ជាតិ
សង្គមជាតិ
សេដ្ឋកិច្ច
×![]()
ដោយ: ថ្មីៗ
ដោយ ភា ឌីស្កូ
បាត់ដំបង៖ ការបិទផ្សាយតម្លៃសេវាសារធារណៈគឺជាគោលនយោបាយមួយរបស់រដ្ឋាភិបាលក្នុងក្របខណ្ឌនៃយុទ្ធនាការប្រឆាំងអំពើពុករលួយនៅថ្នាក់ក្រោមជាតិ និងថ្នាក់មូលដ្ឋាន។ សង្កាត់ព្រែកព្រះស្ដេចដែលជាសង្កាត់មួយក្នុងចំណោម ១០ សង្កាត់ស្ថិតនៅក្នុងក្រុងបាត់ដំបង ក៏បានអនុវត្តន៍យ៉ាងខ្ជាប់ខ្ជួននូវកិច្ចការទាំងអស់នេះផងដែរ។ ពលរដ្ឋក្នុងឃុំនេះ បាននិយាយគ្រប់គ្នាសាទរការងារតម្លាភាពទាំងនេះ។
លោក វុទ្ធី សុគុណ ជាប្រជាពលរដ្ឋមួយរូបរស់នៅក្នុងសង្កាត់ព្រែកព្រះស្តេច បានបញ្ជាក់ប្រាប់ឲ្យដឹងថា លោកពេញចិត្តនឹងការងាររបស់ក្រុមប្រឹក្សាសង្កាត់របស់លោក តាមរយៈការបិទបង្ហាញតារាងតម្លៃសេវាសាធារណៈនៅមុខសាលាឃុំ។ ពលរដ្ឋរូបនេះនិយាយនេះគឺជាផ្នែកមួយនៃតម្លាភាព ដែលថ្នាក់ដឹកនាំមូលដ្ឋានត្រូវអនុវត្តដើម្បីប្រយោជន៍ពលរដ្ឋរបស់ខ្លួន។ «បានន័យថា វាមិនមានការលាក់លៀមដើម្បីលួចយកផលប្រយោជន៍ពីសំណាក់មន្ត្រីឃុំឡើយ។ ខ្ញុំសង្ឃឹមថា គ្រប់ឃុំសង្កាត់នៅទូទាំងប្រទេស បានធ្វើដូចសង្កាត់របស់ខ្ញុំ។ ធ្វើដូចនេះបាន គឺមិនមានអំពើពុករលួយទេ»។ នេះជាការយល់ឃើញរបស់លោក សុគុណ។
ការស្គាល់តម្លៃសេវាកម្មនីមួយៗយ៉ាងដូច្នេះ វាបានផ្តល់ភាពងាយស្រួល ដល់ កញ្ញា សុភាវី ដែលអាចត្រៀមថវិកាសម្រាប់សេវាកម្មណាមួយ ដែលខ្លួនត្រូវការ។ ជាអ្នកបើកហាងផាត់មុខនៅក្នុងភូមិ កញ្ញាវ័យជាង២០ឆ្នាំបានពន្យល់ថា៖«នៅពេលដែលខ្ញុំបានដឹងពីតម្លៃសេវាសាធារណៈតាមរយៈការបិទតារាងតម្លៃនៅសង្កាត់ ខ្ញុំដឹងព័ត៌មានអំពីការអត្តសញ្ញាណបណ្ណ ឬការធ្វើសំបុត្រអាពាហ៍ពិពាហ៍ជាដើម ថាតើគេត្រូវចំណាយថវិកាប៉ុន្មាន និងចំណាយពេលប៉ុន្មានថ្ងៃ។ ខ្ញុំមិនចាំបាច់ខ្វល់ពីចំណាយក្រៅផ្លូវការ»។
ចៅសង្កាត់ព្រែកព្រះស្តេចនៃក្រុងបាត់ដំបង លោក តោ ហុន បានបញ្ជាក់បន្ថែមថា លោកពិតជាបានកត់សម្គាល់ឃើញភាពសប្បាយចិត្តរបស់ពលរដ្ឋរបស់លោកមែន ចំពោះការបិទប្រកាសតម្លៃសេវាសាធារណៈ ដែលលោកបានអនុវត្តតាំងពីពាក់កណ្តាលឆ្នាំ២០១៤នោះ។ ទោះយ៉ាងណាក៏ដោយ លោកចៅសង្កាត់បានបន្ទោសពលរដ្ឋមួយចំនួនតូចដែលហាក់មិនខ្វាយខ្វល់អំពីព័ត៌មានស្តីពីតម្លៃសេវាសាធារណៈនេះទេ។ លោក តោ ហុន បានថ្លែងថា៖«តាំងពីមានការបិទផ្សាយតារាងតម្លៃសេវាសាធារណៈនោះមក ខ្ញុំសង្កេតឃើញថា ប្រជាពលរដ្ឋមួយចំនួនធំក៏បានជ្រួតជ្រាបអំពីព័ត៌មាននេះ ប៉ុន្តែក៏មានប្រជាពលរដ្ឋមួយចំនួនតូចពុំទាន់បានយល់ពីបញ្ហានេះនៅឡើយដែរ។ ពួកគាត់ពុំបានមកមើលពីតារាងតម្លៃថាតើសេវាអ្វីខ្លះដែលគាត់ត្រូវបង់ប្រាក់ និង អ្វីខ្លះដែលមិនត្រូវបង់ប្រាក់នោះទេ។ ជាទូទៅ អ្នកមួយក្រុមតូចនេះ តែងតែនិយាយថា ពួកគាត់រវល់ និងអ្នកខ្លះទៀតសារភាពថា ពួកគាត់មិនចេះអក្សរ»។
ទោះយ៉ាងនេះក៏ដោយ លោកចៅសង្កាត់បានបញ្ជាក់ថា លោកបានព្យាយាមប្រើប្រាស់មធ្យោបាយផ្សេងៗ ដើម្បីបញ្ជូនព័ត៌មានស្តីពីតម្លៃសេវាសាធារណៈនេះ ដែលមានប្រយោជន៍យ៉ាងខ្លាំងនេះ ទៅដល់ពលរដ្ឋក្នុងសង្កាត់របស់លោក។ ការផ្សព្វផ្សាយតាមរយៈការប្រជុំ ឬវេទិកាសាធារណៈរបស់សង្កាត់ ការសហការជាមួយអង្គការក្រៅរដ្ឋាភិបាល និងក្រុមយុវជនស្ម័គ្រចិត្តនានា ទាំងនេះសុទ្ធសឹងតែជាយន្តការដែលលោកចៅសង្កាត់ធ្លាប់បានប្រើប្រាស់ ដើម្បីជាប្រយោជន៍ដល់ពលរដ្ឋរបស់លោក៕
បាត់ដំបង៖ ការបិទផ្សាយតម្លៃសេវាសារធារណៈគឺជាគោលនយោបាយមួយរបស់រដ្ឋាភិបាលក្នុងក្របខណ្ឌនៃយុទ្ធនាការប្រឆាំងអំពើពុករលួយនៅថ្នាក់ក្រោមជាតិ និងថ្នាក់មូលដ្ឋាន។ សង្កាត់ព្រែកព្រះស្ដេចដែលជាសង្កាត់មួយក្នុងចំណោម ១០ សង្កាត់ស្ថិតនៅក្នុងក្រុងបាត់ដំបង ក៏បានអនុវត្តន៍យ៉ាងខ្ជាប់ខ្ជួននូវកិច្ចការទាំងអស់នេះផងដែរ។ ពលរដ្ឋក្នុងឃុំនេះ បាននិយាយគ្រប់គ្នាសាទរការងារតម្លាភាពទាំងនេះ។
លោក វុទ្ធី សុគុណ ជាប្រជាពលរដ្ឋមួយរូបរស់នៅក្នុងសង្កាត់ព្រែកព្រះស្តេច បានបញ្ជាក់ប្រាប់ឲ្យដឹងថា លោកពេញចិត្តនឹងការងាររបស់ក្រុមប្រឹក្សាសង្កាត់របស់លោក តាមរយៈការបិទបង្ហាញតារាងតម្លៃសេវាសាធារណៈនៅមុខសាលាឃុំ។ ពលរដ្ឋរូបនេះនិយាយនេះគឺជាផ្នែកមួយនៃតម្លាភាព ដែលថ្នាក់ដឹកនាំមូលដ្ឋានត្រូវអនុវត្តដើម្បីប្រយោជន៍ពលរដ្ឋរបស់ខ្លួន។ «បានន័យថា វាមិនមានការលាក់លៀមដើម្បីលួចយកផលប្រយោជន៍ពីសំណាក់មន្ត្រីឃុំឡើយ។ ខ្ញុំសង្ឃឹមថា គ្រប់ឃុំសង្កាត់នៅទូទាំងប្រទេស បានធ្វើដូចសង្កាត់របស់ខ្ញុំ។ ធ្វើដូចនេះបាន គឺមិនមានអំពើពុករលួយទេ»។ នេះជាការយល់ឃើញរបស់លោក សុគុណ។
