ជាតិ
នយោបាយជាតិ
រូបខាងក្រោមមេដឹកនាំបក្សប្រជាជនកម្ពុជាទាំង ៣ នៅខាងឆ្វេងលោក សាយ សំអាល់ នៅកណ្តាល លោក ហ៊ុន ម៉ានី នៅខាងស្តាំ លោក ស សុខា (រូបកាសែតភ្នំពេញប៉ុស្តិ៍)
×![]()
ដោយ: សារព័ត៌មានថ្មីៗ
គណបក្សប្រជាជនកម្ពុជា គ្រោងនឹងបោះឆ្នោតជ្រើសរើសយុវជនមួយចំនួន ឲ្យមានតួនាទីក្នុងជួរក្បាលម៉ាស៊ីនបក្ស ដើម្បីស្តារប្រជាប្រិយភាពឡើងវិញ នៅក្នុងមហាសន្និបាតវិសាមញ្ញបក្ស ដែលប្រារព្ធឡើងចាប់ពីថ្ងៃទី ៣០ ខែមករា ដល់ថ្ងៃទី ១ កុម្ភៈ ។ តែយ៉ាងណា ប្រសិនបើឈាមថ្មីនេះ គ្មានគំនិតថ្មី ហើយអនុវត្តន៍តាមតែគន្លងដែលមិនល្អរបស់នយោបាយចាស់ដដែលនោះ បក្សកាន់អំណាចទំនងពិបាកស្តារប្រជាប្រិយភាពឡើងវិញណាស់។
ក្នុងអាណត្តិទី ៥ នេះ រដ្ឋាភិបាលដែលដឹកនាំដោយបក្សប្រជាជនកម្ពុជា បានកែទម្រង់ស៊ីជម្រៅមួយចំនួន គួរឲ្យកត់សម្គាល់។ នៅក្នុងការកែទម្រង់នេះ បក្សកាន់អំណាច ក៏បានដាក់បញ្ចូលនូវឈាមថ្មី ពោលគឺយុវជនថ្មីខ្លះដែរ ឲ្យមានតួនាទីជាតំណាងរាស្ត្រ និងជារដ្ឋមន្ត្រី ។ លើសពីនេះ បក្សនេះ ក៏មានគម្រោងជ្រើសរើសយុវជនជាច្រើនឲ្យកាន់តំណែងជាសមាជិកគណៈកម្មាធិការកណ្តាលថ្មីរបស់បក្ស នៅក្នុងមហាសន្និបាទរបស់ខ្លួនផងដែរ។ គណបក្សនេះ សង្ឃឹមថា ការបញ្ចូលយុវជន ឬឈាមថ្មី ទៅក្នុងក្បាលម៉ាស៊ីនបក្ស នឹងអាចស្តារប្រជាប្រិយភាពខ្លួនឡើងវិញ ក្រោយពីស្រុតចុះអ្នកគាំទ្រជាប្រវត្តិសាស្ត្រក្នុងការបោះឆ្នោតនីតិកាលទី ៥ កន្លងទៅនេះ។
ជាការពិតការបញ្ចូលយុវជនជំនាន់ថ្មី ឲ្យបន្តវេនដើម្បីដឹកនាំបក្ស ជំនួសអ្នកនយោបាយចាស់ៗ គឺជាសញ្ញាណល្អ ។ ល្អដោយសារថា សកម្មភាពនេះ វានឹងផ្តល់ឱកាសឲ្យអ្នកនយោបាយក្មេងៗជំនាន់ក្រោយ អាចបញ្ចេញគំនិតថ្មីដឹកនាំប្រទេសឬបក្សវិញម្តង។ ក៏ប៉ុន្តែបញ្ហាចោទនោះ នៅត្រង់ថា តើយុវជន ឬឈាមថ្មី ដែលមកកាន់តួនាទីថ្មីនោះ មានគំនិតថ្មីៗដែលមានប្រយោជន៍សម្រាប់ប្រទេសជាតិ ឬបក្សខ្លួន មកជាមួយដែរឬទេ? ឬមួយក៏អ្នកបន្តវេនថ្មីនោះ ល្អមើលតែរូបភាពខាងក្រៅ តែអនុវត្តន៍តាមតែសកម្មភាពចាស់ ឬដើរតាមគន្លងអ្នកនយោបាយចាស់ដដែល? ប្រសិនបើឈាមថ្មីនោះ ដើរតាមគន្លងចាស់ៗដដែល គណបក្សប្រជាជនកម្ពុជា ទំនងជាមិនអាចទាក់ទាញការគាំទ្រឡើងវិញណាស់។ ពីព្រោះថា គន្លងចាស់ៗនោះហើយ ដែលបង្កឲ្យបក្សនេះ បាត់ប្រជាប្រិយជាបន្តបន្ទាប់។
