កីឡាជាតិ
ជាតិ
លោក Sam៖ ភ្នំពេញក្រោនលេងបានយ៉ាងអស្ចារ្យនារយៈពេល២៥នាទីដំបូងនៃតង់ទីពីរ
×![]()
ដោយ: រួបរួម
«នៅដែលអ្នករៀបចំក្រុមសម្រាប់ការប្រកួត ហើយទាំងអស់គ្នាដឹងពីអ្វីដែលត្រូវធ្វើ ប៉ុន្តែ២នាទីក្រោយមក អ្នកភ្លាត់ស្លៀតធ្លាយសំណាញ់មួយគ្រាប់ គម្រោងការរបស់អ្នកគឺប្រែប្រួលទាំងស្រុង»។ នេះជាការលើកឡើងរបស់គ្រូបង្វឹកក្លិបភ្នំពេញក្រោន បន្ទាប់ពីក្រុមរបស់លោកចាញ់ជើងឯកវៀតណាម Becamex Binh Duong ក្នុងលទ្ធផល ៥-២ នាការប្រកួតដណ្តើមពានរង្វាន់ Toyota Mekong Club Championship នៅកីឡដ្ឋាន Binh Duong Stadium កាលពីរាត្រីថ្ងៃសុក្រ។
ត្រឹមតែ២នាទីប៉ុណ្ណោះ កីឡាករ Dieng Abass បាននាំមុខមុន ១-០ ឲ្យក្រុមម្ចាស់ផ្ទះ Becamex Binh Duong ហើយ Nguyen Trong បន្ថែមគ្រាប់ទីពីរមុនបញ្ចប់តង់ទីមួយ។ នៅនាទី ទី៦៦ កីឡាការចំណូលថ្មីជនជាតិហូឡង់ Koen Bosma បាននាំក្តីសង្ឃឹមសម្រាប់ក្រុមជើងឯកកម្ពុជា តាមរយៈការវាយបកតាមពីក្រោយមួយគ្រាប់ ជាមួយនឹងការបញ្ជូនយ៉ាងល្អរបស់ ហុង ផេង។
ប៉ុន្តែក្រោយមកទៀត ក្រុមម្ចាស់ផ្ទះបង្កើនការនាំមុខរហូតដល់ទៅបីគ្រាប់ដែលសម្រេចបានដោយ Oseni Bolaji, Le Cong Vinh និង Nguyen Tang Tuan ខណៈ Bisan George រកគ្រាប់បាល់បង្គ្រប់កិច្ចឲ្យភ្នំពេញក្រោន មុននឹងអាជ្ញាកណ្តាលផ្លុំកញ្ចែបញ្ចប់ការប្រកួត។
ទន្ទឹមនឹងការខកចិត្ត គ្រូបង្វឹកជនជាតិស្វ៊ីស លោក Sam Schweingruber បានសម្តែងការរីករាយចំពោះស្មារតីកីឡាកររបស់ខ្លួន ដែលមានការប្រឹងប្រែងខ្ពស់នារយៈពេល២៥នាទីដំបូងនៃតង់ទីពីរ ប៉ុន្តែពួកគេមិនសំណាងវាយបកលើគូប្រជែងបានឡើយ។
លោក Sam បានលើកឡើងថា លោកបានប្រើប្រាស់ជម្រើសដ៏ខ្លាំងរបស់ខ្លួនក្នុងជំនួបជាមួយជើងឯកវៀតណាម ហើយលោកកោតសរសើរ ស៊ូ យ៉ាទី ដែលបំពេញតួនាទីបានយ៉ាងល្អ បើទោះបីជាគូប្រជែងស៊ុតបាល់បញ្ចូលទីដល់ទៅ៥គ្រាប់ក៏ដោយ។
