ជាតិ
នយោបាយជាតិ
លោក ហ៊ុន សែន ខកចិត្តចំពោះលោកស្រី Michelle OBAMA
×
លោកនាយករដ្ឋមន្ត្រី ហ៊ុន សែន បានសំដែងការខកចិត្តបន្តិចចំពោះគម្រោងទស្សកិច្ចរបស់ស្ត្រីទីមួយនៃសហរដ្ឋអាមេរិកលោកស្រី Michelle OBAMA នៅក្នុងខេត្តសៀមរាបកាលពីចុងសប្តាហ៍កន្លងទៅ។ លោកនាយករដ្ឋមន្ត្រីមិនសូវសប្បាយចិត្ត គឺដោយសារតែគម្រោងជំរុញកុមារីជំទង់ឲ្យបានរៀនសូត្រ របស់រដ្ឋបាលលោកអូបាម៉ា ដែលលោក ហ៊ុន សែន អះអាងថា វាក៏ជាគោលនយោបាយរបស់រដ្ឋាភិបាលកម្ពុជាដែរនោះ មិនបានជួយកុមារីខ្មែរ«ចប់ចុងចប់ដើម»។
លោក ហ៊ុន សែន បាននិយាយខកចិត្តដោយសារតែលោកបានទទួលការស្នើសុំពី រដ្ឋមន្ត្រីអប់រំ ឲ្យទទួលបន្ទុកលើការរៀនសូត្រដល់ថ្នាក់ឧត្តមសិក្សារបស់សិស្សស្រី១០នាក់ ដែលត្រូវបានជ្រើសរើសក្នុងក្របខណ្ឌគ្រោងជំរុញសិស្សស្រីរបស់សហរដ្ឋអាមេរិក។
ប្រមុខរដ្ឋាភិបាលកម្ពុជានៅតែសរសើរគម្រោងជំរុញសិស្សស្រីឲ្យបានរៀនសូត្ររបស់លោកអូបាម៉ា ថាជាគម្រោងល្អ ប៉ុន្តែទន្ទឹមគ្នានេះ លោកនាយករដ្ឋមន្ត្រីបានផ្ញើសារទៅលោកស្រី Michelle OBAMA ឲ្យពិនិត្យគម្រោងរបស់លោកស្រីឡើងវិញអំពីនីតិវិធីនៃការជួយសិស្សស្រីនៅតាមប្រទេសនានាដែលត្រូវបានជ្រើសរើសដោយគម្រោងនោះ៕
សូមស្ដាប់សំឡេង ៖
© រក្សាសិទ្ធិដោយ thmeythmey.com