ជាតិ
សង្គមជាតិ
ពេទ្យកុមារអង្គរពង្រីកសេវាព្យាបាលក្នុងបំណងកាត់បន្ថយអត្រាស្លាប់កុមារ
×![]()
សៀមរាប៖ ក្នុងគោលបំណងកាត់បន្ថយអត្រាមរណៈភាពរបស់ទារក និងកុមារ មន្ទីរពេទ្យកុមារអង្គរ ខេត្តសៀមរាប បានពង្រីកសេវាព្យាបាលរបស់ខ្លួនដល់មូលដ្ឋាន សម្រាប់ប្រជាពលរដ្ឋណា ដែលគ្មានលទ្ធភាព ទៅទទួលសេវាព្យាបាលដល់ទីក្រុងសៀមរាប។ អាគារព្យាបាលជំងឺទារកមួយខ្នង ត្រូវបានសម្ពោធដាក់ឲ្យដំណើរការ នៅមន្ទីរពេទ្យបង្អែកស្រុកសូទ្រនិគម ដែលស្ថិតក្រោមការគ្រប់គ្រងរបស់មន្ទីរពេទ្យកុមារអង្គរ។
សេវាគ្រប់ប្រភេទ ត្រូវបានបំពាក់ដូចគ្នាទៅនឹងសេវាក្នុងក្រុងសៀមរាប សម្រាប់អាគារទារក របស់មន្ទីរពេទ្យកុមារអង្គរ នៅស្រុកសូទ្រនិគម។ អាគារថ្មីមួយបន្ថែមទៀត ត្រូវបានដាក់ឲ្យដំណើរការជាផ្លូវការ ដើម្បីសម្រួលដល់ប្រជាពលរដ្ឋ ដែលមានទារក និងកុមារ ឈឺ ហើយមិនមានពេលធ្វើដំណើរដល់មន្ទីរពេទ្យធំ។
នាយកមន្ទីរពេទ្យកុមារអង្គរ លោក William Housworth បាននិយាយថា នេះជាកិច្ចសហប្រតិបត្តិការថ្មីមួយបន្ថែមទៀត ដែលមន្ទីរពេទ្យ បានធ្វើជាមួយរដ្ឋាភិបាលនាពេលកន្លងមក។ លោកបន្ថែមថា អាគារព្យាបាលជំងឺទារកនេះ និងរួមចំណែកកាត់បន្ថយអត្រាស្លាប់របស់ទារក និងកុមារ ដែលជាបំណងធំរបស់មន្ទីរពេទ្យកុមារអង្គរ ក៏ដូចជាក្រសួងសុខាភិបាលផងដែរ។
មន្ទីរពេទ្យកុមារអង្គរ មានស្រុកប្រតិបត្តិចំនួន៣ មានស្រុកជីក្រែង ស្រុកស្វាយលើ និងស្រុកសូទ្រនិគម ដែលមានមណ្ឌលសុខភាពសរុបចំនួន២៥ ។ លោក អេង ឃាង ប្រធានការិយាល័យសុខាភិបាលស្រុកប្រតិបត្តិសូទ្រនិគម បានឲ្យដឹងថានៅក្នុងពិធីសម្ពោធអាគារទារក កាលពីម្សិលមិញ បានឲ្យដឹងថា ពេទ្យកុមារអង្គរ បានចាប់ផ្តើមមានអាគារទារកនេះ តាំងពីឆ្នាំ២០១០មក ហើយអាគារថ្មីនេះ ត្រូវបានពង្រីងបន្ថែម ដើម្បីបំពេញតម្រូវការរបស់ប្រជាពលរដ្ឋនៅស្រុកសូទ្រនិគម។ លោកបន្តថា ក្នុងមួយថ្ងៃ មានអ្នកជំងឺ ដែលជាកុមារ និងទារក ជាមធ្យមចំនួន៧០នាក់ ហើយចង់មិនចង់ អាគារនេះ បានរួមចំណែកយ៉ាងធំ ក្នុងការជួយសង្គ្រោះអាយុជីវិតកុមារ បានទាន់ពេលវេលាជាច្រើន។
គួររំលឹកថា មន្ទីរពេទ្យកុមារអង្គរ គឺជាស្ថាប័នអង្គការមួយ ដែលតែងសហការនឹងក្រសួងសុខាភិបាលកម្ពុជា ក្នុងការជួយកុមារ ចាប់ពីអាយុ០ឆ្នាំ ដល់១៦ឆ្នាំ។ ចាប់ពីដំណើរការតាំងពី១៩៩៩មក មន្ទីរពេទ្យនេះ មានជួយសង្គ្រោះកុមារជាង ១លាន៣សែនរួចមកហើយ ដែលកុមារភាគច្រើន មានជីវភាពក្រីក្រ នៅទូទាំងខេត្តក្នុងប្រទេសកម្ពុជា។ ក្នុងមួយឆ្នាំ មន្ទីរពេទ្យនេះ បានប្រើលុយជំនួយដែលខ្លួនរកបានចំនួន៦លានដុល្លារសហរដ្ឋអាមេរិក ដើម្បីជួយកុមារកម្ពុជា។ នៅថ្ងៃចន្ទ ទី២៦ ខែមករា ឆ្នាំ២០១៥ មន្ទីរពេទ្យកុមារអង្គរ ក៏បានប្រារព្ធខួបទី១៦ នៃការបើកដំណើរការ ក្នុងទឹកដីខេត្តសៀមរាប ដែលមានស្ថាបនិកជាអ្នកថតរូប លោក កែនរូ អ៊ីស៊ុ ជនជាតិអាមេរិកកាំង ដើមកំណើតជប៉ុន ជាអ្នកផ្តួចផ្តើម៕
