ជាតិ
បទវិភាគ
×![]()
សំណុំរឿងបាញ់សម្លាប់ពលរដ្ឋខ្មែរត្រូវបានគណៈកម្មការចម្រុះកិច្ចការព្រំដែនកម្ពុជាថៃលើកមកពិភាក្សាកាលពីថ្ងៃសុក្រដោយភាគីថៃបានសុខចិត្តចុះហត្ថលេខាជាលាយ លក្ខណ៍អក្សរយល់ព្រមសន្យាថាឈប់បាញ់សម្លាប់ពលរដ្ឋខ្មែរទៀតហើយទោះជាក្នុងករណីណាក៏ដោយ។ នេះអាចចាត់ទុកជាកិច្ចខិតខំប្រឹងប្រែងរបស់រដ្ឋាភិបាលភ្នំពេញដែលជំរុញឲ្យថៃចុះហត្ថលេខាលើបញ្ហានេះ។ ប៉ុន្តែ តើកិច្ចសន្យារបស់ថៃមានន័យដែរទេ?
ការសន្យាថាឈប់បាញ់សម្លាប់ពលរដ្ឋខ្មែរត្រូវបានមន្ត្រីរដ្ឋាភិបាលក្រុងបាងកកធ្វើជាច្រើនលើកមកហើយ ប៉ុន្តែ ទាហានថៃមិនដែលអនុវត្តម្តងណាទេ។ ឥឡូវនេះ ថៃបានសន្យាម្តងទៀត តែពេលនេះកិច្ចសន្យាបានធ្វើឡើងជាលាយលក្ខណ៍អក្សរ។ តាមផ្លូវច្បាប់ កិច្ចសន្យាជាលាយលក្ខណ៍អក្សរមានទម្ងន់ជាងការសន្យាដោយមាត់ទទេ។ ប៉ុន្តែ ការគោរពឬមិនគោរពវាអាស្រ័យនៅលើសីលធម៌ផងដែរ។
គួររម្លឹកថា ប្រជាពលរដ្ឋខ្មែរដែលឆ្លងដែនខុសច្បាប់ចូលក្នុងទឹកដីថៃដើម្បីរកអនុផលព្រៃឈើ ឬអ្នកខ្លះទៅស៊ីឈ្នួលគេអូសឈើក្រញូងក្នុងព្រៃ និងអ្នកខ្លះទៀតគ្រាន់តែគេសង្ស័យថាចោរលួចម៉ូតូត្រូវបានទាហានថៃបាញ់សម្លាប់ដូចសត្វធាតុ។ នេះជាព្រឹត្តិការណ៍គួរឲ្យព្រឺខ្លាចនិងមិនគួរឲ្យជឿពីព្រោះថា ប្រទេសមួយដែលមានអារិយធម៌គួរសមដែរនៅអាស៊ីបែរជាក្លាយជាប្រទេសប្រើច្បាប់ព្រៃសម្លាប់មនុស្សគ្មានច្បាប់ទម្លាប់បែបនេះទៅវិញ។
ម្តងហើយម្តងទៀត ក្រសួងការបរទេសកម្ពុជាបានផ្ញើកំណត់ទូតតវ៉ាស្ទើរតែរាប់ភ្លេចទៅហើយទៅកាន់ក្រសួងការបរទេសថៃដើម្បីសម្តែងការថ្កោលទោស និងទាមទារឲ្យទាហានថៃបញ្ឈប់អំពើអមនុស្សធម៌នេះ។ កំណត់ទូតទាំងនោះបានធ្វើឡើងដើម្បីប្រឆាំងតវ៉ាចំពោះសកម្មភាពដ៏អមនុស្សធម៌របស់ទាហានថៃតាមព្រំដែនដែលបានបាញ់ប្រហារមកលើពលរដ្ឋខ្មែរ។ ប៉ុន្តែ កំណត់ទូតរបស់ក្រសួងការបរទេសកម្ពុជាមិនបានធ្វើឲ្យភាគីថៃបញ្ឈប់អំពើឃោរឃៅនៃកងទាហានរបស់ខ្លួនឡើយ។
