ជាតិ
មនុស្ស១៩នាក់ស្លាប់ និងរបួសក្នុងគ្រោះថ្នាក់ចរាចរណ៍ម្សិលមិញ
× មនុស្សចំនួន៨នាក់បានស្លាប់ និង១១នាក់រងរបួសធ្ងន់ និងស្រាល នៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន៩លើក នៅទូទាំងប្រទេស កាលពីថ្ងៃទី១៣ខែឧសភា។ នេះបើយោងតាមរបាយការណ៍ពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិ ។
របាយការណ៍ដដែលបានឲ្យដឹងទៀតថា មូលហេតុដែលបណ្តាលឲ្យមានគ្រោះថ្នាក់ គឺ បណ្តាលមកពី បើកបរពេលស្រវឹង៤លើក បើកបរហួសល្បឿន២លើក មិនប្រកាន់ស្តាំ២លើក និងបត់គ្រោះថ្នាក់១លើក ក្នុងនោះអ្នកគ្រោះថ្នាក់ជិះម៉ូតូមិនពាក់មួកសុវត្ថិភាពចំនួន១៤នាក់។
ដោយឡែកយានយន្តដែលរងការផាកពិន័យ មានចំនួន២,០៣០គ្រឿង ក្នុងនោះរថយន្តចំនួន៥៦០គ្រឿង និងម៉ូតូចំនួន១,៤៧០គ្រឿង៕
© រក្សាសិទ្ធិដោយ thmeythmey.com