គន្លងដែលអ្នកនយោបាយចាស់ៗ ធ្វើឲ្យគណបក្សប្រជាជនកម្ពុជា បាត់បង់ប្រជាប្រិយភាពនោះ និយាយដោយសង្ខេបរួមមាន៖ ការប្រព្រឹត្តអំពើពុករលួយ តាំងពីថ្នាក់លើដល់ថ្នាក់ក្រោម។ បញ្ហាគ្រួសារនិយម នៅតាមស្ថាប័នសំខាន់ៗរបស់រដ្ឋ និងក្នុងបក្ស។ ការមិនបើកត្រចៀកស្តាប់មតិរិះគន់ យកទៅពិចារណាឲ្យបានច្រើន ។ ការញៀនស្តាប់តែពាក្យបញ្ចើចបញ្ចើ ។ ទម្លាប់ប្រៀបធៀបប្រទេសកម្ពុជាក្រោមការដឹកនាំរបស់ខ្លួន ទៅនឹងប្រទេសក្រីក្រអន់ខ្សោយ ដោយមិនប្រៀបជាមួយប្រទេសខ្លាំង។ ការព្រងើយកន្តើយនឹងជនអន្តោប្រវេសន៍ខុសច្បាប់ហូរចូលមកកម្ពុជា ។ ការអនុវត្តឥរិយាបថនយោបាយគំនុំសងសឹកជាមួយខ្មែរគ្នាឯង។ ទម្លាប់ប្រើកម្លាំងទ័ពដោះស្រាយបញ្ហា នៅពេលមានការតវ៉ា និងទម្លាប់អ្នកធំយកច្បាប់មកទ្រាប់អង្គុយ ហើយឲ្យពលរដ្ឋតូចតាចអនុវត្តន៍ជាដើម។
បញ្ហាទាំងនេះ កំពុងតែកើតមាននៅក្នុងដំណាក់កាលដឹកនាំនៃអ្នកនយោបាយចាស់ៗរបស់គណបក្សប្រជាជនកម្ពុជា ដែលអ្នកនយោបាយទាំងនោះ និងយុវជនបន្តវេន ព្រមទាំងអ្នកគាំទ្រគណបក្សនេះ គួរតែហ៊ានទទួលស្គាល់។ បើអ្នកនយោបាយវ័យក្មេងជំនាន់ក្រោយ ឬឈាមថ្មី ដែលនឹងទៅកាន់ក្បាលម៉ាស៊ីនបក្សថ្មីនោះ មានគំនិតថ្មីដែលមានប្រយោជន៍ មិនដើរតាមគន្លងមិនល្អរបស់អ្នកនយោបាយចាស់ៗ ហើយបន្តអនុវត្តន៍តាមគន្លងល្អៗមួយចំនួនសម្រាប់ជាតិរបស់អ្នកនយោបាយចាស់ៗដែលមានស្រាប់នោះ ប្រជាប្រិយភាពបក្សប្រជាជនកម្ពុជាទំនងជាអាចស្តារបានខ្លាំងឡើងវិញ៕
ដោយ៖លោក សុន ជា ពីខេត្តព្រៃវែង
ក្នុងអាណត្តិទី ៥ នេះ រដ្ឋាភិបាលដែលដឹកនាំដោយបក្សប្រជាជនកម្ពុជា បានកែទម្រង់ស៊ីជម្រៅមួយចំនួន គួរឲ្យកត់សម្គាល់។ នៅក្នុងការកែទម្រង់នេះ បក្សកាន់អំណាច ក៏បានដាក់បញ្ចូលនូវឈាមថ្មី ពោលគឺយុវជនថ្មីខ្លះដែរ ឲ្យមានតួនាទីជាតំណាងរាស្ត្រ និងជារដ្ឋមន្ត្រី ។ លើសពីនេះ បក្សនេះ ក៏មានគម្រោងជ្រើសរើសយុវជនជាច្រើនឲ្យកាន់តំណែងជាសមាជិកគណៈកម្មាធិការកណ្តាលថ្មីរបស់បក្ស នៅក្នុងមហាសន្និបាទរបស់ខ្លួនផងដែរ។ គណបក្សនេះ សង្ឃឹមថា ការបញ្ចូលយុវជន ឬឈាមថ្មី ទៅក្នុងក្បាលម៉ាស៊ីនបក្ស នឹងអាចស្តារប្រជាប្រិយភាពខ្លួនឡើងវិញ ក្រោយពីស្រុតចុះអ្នកគាំទ្រជាប្រវត្តិសាស្ត្រក្នុងការបោះឆ្នោតនីតិកាលទី ៥ កន្លងទៅនេះ។
