ខ្មែរក្រហម
ជាតិ
រាជរដ្ឋាភិបាលផ្តល់ប្រាក់៤,១លានដុល្លារដល់ភាគីជាតិនៃសាលាក្តីខ្មែរក្រហម
លោក នេត្រ ភក្ត្រា អ្នកនាំពាក្យសាលាក្តីខ្មែរក្រហម
×![]()
ដោយ: រួបរួម
រដ្ឋាភិបាលកម្ពុជាបានបន្តផ្តល់ជំនួយហិរញ្ញវត្ថុ និងជំនួយមិនមែនហិរញ្ញវត្ថុចំនួន៤,១លានដុល្លារសហរដ្ឋអាមេរិកដល់ភាគីជាតិនៃអង្គជំនុំជម្រះវិសាមញ្ញក្នុងតុលាការកម្ពុជាដែលក្នុងនោះថវិកាចំនួន ១,៦ លានដុល្លារសម្រាប់ទ្រទ្រង់ការចំណាយលើសេវាប្រតិបត្តិការរបស់តុលាការ និង ២,៥លាន ដុល្លារសម្រាប់ចំណាយលើប្រាក់បៀវត្សរ៍របស់មន្ត្រីបុគ្គលិកភាគីជាតិ។ នេះបើតាមការបញ្ជាក់របស់លោក នេត្រ ភក្ត្រា មន្ត្រីនាំពាក្យនៃអង្គជំនុំជម្រះវិសាមញ្ញក្នុងតុលាការកម្ពុជាកាលពីថ្ងៃទី២៦ ខែមករា។
ការសន្យារបស់រដ្ឋាភិបាលផ្តល់ជំនួយថវិកា ប្រមាណ ៤,១លានដុល្លារនេះគឺស្មើនឹង ៦២ភាគរយនៃគម្រោងថវិកាចំណាយសរុបប្រចាំឆ្នាំ២០១៥ របស់ ភាគីជាតិកម្ពុជា។ នៅឆ្នាំ ២០១៥ នេះ ភាគីជាតិគ្រោងនឹងចំណាយថវិកាប្រមាណ ៦,៦ លានដុល្លារ។ បើតាមលោក នេត្រ ភក្ត្រា បច្ចុប្បន្ននេះ ការិយាល័យរដ្ឋបាលនៃសាលាក្តីខ្មែរក្រហមបាននិងកំពុងធ្វើការផ្នែកនីតិវិធីជាមួយក្រសួងសេដ្ឋកិច្ចនិងហិរញ្ញវត្ថុដើម្បីទទួលបានថវិកានេះឱ្យបានទាន់ពេលវេលា។
មន្ត្រីនាំពាក្យសាលាក្តីខ្មែរក្រហមបានលើកឡើងថា ការសន្យាផ្តល់ជំនួយថវិកាពីរាជរដ្ឋាភិបាលកម្ពុជាចំពោះភាគីជាតិនៃសាលាក្តីខ្មែរក្រហមគឺដូច អ្វីដែលលោកនាយករដ្ឋមន្ត្រី ហ៊ុន សែន បានសន្យាក្នុងជំនួបកំពូល ជាមួយលោក បាន គីមូន អគ្គលេខាធិការអង្គការសហប្រជាជាតិនៅប្រទេសភូមាកាលពីចុងឆ្នាំ ២០១៤ កន្លងទៅក្នុងការជួយដោះស្រាយបញ្ហាថវិកាសម្រាប់ភាគីជាតិនៃសាលាក្តីខ្មែរក្រហម។
លោក បានបន្តថា ការសន្យាផ្តល់ជំនួយថវិកាបន្ថែមនេះគឺជាការបន្តការគាំទ្ររបស់រាជរដ្ឋាភិបាលចំពោះដំណើរការស្វែងរកការពិត និងយុត្តិធម៌ជូនដល់ជនរងគ្រោះដោយរបបខ្មែរក្រហម។ លោក នេត្រ ភក្ត្រា បានឱ្យដឹងផងដែរថា នៅឆ្នាំ ២០១៤ កន្លងទៅ រាជរដ្ឋាភិបាលកម្ពុជាបានផ្តល់ជំនួយថវិកាវត្ថុ និងជំនួយមិនមែនហិរញ្ញវត្ថុចំនួន ៣,៩៥ លានដុល្លារសហរដ្ឋអាមេរិកដែលក្នុងនោះ ១,៧ លានដុល្លារសហរដ្ឋសម្រាប់ចំណាយលើសេវាប្រត្តិបត្តិការទូទៅរបស់តុលាការ និងថវិកាចំនួន ២,២៥លានដុល្លារសហរដ្ឋអាមេរិកសម្រាប់ប្រាក់បៀវត្សរ៍របស់មន្ត្រីបុគ្គលិកជាតិរយៈពេល ៦ ខែ (១,១លានដុល្លារសម្រាប់ត្រីមាសទី១ និង ១,១៥លានដុល្លារសម្រាប់ត្រីមាសទី៤)។ ការផ្តល់វិភាគទាន ចំនួន ៣,៩៥ លានដុល្លារអាមេរិកនេះស្មើប្រមាណ ៦២%នៃគម្រោងថវិកាភាគីជាតិឆ្នាំ ២០១៤ ដែល ត្រូវបានអនុម័តឱ្យចំណាយចំនួន ៦,៤ លានដុល្លារសហរដ្ឋអាមេរិក។
ចាប់តាំងពីឆ្នាំ ២០០៦ រហូតមកដល់ឆ្នាំ ២០១៣ រាជរដ្ឋាភិបាលកម្ពុជាបានផ្តល់ថវិកាដល់ សាលាក្តីខ្មែរក្រហមទាំងជំនួយហិរញ្ញវត្ថុ និងមិនមែនហិរញ្ញវត្ថុចំនួន ២៥,២ លានដុល្លារក្នុងនោះជំនួយមិនមែនហិរញ្ញវត្ថុចំនួន ១០,៨ លានដុល្លារ និង១៤,៤២ លានដុល្លារជាជំនួយថវិកា។ រហូតមកទល់ពេលនេះ រាជរដ្ឋាភិបាលកម្ពុជាជាប្រទេសម្ចាស់ជំនួយធំទី២ របស់សាលាក្តីខ្មែរក្រហមបន្ទាប់ពីប្រទេសប៉ុនដែលបានផ្តល់ជំនួយថវិកាចំនួនប្រមាណ ៨២ លានដុល្លារ ប្រទេសអូស្ត្រាលីចំនួន ២៣, ២០ លានដុល្លារ សហរដ្ឋអាមេរិកចំនួន ២០,៨០លានដុល្លារ អាល្លឺម៉ង់ ចំនួន ១៣,៥៨ លាន អង់គ្លេសចំនួន ១១,៥២លាន សហភាពអឺរ៉ុបចំនួន ៨,៨៦លាន បារាំងចំនួន ៨,២៥លាន ស៊ុយអែតចំនួន ៨,២លាន និងប្រទេសន័រវេសចំនួន ៧លានដុល្លារសហរដ្ឋអាមេរិក៕
ការសន្យារបស់រដ្ឋាភិបាលផ្តល់ជំនួយថវិកា ប្រមាណ ៤,១លានដុល្លារនេះគឺស្មើនឹង ៦២ភាគរយនៃគម្រោងថវិកាចំណាយសរុបប្រចាំឆ្នាំ២០១៥ របស់ ភាគីជាតិកម្ពុជា។ នៅឆ្នាំ ២០១៥ នេះ ភាគីជាតិគ្រោងនឹងចំណាយថវិកាប្រមាណ ៦,៦ លានដុល្លារ។ បើតាមលោក នេត្រ ភក្ត្រា បច្ចុប្បន្ននេះ ការិយាល័យរដ្ឋបាលនៃសាលាក្តីខ្មែរក្រហមបាននិងកំពុងធ្វើការផ្នែកនីតិវិធីជាមួយក្រសួងសេដ្ឋកិច្ចនិងហិរញ្ញវត្ថុដើម្បីទទួលបានថវិកានេះឱ្យបានទាន់ពេលវេលា។
