ជាតិ
មនុស្ស១៧នាក់ស្លាប់ និងរបួសក្នុងគ្រោះថ្នាក់ចរាចរណ៍ថ្ងៃទី២៤ឧសភា
× មនុស្សចំនួន៤នាក់ បានស្លាប់ និង១៣នាក់ទៀតរងរបួសធ្ងន់ និងស្រាលនៅក្នុងគ្រោះថ្នាក់ចរាចរណ៍ ដែលបានកើតឡើងចំនួន១០លើក នៅទូទាំងប្រទេស កាលពីថ្ងៃទី២៤ខែឧសភា។ នេះបើយោងតាមរបាយការណ៍ពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិ ។
បើតាមរបាយការណ៍ដដែល គ្រោះថ្នាក់ចរាចរណ៍ទាំង១០លើកនោះ បានបង្កឲ្យខូចខាតយានយន្តសរុប១៥គ្រឿង ក្នុងនោះមានម៉ូតូចំនួន៨គ្រឿង រថយន្តធុនតូច៦គ្រឿង និងយានផ្សេង១គ្រឿង។
មូលហេតុដែលបណ្តាលឲ្យមានគ្រោះថ្នាក់ គឺបណ្តាលមកពីបើកបរហួសល្បឿនចំនួន៣លើក ស្រវឹង៤លើក មិនប្រកាន់ស្តាំ១លើក ប្រជែងគ្រោះថ្នាក់១លើក និងថយរ៉ូឡូកិនមនុស្ស១លើក ក្នុងនោះអ្នកគ្រោះថ្នាក់ជិះម៉ូតូមិនពាក់មួកសុវត្ថិភាពចំនួន១២នាក់៕
© រក្សាសិទ្ធិដោយ thmeythmey.com