier League មួយនេះ ដែលត្រូវបានរៀបចំឡើងនៅភាគឦសានប្រទេសឥណ្ឌា ត្រូវបានធ្វើការផ្សាយផ្ទាល់តាមកញ្ចក់ទូរទស្សន៍ ក៏ដូចជាត្រូវបានទស្សនាដោយអ្នកគាំទ្រជាច្រើនពាន់នាក់។
មិត្តរួមក្រុមរបស់គេបានលោតពីលើខ្សែបម្រើរូបនេះដើម្បីធ្វើការអបអរគ្រាប់បាល់ស៊ុតបញ្ចូលទី នៅមុនពេលពួកគេដឹងថា រូបគេបានរងរបួសយ៉ាងធ្ងន់ធ្ងរ។ រូបគេត្រូវបានសែងចេញពីទីលាន និងត្រូវបានបញ្ជូនទៅកាន់មន្ទីរពេទ្យជាបន្ទាន់ ខណៈដែលក្រុមគ្រូពេទ្យបានធ្វើការវះកាត់ និងព្យាយាមព្យាបាល់ឆ្អឹងខ្នងរបស់គេដែលបានបាក់។ នេះបើយោងទៅតាមបណ្តាញសារព័ត៌មានក្នុងស្រុក។
ប៉ុន្តែ Biaksangzuala បានស្លាប់កាលពីថ្ងៃចន្ទ ក្រោយពីស្ថានភាពរបស់គេបានស្ថិតក្នុងសភាពយ៉ាងយ៉ាប់យ៉ឺនក្នុងមន្ទីរពេទ្យ។ លោក Lal Hmar មន្ត្រីកីឡាបាល់ទាត់ម្នាក់ក្នុងរដ្ឋ Mizoram បានប្រាប់់អ្នកយកព័ត៌មានក្នុងទីក្រុង Aizawl ថា កីឡាករវ័យក្មេងរូបនេះបានយល់ព្រមបរិច្ចាកកែវភ្នែករបស់គេនៅមុនពេលស្លាប់។
លោក Hmar បានឲ្យដឹងថា៖ «Peter គឺជាកីឡាករប្រកបដោយទេពកោសល្យម្នាក់ដែលសុបិនចង់លេងក្នុងលីកជាតិ។ ការស្លាប់របស់គេបាននាំឲ្យមានការតក់ស្លុតយ៉ាងខ្លាំងចំពោះយើង។ យើងទាំងអស់គ្នាបានគិតថា គេនឹងជាសះស្បើយ»៕
ប្រែសម្រួលដោយ ផេង សំណាង
ការប្រកួតក្របខ័ណ្ឌ Mizoram Premier League មួយនេះ ដែលត្រូវបានរៀបចំឡើងនៅភាគឦសានប្រទេសឥណ្ឌា ត្រូវបានធ្វើការផ្សាយផ្ទាល់តាមកញ្ចក់ទូរទស្សន៍ ក៏ដូចជាត្រូវបានទស្សនាដោយអ្នកគាំទ្រជាច្រើនពាន់នាក់។ មិត្តរួមក្រុមរបស់គេបានលោតពីលើខ្សែបម្រើរូបនេះដើម្បីធ្វើការអបអរគ្រាប់បាល់ស៊ុតបញ្ចូលទី នៅមុនពេលពួកគេដឹងថា រូបគេបានរងរបួសយ៉ាងធ្ងន់ធ្ងរ។ រូបគេត្រូវបានសែងចេញពីទីលាន និងត្រូវបានបញ្ជូនទៅកាន់មន្ទីរពេទ្យជាបន្ទាន់ ខណៈដែលក្រុមគ្រូពេទ្យបានធ្វើការវះកាត់ និងព្យាយាមព្យាបាល់ឆ្អឹងខ្នងរបស់គេដែលបានបាក់។ នេះបើយោងទៅតាមបណ្តាញសារព័ត៌មានក្នុងស្រុក។
ប៉ុន្តែ Biaksangzuala បានស្លាប់កាលពីថ្ងៃចន្ទ ក្រោយពីស្ថានភាពរបស់គេបានស្ថិតក្នុងសភាពយ៉ាងយ៉ាប់យ៉ឺនក្នុងមន្ទីរពេទ្យ។ លោក Lal Hmar មន្ត្រីកីឡាបាល់ទាត់ម្នាក់ក្នុងរដ្ឋ Mizoram បានប្រាប់់អ្នកយកព័ត៌មានក្នុងទីក្រុង Aizawl ថា កីឡាករវ័យក្មេងរូបនេះបានយល់ព្រមបរិច្ចាកកែវភ្នែករបស់គេនៅមុនពេលស្លាប់។
លោក Hmar បានឲ្យដឹងថា៖ «Peter គឺជាកីឡាករប្រកបដោយទេពកោសល្យម្នាក់ដែលសុបិនចង់លេងក្នុងលីកជាតិ។ ការស្លាប់របស់គេបាននាំឲ្យមានការតក់ស្លុតយ៉ាងខ្លាំងចំពោះយើង។ យើងទាំងអស់គ្នាបានគិតថា គេនឹងជាសះស្បើយ»៕
ប្រែសម្រួលដោយ ផេង សំណាង
© រក្សាសិទ្ធិដោយ thmeythmey.com