ជាការពិតណាស់ ពលរដ្ឋខ្មែរជាច្រើនបាននាំគ្នាឆ្លងដែនដោយខុសច្បាប់ចូលទៅក្នុងប្រទេសថៃជារៀងរាល់ថ្ងៃ។ ពលរដ្ឋក្រីក្រទាំងនោះមានបំណងត្រឹមស្វែងរកការងារធ្វើដើម្បីបានប្រាក់បន្តិចបន្តួចចិញ្ចឹមគ្រួសារតែប៉ុណ្ណោះ។ ដើម្បីអាចចូលក្នុងប្រទេសថៃបាន មានអ្នកខ្លះបានឆ្លងដែនដោយស្របច្បាប់ អ្នកខ្លះទៀតដោយខុសច្បាប់តាមច្រករបៀងផ្សេង។ ការឆ្លងដែនទៅរកការងារធ្វើជារឿងមួយ តែអ្នកខ្លះបានប្រថុយជីវិតឆ្លងដែនទៅស៊ីឈ្នួលកាប់ឈើឲ្យគេក្នុងព្រៃក្នុងទឹកដីថៃដើម្បីប្រាក់បន្តិចបន្តួច។
ទាំងនេះពិតជាកំហុសរបស់ពលរដ្ឋកម្ពុជាទាំងនោះឬក៏ជាកំហុសរបស់អាជ្ញាធរដែនដីដែលមិនអាចទប់ស្កាត់ពលរដ្ឋរបស់ខ្លួនមិនឲ្យឆ្លងដែនខុសច្បាប់ទៅក្នុងទឹកដីគេបាន។ ប៉ុន្តែ ទោះជាក្នុងលក្ខខណ្ឌណាមួយក៏ដោយចុះ ការបាញ់សម្លាប់មនុស្សជារឿងដែលមិនអាចធ្វើបានឡើយនៅក្នុងប្រទេសនីតិរដ្ឋដែលមិនមែនជាប្រទេសដែលប្រើច្បាប់ព្រៃនោះ។ អាជ្ញាធរថៃមានសិទ្ធិពេញទីក្នុងការចាប់ខ្លួនពលរដ្ឋខ្មែរទាំងនោះទៅផ្តន្ទាទោសតាមច្បាប់របស់ខ្លួន ប៉ុន្តែ មិនមែនជាការបាញ់សម្លាប់។
នៅក្នុងបរិបទនេះ ថៃដែលជាប្រទេសស៊ីវិល័យមួយនៅអាស៊ីអាគ្នេយ៍ដែរនោះ ប្រហែលជាត្រូវរៀនសូកត្រយកគំរូតាមកម្ពុជាវិញទើបជាការត្រឹមត្រូវ។ កម្ពុជា ថ្វីដ្បិតតែជាប្រទេសក្រីក្រ ទើបតែងើបចេញពីសង្គ្រាម និងអំពើប្រល័យពូជសាសន៍ខ្មែរក្រហម ប៉ុន្តែ កម្ពុជាបានបង្ហាញពីការគោរពសិទ្ធិពលរដ្ឋប្រទេសជិតខាងបានយ៉ាងល្អទោះបីជាពលរដ្ឋទាំងនោះឆ្លងដែនចូលកម្ពុជាដោយខុសច្បាប់ឬមានចេតនាអាក្រក់ក៏ដោយចុះ។
ប៉ុន្តែ ជីវិតពលរដ្ឋខ្មែរត្រូវបានទាហានថៃប្រមាថម្តងហើយម្តងទៀត។ ចំណែកភាគីកម្ពុជាវិញបានត្រឹមតែធ្វើកំណត់ទូតតវ៉ាដែលគ្មានឥទ្ធិពលអ្វីទាំងអស់ទៅលើភាគីថៃ។ ប្រឈមនឹងបញ្ហានេះ រដ្ឋាភិបាលក្រុងភ្នំពេញត្រូវគេមើលឃើញថា ខ្វះភាពម៉ឺងម៉ាត់ក្នុងការការពារតម្លៃពលរដ្ឋរបស់ខ្លួន។ យ៉ាងណាក៏ដោយ ការលើកយកបញ្ហានេះមកពិភាក្សាក្នុងកិច្ចប្រជុំគណៈកម្មការព្រំដែនរួមរវាងប្រទេសទាំងពីរកាលពីថ្ងៃសុក្រអាចចាត់ទុកជាកិច្ចខិតខំប្រឹងប្រែងមួយរបស់រដ្ឋាភិបាលក្រុងភ្នំពេញ។
