ជាតិ
បទវិភាគ
×![]()
ស្ត្រីខ្មែរម្នាក់ទៀតហើយដែលត្រូវបានទាហានថៃបាញ់សម្លាប់កាលពីថ្ងៃទីទី៩ ខែធ្នូ ឆ្នាំ២០១៤ ខណៈដែលជនរងគ្រោះនិងស្ត្រី៤នាក់ទៀតដែលរស់នៅក្នុងអូរស្មាច់ ខេត្តឧត្តរមានជ័យ បានឆ្លងចូលទៅក្នុងទឹកដីថៃដោយមិនខ្លួនដើម្បីរកដកផ្សិតនិងអនុផលព្រៃឈើជាថ្មីផ្សេងទៀត។ នេះជាកំណត់ត្រាថ្មីមួយទៀតក្នុងចំណោមពលរដ្ឋខ្មែររាប់សិបនាក់ដែលបានស្លាប់ដោយសារគ្រាប់កាំភ្លើងរបស់ទាហានថៃ។ កំណត់ទូតតវ៉ាមិនគ្រប់គ្រាន់ទេចំពោះអំពើអមនុស្សធម៌ដដែលៗបែបនេះ។
ព័ត៌មានស្តីពីការបាញ់ប្រហារទៅលើពលករឆ្លងដែនខ្មែរបណ្តាលឲ្យស្លាប់បានកើតឡើងជាថ្មីទៀតហើយ។ ប្រជាពលរដ្ឋខ្មែរដែលឆ្លងដែនចូលក្នុងទឹកដីថៃដើម្បីរកអនុផលព្រៃឈើ ឬអ្នកខ្លះទៅស៊ីឈ្នួលគេអូសឈើក្រញូងក្នុងព្រៃ និងអ្នកខ្លះទៀតគ្រាន់តែគេសង្ស័យថាចោរលួចម៉ូតូត្រូវបានទាហានថៃបាញ់សម្លាប់ជាបន្តបន្ទាប់។
នេះជាព្រឹត្តិការណ៍គួរឲ្យព្រឺខ្លាចនិងមិនគួរឲ្យជឿពីព្រោះថា ប្រទេសមួយដែលមានអារិយធម៌គួរសមដែរនៅអាស៊ីបែរជាក្លាយជាប្រទេសប្រើច្បាប់ព្រៃសម្លាប់មនុស្សគ្មានច្បាប់ទម្លាប់បែបនេះទៅវិញ។ ម្តងហើយម្តងទៀត ក្រសួងការបរទេសកម្ពុជាបានផ្ញើកំណត់ទូតតវ៉ាស្ទើរតែរាប់ភ្លេចទៅហើយទៅកាន់ក្រសួងការបរទេសថៃដើម្បីសម្តែងការថ្កោលទោស និងទាមទារឲ្យទាហានថៃបញ្ឈប់អំពើអមនុស្សធម៌នេះ។
កំណត់ទូតថ្មីមួយទៀតត្រូវបានផ្ញើទៅក្រសួងការបរទេសថៃកាលថ្ងៃទី១៧ធ្នូ ដើម្បីប្រឆាំងតវ៉ាចំពោះសកម្មភាពដ៏អមនុស្សធម៌របស់ទាហានថៃតាមព្រំដែនដែលបានបាញ់ប្រហារមកលើស្ត្រីខ្មែរម្នាក់បណ្តាលឲ្យស្លាប់កាលពីថ្ងៃទី៩ធ្នូដោយក្រាន់តែជនរងគ្រោះឆ្លងចូលទឹកដីរបស់ខ្លួនដោយមិនបានដឹងពីទីតាំងព្រំដែន។ ប៉ុន្តែ គេជឿជាក់ថា កំណត់ទូតរបស់ក្រសួងការបរទេសកម្ពុជាមិនបានធ្វើឲ្យភាគីថៃបញ្ឈប់អំពើឃោរឃៅនៃកងទាហានរបស់ខ្លួនឡើយ។