សេវាគ្រប់ប្រភេទ ត្រូវបានបំពាក់ដូចគ្នាទៅនឹងសេវាក្នុងក្រុងសៀមរាប សម្រាប់អាគារទារក របស់មន្ទីរពេទ្យកុមារអង្គរ នៅស្រុកសូទ្រនិគម។ អាគារថ្មីមួយបន្ថែមទៀត ត្រូវបានដាក់ឲ្យដំណើរការជាផ្លូវការ ដើម្បីសម្រួលដល់ប្រជាពលរដ្ឋ ដែលមានទារក និងកុមារ ឈឺ ហើយមិនមានពេលធ្វើដំណើរដល់មន្ទីរពេទ្យធំ។
នាយកមន្ទីរពេទ្យកុមារអង្គរ លោក William Housworth បាននិយាយថា នេះជាកិច្ចសហប្រតិបត្តិការថ្មីមួយបន្ថែមទៀត ដែលមន្ទីរពេទ្យ បានធ្វើជាមួយរដ្ឋាភិបាលនាពេលកន្លងមក។ លោកបន្ថែមថា អាគារព្យាបាលជំងឺទារកនេះ និងរួមចំណែកកាត់បន្ថយអត្រាស្លាប់របស់ទារក និងកុមារ ដែលជាបំណងធំរបស់មន្ទីរពេទ្យកុមារអង្គរ ក៏ដូចជាក្រសួងសុខាភិបាលផងដែរ។
មន្ទីរពេទ្យកុមារអង្គរ មានស្រុកប្រតិបត្តិចំនួន៣ មានស្រុកជីក្រែង ស្រុកស្វាយលើ និងស្រុកសូទ្រនិគម ដែលមានមណ្ឌលសុខភាពសរុបចំនួន២៥ ។ លោក អេង ឃាង ប្រធានការិយាល័យសុខាភិបាលស្រុកប្រតិបត្តិសូទ្រនិគម បានឲ្យដឹងថានៅក្នុងពិធីសម្ពោធអាគារទារក កាលពីម្សិលមិញ បានឲ្យដឹងថា ពេទ្យកុមារអង្គរ បានចាប់ផ្តើមមានអាគារទារកនេះ តាំងពីឆ្នាំ២០១០មក ហើយអាគារថ្មីនេះ ត្រូវបានពង្រីងបន្ថែម ដើម្បីបំពេញតម្រូវការរបស់ប្រជាពលរដ្ឋនៅស្រុកសូទ្រនិគម។ លោកបន្តថា ក្នុងមួយថ្ងៃ មានអ្នកជំងឺ ដែលជាកុមារ និងទារក ជាមធ្យមចំនួន៧០នាក់ ហើយចង់មិនចង់ អាគារនេះ បានរួមចំណែកយ៉ាងធំ ក្នុងការជួយសង្គ្រោះអាយុជីវិតកុមារ បានទាន់ពេលវេលាជាច្រើន។
គួររំលឹកថា មន្ទីរពេទ្យកុមារអង្គរ គឺជាស្ថាប័នអង្គការមួយ ដែលតែងសហការនឹងក្រសួងសុខាភិបាលកម្ពុជា ក្នុងការជួយកុមារ ចាប់ពីអាយុ០ឆ្នាំ ដល់១៦ឆ្នាំ។ ចាប់ពីដំណើរការតាំងពី១៩៩៩មក មន្ទីរពេទ្យនេះ មានជួយសង្គ្រោះកុមារជាង ១លាន៣សែនរួចមកហើយ ដែលកុមារភាគច្រើន មានជីវភាពក្រីក្រ នៅទូទាំងខេត្តក្នុងប្រទេសកម្ពុជា។ ក្នុងមួយឆ្នាំ មន្ទីរពេទ្យនេះ បានប្រើលុយជំនួយដែលខ្លួនរកបានចំនួន៦លានដុល្លារសហរដ្ឋអាមេរិក ដើម្បីជួយកុមារកម្ពុជា។ នៅថ្ងៃចន្ទ ទី២៦ ខែមករា ឆ្នាំ២០១៥ មន្ទីរពេទ្យកុមារអង្គរ ក៏បានប្រារព្ធខួបទី១៦ នៃការបើកដំណើរការ ក្នុងទឹកដីខេត្តសៀមរាប ដែលមានស្ថាបនិកជាអ្នកថតរូប លោក កែនរូ អ៊ីស៊ុ ជនជាតិអាមេរិកកាំង ដើមកំណើតជប៉ុន ជាអ្នកផ្តួចផ្តើម៕
© រក្សាសិទ្ធិដោយ thmeythmey.com
