ជាតិ
×![]()
កំពង់ធំ៖ នាពេលថ្មីៗនេះដែរ ចៅសង្កាត់អាចារ្យលាក់ត្រូវបានក្រសួងមហាផ្ទៃ អញ្ចើញឱ្យឡើងធ្វើបទអន្តរាគមន៍ ក្នុងមហាសន្និបាតបូកសរុបលទ្ធផលប្រចាំឆ្នាំនៅទូទាំងប្រទេស។ សន្និបាតនេះ ត្រូវបានធ្វើឡើងនៅកោះពេជ្រ ក្រោមអធិបតីភាពនាយករដ្ឋមន្ត្រី និងមានការចូលរួមពីអភិបាលខេត្តទាំង២៥ខេត្តក្រុងនៃព្រះរាជាណាចក្រកម្ពុជា។
«ក្រសួងមហាផ្ទៃបានអញ្ជើញសង្កាត់យើងនិងមេប៉ុស្តិ៍អាចារ្យលាក់ ឱ្យទៅចូលរួមក្នុងសន្និបាតទូទាំងប្រទេស ទាក់ទងទៅនឹងការទទួលបានចំណាត់ថ្នាក់ល្អ នៃប្រជាការពារក្នុងសង្កាត់»។ នេះបើតាមប្រសាសន៍ លោក ស៊ុន ហឿង។ មានទឹកមុខញញឹមប្រិមប្រិយ បើទោះបីជាមមាញឹកក្នុងការបំពេញភារកិច្ចច្រើនក្នុងការងារបម្រើសេវាជូនពលរដ្ឋក៏ដោយ លោកចៅសង្កាត់រូបនេះ បានពន្យល់អំពីមូលហេតុដែលក្រសួងមហាផ្ទៃបានអញ្ជើញទាំងប៉ូលិសប៉ុស្ត៍ដើម្បីចែករំលែកបទពិសោធន៍ការងារ។ លោកចៅសង្កាត់អាចារ្យលាក់បានរៀបរាប់បន្ថែមថា៖«មេប៉ុស្តិ៍ជាអ្នកគ្រប់គ្រងប្រជាការពារដោយផ្ទាល់ ប៉ុន្តែប្រជាការពារក៏ស្ថិតក្រោមការគ្រប់គ្រងរបស់សង្កាត់ដែរ។ ការធ្វើបទអន្តរាគមន៍នៅក្រសួងមហាផ្ទៃមានន័យថា ជាការបង្ហាញពិសោធន៍ក្នុងការគ្រប់គ្រង និងដឹកនាំប្រជាការពារ»។
បទបង្ហាញពិសោធន៍ត្រូវបានធ្វើឡើងនៅក្នុងមហាសន្និបាតប្រចាំឆ្នាំរបស់ក្រសួងមហាផ្ទៃ ដោយមានការចូលរួមពីថ្នាក់ដឹកនាំខេត្តរាជធានី និងថ្នាក់ដឹកនាំក្រសួងមហាផ្ទៃទាំងអស់។ នៅក្នុងសន្និបាតបូកសរុបលទ្ធផលប្រចាំឆ្នាំ២០១៤នោះមានតែសង្កាត់អាចារ្យលាក់មួយទេ ដែលបានឡើងធ្វើបទអន្តរាគមន៍ ព្រោះសង្កាត់នេះទទួលបានចំណាត់លេខ១ទូទាំងប្រទេសផ្នែកប្រជាការពារក្នុងផ្នែកភូមិឃុំមានសុវត្ថិភាព។ នេះបើតាមការបញ្ជាក់របស់លោក ស៊ុន ហឿង ចៅសង្កាត់អាចារ្យលាក់ ដែលអះអាងបន្តថា «ក្រៅពីនោះ មិនមានថ្នាក់សង្កាត់ណាបានឡើងធ្វើបទអន្តរាគមន៍ដូចយើងទេ ពោលគឺមានតែថ្នាក់ខេត្ត»។
ក្រៅពីទទួលបានលិខិតសរសើរលេខ១ពីក្រសួងមហាផ្ទៃនិងរង្វាន់លើកទឹកចិត្ត១លានរៀលសង្កាត់អាចារ្យលាក់ក៏ទទួលបានការសរសើរលើកទឹកចិត្តដោយផ្ទាល់ពីលោក ស ខេង រដ្ឋមន្ត្រីក្រសួងមហាផ្ទៃ។ បន្ថែមពីលើនេះ លោករដ្ឋមន្ត្រីបានមានប្រសាសន៍ណែនាំឱ្យសង្កាត់ផ្សេងៗទូទាំងប្រទេសខិតខំប្រឹងប្រែបំពេញភារកិច្ចរបស់ខ្លួនឱ្យបានល្អនិងយកគំរូ យកតម្រាប់តាមសង្កាតអាចារ្យលាក់៕