ជាការពិតណាស់ ពលរដ្ឋខ្មែរជាច្រើនបាននាំគ្នាឆ្លងដែនដោយខុសច្បាប់ចូលទៅក្នុងប្រទេសថៃជារៀងរាល់ថ្ងៃ។ ពលរដ្ឋក្រីក្រទាំងនោះមានបំណងត្រឹមស្វែងរកការងារធ្វើដើម្បីបានប្រាក់បន្តិចបន្តួចចិញ្ចឹមគ្រួសារតែប៉ុណ្ណោះ។ ដើម្បីអាចចូលក្នុងប្រទេសថៃបាន មានអ្នកខ្លះបានឆ្លងដែនដោយស្របច្បាប់ អ្នកខ្លះទៀតដោយខុសច្បាប់តាមច្រករបៀងផ្សេង។ ការឆ្លងដែនទៅរកការងារធ្វើជារឿងមួយ តែអ្នកខ្លះបានប្រថុយជីវិតឆ្លងដែនទៅស៊ីឈ្នួលកាប់ឈើឲ្យគេក្នុងព្រៃក្នុងទឹកដីថៃដើម្បីប្រាក់បន្តិចបន្តួច។
ទាំងនេះពិតជាកំហុសរបស់ពលរដ្ឋកម្ពុជាទាំងនោះឬក៏ជាកំហុសរបស់អាជ្ញាធរដែនដីដែលមិនអាចទប់ស្កាត់ពលរដ្ឋរបស់ខ្លួនមិនឲ្យឆ្លងដែនខុសច្បាប់ទៅក្នុងទឹកដីគេបាន។ ប៉ុន្តែ ទោះជាក្នុងលក្ខខណ្ឌណាមួយក៏ដោយចុះ ការបាញ់សម្លាប់មនុស្សជារឿងដែលមិនអាចធ្វើបានឡើយនៅក្នុងប្រទេសនីតិរដ្ឋដែលមិនមែនជាប្រទេសដែលប្រើច្បាប់ព្រៃនោះ។ អាជ្ញាធរថៃមានសិទ្ធិពេញទីក្នុងការចាប់ខ្លួនពលរដ្ឋខ្មែរទាំងនោះទៅផ្តន្ទាទោសតាមច្បាប់របស់ខ្លួន ប៉ុន្តែ មិនមែនជាការបាញ់សម្លាប់។
នៅក្នុងបរិបទនេះ ថៃដែលជាប្រទេសស៊ីវិល័យមួយនៅអាស៊ីអាគ្នេយ៍ដែរនោះ ប្រហែលជាត្រូវរៀនសូកត្រយកគំរូតាមកម្ពុជាវិញទើបជាការត្រឹមត្រូវ។ កម្ពុជា ថ្វីដ្បិតតែជាប្រទេសក្រីក្រ ទើបតែងើបចេញពីសង្គ្រាម និងអំពើប្រល័យពូជសាសន៍ខ្មែរក្រហម ប៉ុន្តែ កម្ពុជាបានបង្ហាញពីការគោរពសិទ្ធិពលរដ្ឋប្រទេសជិតខាងបានយ៉ាងល្អទោះបីជាពលរដ្ឋទាំងនោះឆ្លងដែនចូលកម្ពុជាដោយខុសច្បាប់ ឬមានចេតនាអាក្រក់ក៏ដោយចុះ។
ជាក់ស្តែង ពលរដ្ឋថៃដែលឆ្លងដែនចូលទឹកដីកម្ពុជា ទោះក្នុងរូបភាពណាក៏ដោយ សុទ្ធតែត្រូវបានគោរពសិទ្ធិស្របច្បាប់យ៉ាងពេញលេញពីសំណាក់អាជ្ញាធរកម្ពុជា។ សូម្បីតែជនជាតិថៃពីរនាក់ដែលឆ្លងចូលជ្រៅក្នុងទឹកដីកម្ពុជាក្នុងខេត្តព្រះវិហារ ក្នុងកាលៈទេសៈដែលប្រទេសទាំងពីរកំពុងមានជម្លោះតានតឹង ក៏ពួកគេមិនត្រូវបានអាជ្ញាធរកម្ពុជាបាញ់សម្លាប់ដែរ។ ពួកគេត្រូវបានឃុំខ្លួននិងកាត់ទោសក្នុងស្ថានភាពគោរពសិទ្ធិមនុស្សយ៉ាងពេញលេញ។ ទីបំផុត ជនជាតិថៃទាំងនោះត្រូវបានដោះលែងវិញកាលកំណត់ទៀតផង។