កិច្ចសន្យាជាលាយលក្ខណ៍អក្សរនេះក៏ជាសក្ខីភាពថ្មីមួយទៀតដែលបង្ហាញពីការប្តេជ្ញាចិត្តរបស់ភាគីថៃដែរ។ ប៉ុន្តែ អំណឹះតទៅយើងត្រូវនាំគ្នាតាមដានមើលថា តើប្រទេសជិតខាងមួយនេះពិតជាគោរពកិច្ចសន្យារបស់ខ្លួនមែនដែរឬទេ? ទន្ទឹមនឹងការសន្យារបស់ថៃ អាជ្ញាធរកម្ពុជាក៏ត្រូវពង្រឹងការងាររបស់ខ្លួនដែរគឺធ្វើយ៉ាងណាកុំឲ្យពលរដ្ឋរបស់ខ្លួនឆ្លងដែនខុសច្បាប់ចូលទឹកដីរបស់គេជាពិសេសកុំឲ្យមានអ្នកអូសទាញពលរដ្ឋក្រីក្រទៅស៊ីឈ្នួលអូសឈើក្រញូងតទៅទៀត។
ក្នុងរណីដែលមានការបាញ់ប្រាហារទៅលើពលរដ្ឋខ្មែរជាថ្មី ការតវ៉ាគួរតែត្រូវបានដំឡើងឲ្យហួសពីកំណត់ទូតដែលធ្លាប់បានធ្វើ។ អ្វីដែលកម្ពុជាត្រូវបង្ហាញគឺមិនមែនភាពអមិត្តជាមួយប្រទេសជិតខាងឡើយតែជាការបង្ហាញភាពម៉ឺងម៉ាត់ក្នុងនាមជាប្រទេសដែលមានសិទ្ធិស្មើមុខមាត់គ្នា និង ជាប្រទេសដែលយកចិត្តទុកដាក់ចំពោះជីវិតនិងសេចក្តីថ្លៃថ្នូរនៃពលរដ្ឋរបស់ខ្លួន៕
ការសន្យាថាឈប់បាញ់សម្លាប់ពលរដ្ឋខ្មែរត្រូវបានមន្ត្រីរដ្ឋាភិបាលក្រុងបាងកកធ្វើជាច្រើនលើកមកហើយ ប៉ុន្តែ ទាហានថៃមិនដែលអនុវត្តម្តងណាទេ។ ឥឡូវនេះ ថៃបានសន្យាម្តងទៀត តែពេលនេះកិច្ចសន្យាបានធ្វើឡើងជាលាយលក្ខណ៍អក្សរ។ តាមផ្លូវច្បាប់ កិច្ចសន្យាជាលាយលក្ខណ៍អក្សរមានទម្ងន់ជាងការសន្យាដោយមាត់ទទេ។ ប៉ុន្តែ ការគោរពឬមិនគោរពវាអាស្រ័យនៅលើសីលធម៌ផងដែរ។
គួររម្លឹកថា ប្រជាពលរដ្ឋខ្មែរដែលឆ្លងដែនខុសច្បាប់ចូលក្នុងទឹកដីថៃដើម្បីរកអនុផលព្រៃឈើ ឬអ្នកខ្លះទៅស៊ីឈ្នួលគេអូសឈើក្រញូងក្នុងព្រៃ និងអ្នកខ្លះទៀតគ្រាន់តែគេសង្ស័យថាចោរលួចម៉ូតូត្រូវបានទាហានថៃបាញ់សម្លាប់ដូចសត្វធាតុ។ នេះជាព្រឹត្តិការណ៍គួរឲ្យព្រឺខ្លាចនិងមិនគួរឲ្យជឿពីព្រោះថា ប្រទេសមួយដែលមានអារិយធម៌គួរសមដែរនៅអាស៊ីបែរជាក្លាយជាប្រទេសប្រើច្បាប់ព្រៃសម្លាប់មនុស្សគ្មានច្បាប់ទម្លាប់បែបនេះទៅវិញ។