ភ្នំពេញក្រោនត្រៀមប៉ះជាមួយក្រុម HAGL Attapeu របស់ឡាវ ដែលបានចាញ់ក្រុមមីយ៉ាន់ម៉ា Ayeyawady ដោយគ្រាប់បាល់ប៉េណាល់ទី ៥-៤ បន្ទាប់ពីពួកគេបញ្ចប់ក្នុងលទ្ធផលស្មើ ១-១ នារយៈពេល៩០នាទី។ ការប្រកួតដណ្តើមយកលេខបីនេះ នឹងប្រព្រឹត្តទៅនៅវេលាម៉ោង១ និង៣០រសៀល ថ្ងៃអាទិត្យ ទី២ ខែវិច្ឆិកា នៅមុនជំនួបផ្តាច់ព្រ័ត្រ រវាងក្រុមម្ចាស់ផ្ទះ Becamex Binh Duong និងក្រុមមីយ៉ាន់ម៉ា Ayeyawady៕
ត្រឹមតែ២នាទីប៉ុណ្ណោះ កីឡាករ Dieng Abass បាននាំមុខមុន ១-០ ឲ្យក្រុមម្ចាស់ផ្ទះ Becamex Binh Duong ហើយ Nguyen Trong បន្ថែមគ្រាប់ទីពីរមុនបញ្ចប់តង់ទីមួយ។ នៅនាទី ទី៦៦ កីឡាការចំណូលថ្មីជនជាតិហូឡង់ Koen Bosma បាននាំក្តីសង្ឃឹមសម្រាប់ក្រុមជើងឯកកម្ពុជា តាមរយៈការវាយបកតាមពីក្រោយមួយគ្រាប់ ជាមួយនឹងការបញ្ជូនយ៉ាងល្អរបស់ ហុង ផេង។ប៉ុន្តែក្រោយមកទៀត ក្រុមម្ចាស់ផ្ទះបង្កើនការនាំមុខរហូតដល់ទៅបីគ្រាប់ដែលសម្រេចបានដោយ Oseni Bolaji, Le Cong Vinh និង Nguyen Tang Tuan ខណៈ Bisan George រកគ្រាប់បាល់បង្គ្រប់កិច្ចឲ្យភ្នំពេញក្រោន មុននឹងអាជ្ញាកណ្តាលផ្លុំកញ្ចែបញ្ចប់ការប្រកួត។
ទន្ទឹមនឹងការខកចិត្ត គ្រូបង្វឹកជនជាតិស្វ៊ីស លោក Sam Schweingruber បានសម្តែងការរីករាយចំពោះស្មារតីកីឡាកររបស់ខ្លួន ដែលមានការប្រឹងប្រែងខ្ពស់នារយៈពេល២៥នាទីដំបូងនៃតង់ទីពីរ ប៉ុន្តែពួកគេមិនសំណាងវាយបកលើគូប្រជែងបានឡើយ។
លោក Sam បានលើកឡើងថា លោកបានប្រើប្រាស់ជម្រើសដ៏ខ្លាំងរបស់ខ្លួនក្នុងជំនួបជាមួយជើងឯកវៀតណាម ហើយលោកកោតសរសើរ ស៊ូ យ៉ាទី ដែលបំពេញតួនាទីបានយ៉ាងល្អ បើទោះបីជាគូប្រជែងស៊ុតបាល់បញ្ចូលទីដល់ទៅ៥គ្រាប់ក៏ដោយ។
ភ្នំពេញក្រោនត្រៀមប៉ះជាមួយក្រុម HAGL Attapeu របស់ឡាវ ដែលបានចាញ់ក្រុមមីយ៉ាន់ម៉ា Ayeyawady ដោយគ្រាប់បាល់ប៉េណាល់ទី ៥-៤ បន្ទាប់ពីពួកគេបញ្ចប់ក្នុងលទ្ធផលស្មើ ១-១ នារយៈពេល៩០នាទី។ ការប្រកួតដណ្តើមយកលេខបីនេះ នឹងប្រព្រឹត្តទៅនៅវេលាម៉ោង១ និង៣០រសៀល ថ្ងៃអាទិត្យ ទី២ ខែវិច្ឆិកា នៅមុនជំនួបផ្តាច់ព្រ័ត្រ រវាងក្រុមម្ចាស់ផ្ទះ Becamex Binh Duong និងក្រុមមីយ៉ាន់ម៉ា Ayeyawady៕
© រក្សាសិទ្ធិដោយ thmeythmey.com
