ជាតិ
មនុស្ស១១នាក់ស្លាប់ និងរបួសក្នុងគ្រោះថ្នាក់ចរាចរណ៍ម្សិលមិញ
× មនុស្សម្នាក់បានស្លាប់ និង១០នាក់រងរបួសធ្ងន់ និងស្រាល នៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន៧លើក នៅទូទាំងប្រទេសកាលពីថ្ងៃទី១២ខែឧសភា។ នេះបើយោងតាមរបាយការពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិ។
របាយការណ៍ដដែល បានឲ្យដឹងទៀតថា ក្នុងគ្រោះថ្នាក់ចរាចរណ៍ទាំង៧លើកនេះ បានបង្កឲ្យខូចខាតយានយន្តសរុប១០គ្រឿង ក្នុងនោះមានម៉ូតូចំនួន៦គ្រឿង រថយន្តធុនតូចចំនួន១គ្រឿងរថយន្តធុនធំ១គ្រឿង យានផ្សេង២គ្រឿង និងថ្មើរជើង២នាក់។
មូលហេតុដែលបណ្តាលឲ្យមានគ្រោះថ្នាក់កើតឡើង គឺបណ្តាលមកពី បើកបរហួសល្បឿនចំនួន៤លើក មិនគោរពសិទ្ធ១លើក ប្រជែងគ្រោះថ្នាក់១លើក មិនចេះបើកបរ១លើក ក្នុងនោះអ្នកគ្រោះថ្នាក់ជិះម៉ូតូមិនបានពាក់មួកសុវត្ថិភាពចំនួន៤នាក់៕
© រក្សាសិទ្ធិដោយ thmeythmey.com