ប៉ុន្តែ ជីវិតពលរដ្ឋខ្មែរត្រូវបានទាហានថៃប្រមាថម្តងហើយម្តងទៀត។ ចំណែកភាគីកម្ពុជាវិញបានត្រឹមតែធ្វើកំណត់ទូតតវ៉ាដែលគ្មានឥទ្ធិពលអ្វីទាំងអស់ទៅលើភាគីថៃ។ ប្រឈមនឹងបញ្ហានេះ រដ្ឋាភិបាលក្រុងភ្នំពេញគួរតែដំឡើងកម្រិតនៃការតវ៉ារបស់ខ្លួនមួយកម្រិតទៀត។ មានមធ្យោបាយច្រើនយ៉ាងណាស់ដែលរដ្ឋាភិបាលភ្នំពេញត្រូវធ្វើដើម្បីបង្ហាញភាគីថៃថា ជីវិតមួយរបស់ខ្មែរមិនអាចត្រូវបានទាហានថៃប្រមាថដោយស្រួលៗឡើយ។
ប្រសិនបើកំណត់ទូតគ្មានប្រសិទ្ធភាព កម្ពុជាគួរប្តឹងទៅស្ថាប័នអន្តរជាតិទាំងឡាយណាដែលធ្វើការដើម្បីបុព្វហេតុយុត្តិធម៌និងសិទ្ធិមនុស្ស។ យ៉ាងហោចណាស់ក៏បានលឺសំឡេងតវ៉ាកងរំពងប្រសើរជាងកំណត់ទូតដែរ។ ក្រៅពីនោះ កម្ពុជាក៏គួរតែទម្លាក់កម្រិតទំនាក់ទំនងការទូតខ្លះជាមួយថៃដើម្បីជាការព្រមាន។ ប្រសិនបើមិនដូច្នោះទេ ភាពទន់ភ្លន់នឹងក្លាយជាភាពទន់ជ្រាយរហូតដល់ប្រទេសជិតខាងមាក់ងាយគ្មានទីបំផុតឡើយ៕
ព័ត៌មានស្តីពីការបាញ់ប្រហារទៅលើពលករឆ្លងដែនខ្មែរបណ្តាលឲ្យស្លាប់បានកើតឡើងជាថ្មីទៀតហើយ។ ប្រជាពលរដ្ឋខ្មែរដែលឆ្លងដែនចូលក្នុងទឹកដីថៃដើម្បីរកអនុផលព្រៃឈើ ឬអ្នកខ្លះទៅស៊ីឈ្នួលគេអូសឈើក្រញូងក្នុងព្រៃ និងអ្នកខ្លះទៀតគ្រាន់តែគេសង្ស័យថាចោរលួចម៉ូតូត្រូវបានទាហានថៃបាញ់សម្លាប់ជាបន្តបន្ទាប់។
នេះជាព្រឹត្តិការណ៍គួរឲ្យព្រឺខ្លាចនិងមិនគួរឲ្យជឿពីព្រោះថា ប្រទេសមួយដែលមានអារិយធម៌គួរសមដែរនៅអាស៊ីបែរជាក្លាយជាប្រទេសប្រើច្បាប់ព្រៃសម្លាប់មនុស្សគ្មានច្បាប់ទម្លាប់បែបនេះទៅវិញ។ ម្តងហើយម្តងទៀត ក្រសួងការបរទេសកម្ពុជាបានផ្ញើកំណត់ទូតតវ៉ាស្ទើរតែរាប់ភ្លេចទៅហើយទៅកាន់ក្រសួងការបរទេសថៃដើម្បីសម្តែងការថ្កោលទោស និងទាមទារឲ្យទាហានថៃបញ្ឈប់អំពើអមនុស្សធម៌នេះ។