ការស្គាល់តម្លៃសេវាកម្មនីមួយៗយ៉ាងដូច្នេះ វាបានផ្តល់ភាពងាយស្រួល ដល់ កញ្ញា សុភាវី ដែលអាចត្រៀមថវិកាសម្រាប់សេវាកម្មណាមួយ ដែលខ្លួនត្រូវការ។ ជាអ្នកបើកហាងផាត់មុខនៅក្នុងភូមិ កញ្ញាវ័យជាង២០ឆ្នាំបានពន្យល់ថា៖«នៅពេលដែលខ្ញុំបានដឹងពីតម្លៃសេវាសាធារណៈតាមរយៈការបិទតារាងតម្លៃនៅសង្កាត់ ខ្ញុំដឹងព័ត៌មានអំពីការអត្តសញ្ញាណបណ្ណ ឬការធ្វើសំបុត្រអាពាហ៍ពិពាហ៍ជាដើម ថាតើគេត្រូវចំណាយថវិកាប៉ុន្មាន និងចំណាយពេលប៉ុន្មានថ្ងៃ។ ខ្ញុំមិនចាំបាច់ខ្វល់ពីចំណាយក្រៅផ្លូវការ»។
ចៅសង្កាត់ព្រែកព្រះស្តេចនៃក្រុងបាត់ដំបង លោក តោ ហុន បានបញ្ជាក់បន្ថែមថា លោកពិតជាបានកត់សម្គាល់ឃើញភាពសប្បាយចិត្តរបស់ពលរដ្ឋរបស់លោកមែន ចំពោះការបិទប្រកាសតម្លៃសេវាសាធារណៈ ដែលលោកបានអនុវត្តតាំងពីពាក់កណ្តាលឆ្នាំ២០១៤នោះ។ ទោះយ៉ាងណាក៏ដោយ លោកចៅសង្កាត់បានបន្ទោសពលរដ្ឋមួយចំនួនតូចដែលហាក់មិនខ្វាយខ្វល់អំពីព័ត៌មានស្តីពីតម្លៃសេវាសាធារណៈនេះទេ។ លោក តោ ហុន បានថ្លែងថា៖«តាំងពីមានការបិទផ្សាយតារាងតម្លៃសេវាសាធារណៈនោះមក ខ្ញុំសង្កេតឃើញថា ប្រជាពលរដ្ឋមួយចំនួនធំក៏បានជ្រួតជ្រាបអំពីព័ត៌មាននេះ ប៉ុន្តែក៏មានប្រជាពលរដ្ឋមួយចំនួនតូចពុំទាន់បានយល់ពីបញ្ហានេះនៅឡើយដែរ។ ពួកគាត់ពុំបានមកមើលពីតារាងតម្លៃថាតើសេវាអ្វីខ្លះដែលគាត់ត្រូវបង់ប្រាក់ និង អ្វីខ្លះដែលមិនត្រូវបង់ប្រាក់នោះទេ។ ជាទូទៅ អ្នកមួយក្រុមតូចនេះ តែងតែនិយាយថា ពួកគាត់រវល់ និងអ្នកខ្លះទៀតសារភាពថា ពួកគាត់មិនចេះអក្សរ»។
ទោះយ៉ាងនេះក៏ដោយ លោកចៅសង្កាត់បានបញ្ជាក់ថា លោកបានព្យាយាមប្រើប្រាស់មធ្យោបាយផ្សេងៗ ដើម្បីបញ្ជូនព័ត៌មានស្តីពីតម្លៃសេវាសាធារណៈនេះ ដែលមានប្រយោជន៍យ៉ាងខ្លាំងនេះ ទៅដល់ពលរដ្ឋក្នុងសង្កាត់របស់លោក។ ការផ្សព្វផ្សាយតាមរយៈការប្រជុំ ឬវេទិកាសាធារណៈរបស់សង្កាត់ ការសហការជាមួយអង្គការក្រៅរដ្ឋាភិបាល និងក្រុមយុវជនស្ម័គ្រចិត្តនានា ទាំងនេះសុទ្ធសឹងតែជាយន្តការដែលលោកចៅសង្កាត់ធ្លាប់បានប្រើប្រាស់ ដើម្បីជាប្រយោជន៍ដល់ពលរដ្ឋរបស់លោក៕
© រក្សាសិទ្ធិដោយ thmeythmey.com
