ជាតិ
សង្គមជាតិ
×![]()
ដោយ: រួបរួម
នាពេលឆាប់ៗខាងមុខ ប្រហែលជាលែងមានទៀតហើយមន្ត្រីខ្មោចនៅក្នុងក្របខណ្ឌក្រសួងអប់រំ។ ក្នុងលិខិតមួយច្បាប់ផ្ញើរទៅថ្នាក់ដឹកនាំអង្គភាពក្រោមឱវាទ និងមន្ទីរអប់រំរាជធានី-ខេត្ត លោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានណែនាំឲ្យពង្រឹងការអនុវត្តគោលការណ៍ស្តីពីការគ្រប់គ្រងមន្ត្រីរាជការ។
តាមរយៈលិខិតចុះថ្ងៃទី១៤ ខែមករា លោក ហង់ ជួន ណារ៉ុន បានកោតសរសើរមន្ត្រីក្រោមឱវាទដែលអនុវត្តតាមវិធានការកំណែទម្រង់វិស័យអប់រំក្នុងឆ្នាំ២០១៤ ហើយលោកបានណែនាំមន្ត្រីរបស់ខ្លួនបន្តការអនុវត្តបន្ថែមទៀតដើម្បីឆ្លើយតបទៅនឹងគោលការណ៍របស់រដ្ឋាភិបាលក្នុងការលើកទឹកចិត្តមន្ត្រីរាជការតាមរយៈការដំឡើងប្រាក់ខែជាបន្តបន្ទាប់។
ទាក់ទងនឹងការពង្រឹងការអនុវត្តគោលការណ៍ស្តីពីការគ្រប់មន្ត្រីរាជការ លោករដ្ឋមន្ត្រីបានដាក់បញ្ជាទៅគ្រប់អង្គភាពត្រូវរៀបចំបញ្ជីវត្តមានប្រចាំថ្ងៃរបស់មន្ត្រីរាជការណ៍ និងបូកសរុបធ្វើរបាយការណ៍ផ្ញើទៅនាយកដ្ឋានបុគ្គលិកជារៀងរាល់ដំណាច់ខែនីមួយៗ ។
ចំពោះករណីមន្ត្រីរាជការអសកម្មការងារ លោក ហង់ ជួន ណារ៉ុន ណែនាំឲ្យប្រធានអង្គភាពសាកសួរឲ្យបានច្បាស់លាស់ដោយផ្តល់ជម្រើស ចូលបម្រើការងារវិញ ឬសុំនៅទំនេរដោយគ្មានបៀវត្ស។ ប្រសិនបើសាមីខ្លួនមិនបានផ្តល់ជម្រើសណាមួយច្បាស់លាស់ ហើយបន្តអសកម្មការងារ បុគ្គលនោះត្រូវស្ថិតក្នុងភាពទំនេរគ្មានបៀវត្យ ដោយអនុវត្តតាមវិធានការដែលមានចែងក្នុងជំពូកទី២ មាត្រា២៣ នៃអនុក្រឹត្យ ចុះថ្ងៃទី១៩ ខែតុលា ឆ្នាំ១៩៩៥ ៕
តាមរយៈលិខិតចុះថ្ងៃទី១៤ ខែមករា លោក ហង់ ជួន ណារ៉ុន បានកោតសរសើរមន្ត្រីក្រោមឱវាទដែលអនុវត្តតាមវិធានការកំណែទម្រង់វិស័យអប់រំក្នុងឆ្នាំ២០១៤ ហើយលោកបានណែនាំមន្ត្រីរបស់ខ្លួនបន្តការអនុវត្តបន្ថែមទៀតដើម្បីឆ្លើយតបទៅនឹងគោលការណ៍របស់រដ្ឋាភិបាលក្នុងការលើកទឹកចិត្តមន្ត្រីរាជការតាមរយៈការដំឡើងប្រាក់ខែជាបន្តបន្ទាប់។
ទាក់ទងនឹងការពង្រឹងការអនុវត្តគោលការណ៍ស្តីពីការគ្រប់មន្ត្រីរាជការ លោករដ្ឋមន្ត្រីបានដាក់បញ្ជាទៅគ្រប់អង្គភាពត្រូវរៀបចំបញ្ជីវត្តមានប្រចាំថ្ងៃរបស់មន្ត្រីរាជការណ៍ និងបូកសរុបធ្វើរបាយការណ៍ផ្ញើទៅនាយកដ្ឋានបុគ្គលិកជារៀងរាល់ដំណាច់ខែនីមួយៗ ។
ចំពោះករណីមន្ត្រីរាជការអសកម្មការងារ លោក ហង់ ជួន ណារ៉ុន ណែនាំឲ្យប្រធានអង្គភាពសាកសួរឲ្យបានច្បាស់លាស់ដោយផ្តល់ជម្រើស ចូលបម្រើការងារវិញ ឬសុំនៅទំនេរដោយគ្មានបៀវត្ស។ ប្រសិនបើសាមីខ្លួនមិនបានផ្តល់ជម្រើសណាមួយច្បាស់លាស់ ហើយបន្តអសកម្មការងារ បុគ្គលនោះត្រូវស្ថិតក្នុងភាពទំនេរគ្មានបៀវត្យ ដោយអនុវត្តតាមវិធានការដែលមានចែងក្នុងជំពូកទី២ មាត្រា២៣ នៃអនុក្រឹត្យ ចុះថ្ងៃទី១៩ ខែតុលា ឆ្នាំ១៩៩៥ ៕
© រក្សាសិទ្ធិដោយ thmeythmey.com