មន្ត្រីនាំពាក្យសាលាក្តីខ្មែរក្រហមបានលើកឡើងថា ការសន្យាផ្តល់ជំនួយថវិកាពីរាជរដ្ឋាភិបាលកម្ពុជាចំពោះភាគីជាតិនៃសាលាក្តីខ្មែរក្រហមគឺដូច អ្វីដែលលោកនាយករដ្ឋមន្ត្រី ហ៊ុន សែន បានសន្យាក្នុងជំនួបកំពូល ជាមួយលោក បាន គីមូន អគ្គលេខាធិការអង្គការសហប្រជាជាតិនៅប្រទេសភូមាកាលពីចុងឆ្នាំ ២០១៤ កន្លងទៅក្នុងការជួយដោះស្រាយបញ្ហាថវិកាសម្រាប់ភាគីជាតិនៃសាលាក្តីខ្មែរក្រហម។
លោក បានបន្តថា ការសន្យាផ្តល់ជំនួយថវិកាបន្ថែមនេះគឺជាការបន្តការគាំទ្ររបស់រាជរដ្ឋាភិបាលចំពោះដំណើរការស្វែងរកការពិត និងយុត្តិធម៌ជូនដល់ជនរងគ្រោះដោយរបបខ្មែរក្រហម។ លោក នេត្រ ភក្ត្រា បានឱ្យដឹងផងដែរថា នៅឆ្នាំ ២០១៤ កន្លងទៅ រាជរដ្ឋាភិបាលកម្ពុជាបានផ្តល់ជំនួយថវិកាវត្ថុ និងជំនួយមិនមែនហិរញ្ញវត្ថុចំនួន ៣,៩៥ លានដុល្លារសហរដ្ឋអាមេរិកដែលក្នុងនោះ ១,៧ លានដុល្លារសហរដ្ឋសម្រាប់ចំណាយលើសេវាប្រត្តិបត្តិការទូទៅរបស់តុលាការ និងថវិកាចំនួន ២,២៥លានដុល្លារសហរដ្ឋអាមេរិកសម្រាប់ប្រាក់បៀវត្សរ៍របស់មន្ត្រីបុគ្គលិកជាតិរយៈពេល ៦ ខែ (១,១លានដុល្លារសម្រាប់ត្រីមាសទី១ និង ១,១៥លានដុល្លារសម្រាប់ត្រីមាសទី៤)។ ការផ្តល់វិភាគទាន ចំនួន ៣,៩៥ លានដុល្លារអាមេរិកនេះស្មើប្រមាណ ៦២%នៃគម្រោងថវិកាភាគីជាតិឆ្នាំ ២០១៤ ដែល ត្រូវបានអនុម័តឱ្យចំណាយចំនួន ៦,៤ លានដុល្លារសហរដ្ឋអាមេរិក។
ចាប់តាំងពីឆ្នាំ ២០០៦ រហូតមកដល់ឆ្នាំ ២០១៣ រាជរដ្ឋាភិបាលកម្ពុជាបានផ្តល់ថវិកាដល់ សាលាក្តីខ្មែរក្រហមទាំងជំនួយហិរញ្ញវត្ថុ និងមិនមែនហិរញ្ញវត្ថុចំនួន ២៥,២ លានដុល្លារក្នុងនោះជំនួយមិនមែនហិរញ្ញវត្ថុចំនួន ១០,៨ លានដុល្លារ និង១៤,៤២ លានដុល្លារជាជំនួយថវិកា។ រហូតមកទល់ពេលនេះ រាជរដ្ឋាភិបាលកម្ពុជាជាប្រទេសម្ចាស់ជំនួយធំទី២ របស់សាលាក្តីខ្មែរក្រហមបន្ទាប់ពីប្រទេសប៉ុនដែលបានផ្តល់ជំនួយថវិកាចំនួនប្រមាណ ៨២ លានដុល្លារ ប្រទេសអូស្ត្រាលីចំនួន ២៣, ២០ លានដុល្លារ សហរដ្ឋអាមេរិកចំនួន ២០,៨០លានដុល្លារ អាល្លឺម៉ង់ ចំនួន ១៣,៥៨ លាន អង់គ្លេសចំនួន ១១,៥២លាន សហភាពអឺរ៉ុបចំនួន ៨,៨៦លាន បារាំងចំនួន ៨,២៥លាន ស៊ុយអែតចំនួន ៨,២លាន និងប្រទេសន័រវេសចំនួន ៧លានដុល្លារសហរដ្ឋអាមេរិក៕
© រក្សាសិទ្ធិដោយ thmeythmey.com