ម្តងហើយម្តងទៀត ក្រសួងការបរទេសកម្ពុជាបានផ្ញើកំណត់ទូតតវ៉ាស្ទើរតែរាប់ភ្លេចទៅហើយទៅកាន់ក្រសួងការបរទេសថៃដើម្បីសម្តែងការថ្កោលទោស និងទាមទារឲ្យទាហានថៃបញ្ឈប់អំពើអមនុស្សធម៌នេះ។ កំណត់ទូតទាំងនោះបានធ្វើឡើងដើម្បីប្រឆាំងតវ៉ាចំពោះសកម្មភាពដ៏អមនុស្សធម៌របស់ទាហានថៃតាមព្រំដែនដែលបានបាញ់ប្រហារមកលើពលរដ្ឋខ្មែរ។ ប៉ុន្តែ កំណត់ទូតរបស់ក្រសួងការបរទេសកម្ពុជាមិនបានធ្វើឲ្យភាគីថៃបញ្ឈប់អំពើឃោរឃៅនៃកងទាហានរបស់ខ្លួនឡើយ។
ជាការពិតណាស់ ពលរដ្ឋខ្មែរជាច្រើនបាននាំគ្នាឆ្លងដែនដោយខុសច្បាប់ចូលទៅក្នុងប្រទេសថៃជារៀងរាល់ថ្ងៃ។ ពលរដ្ឋក្រីក្រទាំងនោះមានបំណងត្រឹមស្វែងរកការងារធ្វើដើម្បីបានប្រាក់បន្តិចបន្តួចចិញ្ចឹមគ្រួសារតែប៉ុណ្ណោះ។ ដើម្បីអាចចូលក្នុងប្រទេសថៃបាន មានអ្នកខ្លះបានឆ្លងដែនដោយស្របច្បាប់ អ្នកខ្លះទៀតដោយខុសច្បាប់តាមច្រករបៀងផ្សេង។ ការឆ្លងដែនទៅរកការងារធ្វើជារឿងមួយ តែអ្នកខ្លះបានប្រថុយជីវិតឆ្លងដែនទៅស៊ីឈ្នួលកាប់ឈើឲ្យគេក្នុងព្រៃក្នុងទឹកដីថៃដើម្បីប្រាក់បន្តិចបន្តួច។
ទាំងនេះពិតជាកំហុសរបស់ពលរដ្ឋកម្ពុជាទាំងនោះឬក៏ជាកំហុសរបស់អាជ្ញាធរដែនដីដែលមិនអាចទប់ស្កាត់ពលរដ្ឋរបស់ខ្លួនមិនឲ្យឆ្លងដែនខុសច្បាប់ទៅក្នុងទឹកដីគេបាន។ ប៉ុន្តែ ទោះជាក្នុងលក្ខខណ្ឌណាមួយក៏ដោយចុះ ការបាញ់សម្លាប់មនុស្សជារឿងដែលមិនអាចធ្វើបានឡើយនៅក្នុងប្រទេសនីតិរដ្ឋដែលមិនមែនជាប្រទេសដែលប្រើច្បាប់ព្រៃនោះ។ អាជ្ញាធរថៃមានសិទ្ធិពេញទីក្នុងការចាប់ខ្លួនពលរដ្ឋខ្មែរទាំងនោះទៅផ្តន្ទាទោសតាមច្បាប់របស់ខ្លួន ប៉ុន្តែ មិនមែនជាការបាញ់សម្លាប់។
