ពីនេះ ពីនោះ
អន្តរជាតិ
មហាសេដ្ឋីបច្ចេកវិទ្យាអាមេរិកទាំង ១០ រូបនៅក្នុងឆ្នាំ២០១៤
× ទស្សនាវដ្ដី Forbes បានបានចាត់ថ្នាក់មនុស្សចំនួន ៤០០ នាក់ ដែលជាមហាសេដ្ឋីផ្នែកបច្ចេកវិទ្យា ហើយមហាសេដ្ឋីទាំងនោះ គឺជាអ្នកជំនួញក្នុងវិស័យបច្ចេកវិទ្យាទំនើបៗ ដែលប្រជាជននៅក្នុងពិភពលោក បាននិងកំពុងប្រើប្រាស់ផលិតផលរបស់ពួកគេ ។
ក្នុងចំណោមមហាសេដ្ឋីទាំង ៤០០ នាក់ លោក Mark Zuckerberg ដែលជាស្ថាបនិក និងជានាយកប្រតិបត្តិក្រុមហ៊ុនបណ្ដាញសង្គមហ្វេសប៊ុក មានការលេចធ្លោជាងគេ ដោយសារតែលោកអាច រកចំណូលបានរហូតដល់ ១៥ ពាន់លានដុល្លារក្នុងរយៈពេលមួយឆ្នាំ។
ខាងក្រោមនេះគឺជាមហាសេដ្ឋីបច្ចេកវិទ្យាអាមេរិក ដែលស្ថិតនៅលំដាប់កំពូលទាំង ១០ រូប សម្រាប់ឆ្នាំ២០១៤ ដែលចាត់ថ្នាក់ដោយ ទស្សនាវដ្ដី Forbes ៖
ទី១ លោក Bill Gates ៖ ជាសហស្ថាបនិក ក្រុមហ៊ុន Microsoft មានទ្រព្យសម្បត្តិសរុប ៨១ លានដុល្លារ ។
ទី២ លោក Larry Ellison ៖ នាយកប្រតិបត្តិក្រុមហ៊ុន Oracle ដែលជាក្រុមហ៊ុនលក់ Software កុំព្យូទ័រ មានទ្រព្យសម្បត្តិសរុប ៥០ ពាន់លានដុល្លារ។
ទី៣ លោក Mark Zuckerbergស្ថាបនិក និងជានាយកប្រតិបត្តិFacebook មានទ្រព្យសម្បត្តិសរុប ៣៤ ពាន់លានដុល្លារ។
ទី៤ លោក Larry Pageនាយកប្រតិបត្តិក្រុមហ៊ុន Google មានទ្រព្យសរុប ៣១,៥ ពាន់លានដុល្លារ។
ទី៥ លោក Sergey Brin សហស្ថាបនិកក្រុមហ៊ុន Google បច្ចុប្បន្នជាប្រធានគម្រោងមួយរបស់Google ហើយលោកមានទ្រព្យសម្បត្តិសរុប ៣១ពាន់លានដុល្លារ។
ទី៦ លោក Jeff Bezosជាស្ថាបនិក និងជានាយកប្រតិបត្តិក្រុមហ៊ុនលក់ទំនិញអនឡាញ Amazon.com លោកមានទ្រព្យសម្បត្តិសរុប ៣០,៥ ពាន់លានដុល្លារ។
ទី៧ លោក Steve Ballmer អតីតនាយកប្រតិបត្តិនិងជាសហស្ថាបនិកក្រុមហ៊ុន Microsoft បច្ចុប្បន្ន លោកមានទ្រព្យសម្បត្តិសរុប ២២,៥ ពាន់លានដុល្លារ។
ទី៨ លោក Michael Dell ម្ចាស់ក្រុមហ៊ុនផលិតកុំព្យូទ័រម៉ាក Dell លោកមានទ្រព្យសម្បត្តិសរុប ១៧,៧ ពាន់លានដុល្លារ។
ទី៩ លោក Charlie Ergen នាយកប្រតិបត្តិសាជីវកម្ម DISH Network បច្ចុប្បន្នលោកមានទ្រព្យសម្បត្តិសរុប ១៧,២ ពាន់លានដុល្លារ។
ទី១០ លោក Paul Allen សហស្ថាបនិកក្រុមហ៊ុន Microsoft ធ្លាប់រៀននៅវិទ្យាល័យជាមួយលោក Bill Gatesហើយបច្ចុប្បន្នលោកមានទ្រព្យសម្បត្តិសរុប ១៧ ពាន់លានដុល្លារ៕
© រក្សាសិទ្ធិដោយ thmeythmey.com