កំណត់ទូតថ្មីមួយទៀតត្រូវបានផ្ញើទៅក្រសួងការបរទេសថៃកាលថ្ងៃទី១៧ធ្នូ ដើម្បីប្រឆាំងតវ៉ាចំពោះសកម្មភាពដ៏អមនុស្សធម៌របស់ទាហានថៃតាមព្រំដែនដែលបានបាញ់ប្រហារមកលើស្ត្រីខ្មែរម្នាក់បណ្តាលឲ្យស្លាប់កាលពីថ្ងៃទី៩ធ្នូដោយក្រាន់តែជនរងគ្រោះឆ្លងចូលទឹកដីរបស់ខ្លួនដោយមិនបានដឹងពីទីតាំងព្រំដែន។ ប៉ុន្តែ គេជឿជាក់ថា កំណត់ទូតរបស់ក្រសួងការបរទេសកម្ពុជាមិនបានធ្វើឲ្យភាគីថៃបញ្ឈប់អំពើឃោរឃៅនៃកងទាហានរបស់ខ្លួនឡើយ។
ជាការពិតណាស់ ពលរដ្ឋខ្មែរជាច្រើនបាននាំគ្នាឆ្លងដែនដោយខុសច្បាប់ចូលទៅក្នុងប្រទេសថៃជារៀងរាល់ថ្ងៃ។ ពលរដ្ឋក្រីក្រទាំងនោះមានបំណងត្រឹមស្វែងរកការងារធ្វើដើម្បីបានប្រាក់បន្តិចបន្តួចចិញ្ចឹមគ្រួសារតែប៉ុណ្ណោះ។ ដើម្បីអាចចូលក្នុងប្រទេសថៃបាន មានអ្នកខ្លះបានឆ្លងដែនដោយស្របច្បាប់ អ្នកខ្លះទៀតដោយខុសច្បាប់តាមច្រករបៀងផ្សេង។ ការឆ្លងដែនទៅរកការងារធ្វើជារឿងមួយ តែអ្នកខ្លះបានប្រថុយជីវិតឆ្លងដែនទៅស៊ីឈ្នួលកាប់ឈើឲ្យគេក្នុងព្រៃក្នុងទឹកដីថៃដើម្បីប្រាក់បន្តិចបន្តួច។
ទាំងនេះពិតជាកំហុសរបស់ពលរដ្ឋកម្ពុជាទាំងនោះឬក៏ជាកំហុសរបស់អាជ្ញាធរដែនដីដែលមិនអាចទប់ស្កាត់ពលរដ្ឋរបស់ខ្លួនមិនឲ្យឆ្លងដែនខុសច្បាប់ទៅក្នុងទឹកដីគេបាន។ ប៉ុន្តែ ទោះជាក្នុងលក្ខខណ្ឌណាមួយក៏ដោយចុះ ការបាញ់សម្លាប់មនុស្សជារឿងដែលមិនអាចធ្វើបានឡើយនៅក្នុងប្រទេសនីតិរដ្ឋដែលមិនមែនជាប្រទេសដែលប្រើច្បាប់ព្រៃនោះ។ អាជ្ញាធរថៃមានសិទ្ធិពេញទីក្នុងការចាប់ខ្លួនពលរដ្ឋខ្មែរទាំងនោះទៅផ្តន្ទាទោសតាមច្បាប់របស់ខ្លួន ប៉ុន្តែ មិនមែនជាការបាញ់សម្លាប់។