ជាការពិតការបញ្ចូលយុវជនជំនាន់ថ្មី ឲ្យបន្តវេនដើម្បីដឹកនាំបក្ស ជំនួសអ្នកនយោបាយចាស់ៗ គឺជាសញ្ញាណល្អ ។ ល្អដោយសារថា សកម្មភាពនេះ វានឹងផ្តល់ឱកាសឲ្យអ្នកនយោបាយក្មេងៗជំនាន់ក្រោយ អាចបញ្ចេញគំនិតថ្មីដឹកនាំប្រទេសឬបក្សវិញម្តង។ ក៏ប៉ុន្តែបញ្ហាចោទនោះ នៅត្រង់ថា តើយុវជន ឬឈាមថ្មី ដែលមកកាន់តួនាទីថ្មីនោះ មានគំនិតថ្មីៗដែលមានប្រយោជន៍សម្រាប់ប្រទេសជាតិ ឬបក្សខ្លួន មកជាមួយដែរឬទេ? ឬមួយក៏អ្នកបន្តវេនថ្មីនោះ ល្អមើលតែរូបភាពខាងក្រៅ តែអនុវត្តន៍តាមតែសកម្មភាពចាស់ ឬដើរតាមគន្លងអ្នកនយោបាយចាស់ដដែល? ប្រសិនបើឈាមថ្មីនោះ ដើរតាមគន្លងចាស់ៗដដែល គណបក្សប្រជាជនកម្ពុជា ទំនងជាមិនអាចទាក់ទាញការគាំទ្រឡើងវិញណាស់។ ពីព្រោះថា គន្លងចាស់ៗនោះហើយ ដែលបង្កឲ្យបក្សនេះ បាត់ប្រជាប្រិយជាបន្តបន្ទាប់។
គន្លងដែលអ្នកនយោបាយចាស់ៗ ធ្វើឲ្យគណបក្សប្រជាជនកម្ពុជា បាត់បង់ប្រជាប្រិយភាពនោះ និយាយដោយសង្ខេបរួមមាន៖ ការប្រព្រឹត្តអំពើពុករលួយ តាំងពីថ្នាក់លើដល់ថ្នាក់ក្រោម។ បញ្ហាគ្រួសារនិយម នៅតាមស្ថាប័នសំខាន់ៗរបស់រដ្ឋ និងក្នុងបក្ស។ ការមិនបើកត្រចៀកស្តាប់មតិរិះគន់ យកទៅពិចារណាឲ្យបានច្រើន ។ ការញៀនស្តាប់តែពាក្យបញ្ចើចបញ្ចើ ។ ទម្លាប់ប្រៀបធៀបប្រទេសកម្ពុជាក្រោមការដឹកនាំរបស់ខ្លួន ទៅនឹងប្រទេសក្រីក្រអន់ខ្សោយ ដោយមិនប្រៀបជាមួយប្រទេសខ្លាំង។ ការព្រងើយកន្តើយនឹងជនអន្តោប្រវេសន៍ខុសច្បាប់ហូរចូលមកកម្ពុជា ។ ការអនុវត្តឥរិយាបថនយោបាយគំនុំសងសឹកជាមួយខ្មែរគ្នាឯង។ ទម្លាប់ប្រើកម្លាំងទ័ពដោះស្រាយបញ្ហា នៅពេលមានការតវ៉ា និងទម្លាប់អ្នកធំយកច្បាប់មកទ្រាប់អង្គុយ ហើយឲ្យពលរដ្ឋតូចតាចអនុវត្តន៍ជាដើម។
បញ្ហាទាំងនេះ កំពុងតែកើតមាននៅក្នុងដំណាក់កាលដឹកនាំនៃអ្នកនយោបាយចាស់ៗរបស់គណបក្សប្រជាជនកម្ពុជា ដែលអ្នកនយោបាយទាំងនោះ និងយុវជនបន្តវេន ព្រមទាំងអ្នកគាំទ្រគណបក្សនេះ គួរតែហ៊ានទទួលស្គាល់។ បើអ្នកនយោបាយវ័យក្មេងជំនាន់ក្រោយ ឬឈាមថ្មី ដែលនឹងទៅកាន់ក្បាលម៉ាស៊ីនបក្សថ្មីនោះ មានគំនិតថ្មីដែលមានប្រយោជន៍ មិនដើរតាមគន្លងមិនល្អរបស់អ្នកនយោបាយចាស់ៗ ហើយបន្តអនុវត្តន៍តាមគន្លងល្អៗមួយចំនួនសម្រាប់ជាតិរបស់អ្នកនយោបាយចាស់ៗដែលមានស្រាប់នោះ ប្រជាប្រិយភាពបក្សប្រជាជនកម្ពុជាទំនងជាអាចស្តារបានខ្លាំងឡើងវិញ៕
ដោយ៖លោក សុន ជា ពីខេត្តព្រៃវែង
© រក្សាសិទ្ធិដោយ thmeythmey.com