នៅក្នុងបរិបទនេះ ថៃដែលជាប្រទេសស៊ីវិល័យមួយនៅអាស៊ីអាគ្នេយ៍ដែរនោះ ប្រហែលជាត្រូវរៀនសូកត្រយកគំរូតាមកម្ពុជាវិញទើបជាការត្រឹមត្រូវ។ កម្ពុជា ថ្វីដ្បិតតែជាប្រទេសក្រីក្រ ទើបតែងើបចេញពីសង្គ្រាម និងអំពើប្រល័យពូជសាសន៍ខ្មែរក្រហម ប៉ុន្តែ កម្ពុជាបានបង្ហាញពីការគោរពសិទ្ធិពលរដ្ឋប្រទេសជិតខាងបានយ៉ាងល្អទោះបីជាពលរដ្ឋទាំងនោះឆ្លងដែនចូលកម្ពុជាដោយខុសច្បាប់ឬមានចេតនាអាក្រក់ក៏ដោយចុះ។
ប៉ុន្តែ ជីវិតពលរដ្ឋខ្មែរត្រូវបានទាហានថៃប្រមាថម្តងហើយម្តងទៀត។ ចំណែកភាគីកម្ពុជាវិញបានត្រឹមតែធ្វើកំណត់ទូតតវ៉ាដែលគ្មានឥទ្ធិពលអ្វីទាំងអស់ទៅលើភាគីថៃ។ ប្រឈមនឹងបញ្ហានេះ រដ្ឋាភិបាលក្រុងភ្នំពេញត្រូវគេមើលឃើញថា ខ្វះភាពម៉ឺងម៉ាត់ក្នុងការការពារតម្លៃពលរដ្ឋរបស់ខ្លួន។ យ៉ាងណាក៏ដោយ ការលើកយកបញ្ហានេះមកពិភាក្សាក្នុងកិច្ចប្រជុំគណៈកម្មការព្រំដែនរួមរវាងប្រទេសទាំងពីរកាលពីថ្ងៃសុក្រអាចចាត់ទុកជាកិច្ចខិតខំប្រឹងប្រែងមួយរបស់រដ្ឋាភិបាលក្រុងភ្នំពេញ។
កិច្ចសន្យាជាលាយលក្ខណ៍អក្សរនេះក៏ជាសក្ខីភាពថ្មីមួយទៀតដែលបង្ហាញពីការប្តេជ្ញាចិត្តរបស់ភាគីថៃដែរ។ ប៉ុន្តែ អំណឹះតទៅយើងត្រូវនាំគ្នាតាមដានមើលថា តើប្រទេសជិតខាងមួយនេះពិតជាគោរពកិច្ចសន្យារបស់ខ្លួនមែនដែរឬទេ? ទន្ទឹមនឹងការសន្យារបស់ថៃ អាជ្ញាធរកម្ពុជាក៏ត្រូវពង្រឹងការងាររបស់ខ្លួនដែរគឺធ្វើយ៉ាងណាកុំឲ្យពលរដ្ឋរបស់ខ្លួនឆ្លងដែនខុសច្បាប់ចូលទឹកដីរបស់គេជាពិសេសកុំឲ្យមានអ្នកអូសទាញពលរដ្ឋក្រីក្រទៅស៊ីឈ្នួលអូសឈើក្រញូងតទៅទៀត។
ក្នុងរណីដែលមានការបាញ់ប្រាហារទៅលើពលរដ្ឋខ្មែរជាថ្មី ការតវ៉ាគួរតែត្រូវបានដំឡើងឲ្យហួសពីកំណត់ទូតដែលធ្លាប់បានធ្វើ។ អ្វីដែលកម្ពុជាត្រូវបង្ហាញគឺមិនមែនភាពអមិត្តជាមួយប្រទេសជិតខាងឡើយតែជាការបង្ហាញភាពម៉ឺងម៉ាត់ក្នុងនាមជាប្រទេសដែលមានសិទ្ធិស្មើមុខមាត់គ្នា និង ជាប្រទេសដែលយកចិត្តទុកដាក់ចំពោះជីវិតនិងសេចក្តីថ្លៃថ្នូរនៃពលរដ្ឋរបស់ខ្លួន៕
© រក្សាសិទ្ធិដោយ thmeythmey.com