នៅក្នុងបរិបទនេះ ថៃដែលជាប្រទេសស៊ីវិល័យមួយនៅអាស៊ីអាគ្នេយ៍ដែរនោះ ប្រហែលជាត្រូវរៀនសូកត្រយកគំរូតាមកម្ពុជាវិញទើបជាការត្រឹមត្រូវ។ កម្ពុជា ថ្វីដ្បិតតែជាប្រទេសក្រីក្រ ទើបតែងើបចេញពីសង្គ្រាម និងអំពើប្រល័យពូជសាសន៍ខ្មែរក្រហម ប៉ុន្តែ កម្ពុជាបានបង្ហាញពីការគោរពសិទ្ធិពលរដ្ឋប្រទេសជិតខាងបានយ៉ាងល្អទោះបីជាពលរដ្ឋទាំងនោះឆ្លងដែនចូលកម្ពុជាដោយខុសច្បាប់ ឬមានចេតនាអាក្រក់ក៏ដោយចុះ។
ជាក់ស្តែង ពលរដ្ឋថៃដែលឆ្លងដែនចូលទឹកដីកម្ពុជា ទោះក្នុងរូបភាពណាក៏ដោយ សុទ្ធតែត្រូវបានគោរពសិទ្ធិស្របច្បាប់យ៉ាងពេញលេញពីសំណាក់អាជ្ញាធរកម្ពុជា។ សូម្បីតែជនជាតិថៃពីរនាក់ដែលឆ្លងចូលជ្រៅក្នុងទឹកដីកម្ពុជាក្នុងខេត្តព្រះវិហារ ក្នុងកាលៈទេសៈដែលប្រទេសទាំងពីរកំពុងមានជម្លោះតានតឹង ក៏ពួកគេមិនត្រូវបានអាជ្ញាធរកម្ពុជាបាញ់សម្លាប់ដែរ។ ពួកគេត្រូវបានឃុំខ្លួននិងកាត់ទោសក្នុងស្ថានភាពគោរពសិទ្ធិមនុស្សយ៉ាងពេញលេញ។ ទីបំផុត ជនជាតិថៃទាំងនោះត្រូវបានដោះលែងវិញកាលកំណត់ទៀតផង។
ប៉ុន្តែ ជីវិតពលរដ្ឋខ្មែរត្រូវបានទាហានថៃប្រមាថម្តងហើយម្តងទៀត។ ចំណែកភាគីកម្ពុជាវិញបានត្រឹមតែធ្វើកំណត់ទូតតវ៉ាដែលគ្មានឥទ្ធិពលអ្វីទាំងអស់ទៅលើភាគីថៃ។ ប្រឈមនឹងបញ្ហានេះ រដ្ឋាភិបាលក្រុងភ្នំពេញគួរតែដំឡើងកម្រិតនៃការតវ៉ារបស់ខ្លួនមួយកម្រិតទៀត។ មានមធ្យោបាយច្រើនយ៉ាងណាស់ដែលរដ្ឋាភិបាលភ្នំពេញត្រូវធ្វើដើម្បីបង្ហាញភាគីថៃថា ជីវិតមួយរបស់ខ្មែរមិនអាចត្រូវបានទាហានថៃប្រមាថដោយស្រួលៗឡើយ។
ប្រសិនបើកំណត់ទូតគ្មានប្រសិទ្ធភាព កម្ពុជាគួរប្តឹងទៅស្ថាប័នអន្តរជាតិទាំងឡាយណាដែលធ្វើការដើម្បីបុព្វហេតុយុត្តិធម៌និងសិទ្ធិមនុស្ស។ យ៉ាងហោចណាស់ក៏បានលឺសំឡេងតវ៉ាកងរំពងប្រសើរជាងកំណត់ទូតដែរ។ ក្រៅពីនោះ កម្ពុជាក៏គួរតែទម្លាក់កម្រិតទំនាក់ទំនងការទូតខ្លះជាមួយថៃដើម្បីជាការព្រមាន។ ប្រសិនបើមិនដូច្នោះទេ ភាពទន់ភ្លន់នឹងក្លាយជាភាពទន់ជ្រាយរហូតដល់ប្រទេសជិតខាងមាក់ងាយគ្មានទីបំផុតឡើយ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