«ក្រសួងមហាផ្ទៃបានអញ្ជើញសង្កាត់យើងនិងមេប៉ុស្តិ៍អាចារ្យលាក់ ឱ្យទៅចូលរួមក្នុងសន្និបាតទូទាំងប្រទេស ទាក់ទងទៅនឹងការទទួលបានចំណាត់ថ្នាក់ល្អ នៃប្រជាការពារក្នុងសង្កាត់»។ នេះបើតាមប្រសាសន៍ លោក ស៊ុន ហឿង។ មានទឹកមុខញញឹមប្រិមប្រិយ បើទោះបីជាមមាញឹកក្នុងការបំពេញភារកិច្ចច្រើនក្នុងការងារបម្រើសេវាជូនពលរដ្ឋក៏ដោយ លោកចៅសង្កាត់រូបនេះ បានពន្យល់អំពីមូលហេតុដែលក្រសួងមហាផ្ទៃបានអញ្ជើញទាំងប៉ូលិសប៉ុស្ត៍ដើម្បីចែករំលែកបទពិសោធន៍ការងារ។ លោកចៅសង្កាត់អាចារ្យលាក់បានរៀបរាប់បន្ថែមថា៖«មេប៉ុស្តិ៍ជាអ្នកគ្រប់គ្រងប្រជាការពារដោយផ្ទាល់ ប៉ុន្តែប្រជាការពារក៏ស្ថិតក្រោមការគ្រប់គ្រងរបស់សង្កាត់ដែរ។ ការធ្វើបទអន្តរាគមន៍នៅក្រសួងមហាផ្ទៃមានន័យថា ជាការបង្ហាញពិសោធន៍ក្នុងការគ្រប់គ្រង និងដឹកនាំប្រជាការពារ»។
បទបង្ហាញពិសោធន៍ត្រូវបានធ្វើឡើងនៅក្នុងមហាសន្និបាតប្រចាំឆ្នាំរបស់ក្រសួងមហាផ្ទៃ ដោយមានការចូលរួមពីថ្នាក់ដឹកនាំខេត្តរាជធានី និងថ្នាក់ដឹកនាំក្រសួងមហាផ្ទៃទាំងអស់។ នៅក្នុងសន្និបាតបូកសរុបលទ្ធផលប្រចាំឆ្នាំ២០១៤នោះមានតែសង្កាត់អាចារ្យលាក់មួយទេ ដែលបានឡើងធ្វើបទអន្តរាគមន៍ ព្រោះសង្កាត់នេះទទួលបានចំណាត់លេខ១ទូទាំងប្រទេសផ្នែកប្រជាការពារក្នុងផ្នែកភូមិឃុំមានសុវត្ថិភាព។ នេះបើតាមការបញ្ជាក់របស់លោក ស៊ុន ហឿង ចៅសង្កាត់អាចារ្យលាក់ ដែលអះអាងបន្តថា «ក្រៅពីនោះ មិនមានថ្នាក់សង្កាត់ណាបានឡើងធ្វើបទអន្តរាគមន៍ដូចយើងទេ ពោលគឺមានតែថ្នាក់ខេត្ត»។
ក្រៅពីទទួលបានលិខិតសរសើរលេខ១ពីក្រសួងមហាផ្ទៃនិងរង្វាន់លើកទឹកចិត្ត១លានរៀលសង្កាត់អាចារ្យលាក់ក៏ទទួលបានការសរសើរលើកទឹកចិត្តដោយផ្ទាល់ពីលោក ស ខេង រដ្ឋមន្ត្រីក្រសួងមហាផ្ទៃ។ បន្ថែមពីលើនេះ លោករដ្ឋមន្ត្រីបានមានប្រសាសន៍ណែនាំឱ្យសង្កាត់ផ្សេងៗទូទាំងប្រទេសខិតខំប្រឹងប្រែបំពេញភារកិច្ចរបស់ខ្លួនឱ្យបានល្អនិងយកគំរូ យកតម្រាប់តាមសង្កាតអាចារ្យលាក់៕
© រក្សាសិទ្ធិដោយ thmeythmey.com
