កីឡាជាតិ
ជាតិ
ស៊ីហ្គេម៖ ហែលទឹក សីប៉ាក់តាក្រ និងប៉េតង់ គ្មានវត្តមានព្រឹទ្ធាចារ្យរបស់ខ្លួនជាលើកដំបូង
ពីឆ្វេងទៅស្តាំ៖ លោក ហែម ថុន លោក ឈួន ឡេង និងលោក ហោ វណ្ណរ៉ា
×![]()
លោក ហែម ថុន លោក ឈួន ឡេង និងលោក ហោ វណ្ណរ៉ា សុទ្ធតែជាព្រឹទ្ធាចារ្យដែលបានចូលរួមយ៉ាងផុសផុលក្នុងការកសាងសមត្ថភាពកីឡាកម្ពុជានាយុគសម័យថ្មី។ ប៉ុន្តែចាប់ពីពេលនេះតទៅ ពួកគាត់មិនមានវត្តមានក្នុងការជួយផ្តល់កម្លាំងចិត្ត និងជួយណែនាំដល់អត្តពលិកទៀតឡើយ ពីព្រោះពួកគាត់សុទ្ធតែបានទទួលមរណភាពជាបន្តបន្ទាប់នាដើមឆ្នាំ២០១៥ នេះ។
លោក ហែម ថុន អគ្គលេខាធិការរងនៃគណៈកម្មាធិការជាតិអូឡាំពិកកម្ពុជា(NOCC) និងជាអគ្គលេខាធិការសហព័ន្ធកីឡាខ្មែរហែលទឹក បានទទួលមរណភាពដោយរោគាពាធក្នុងអាយុ៧២ឆ្នាំ កាលពីថ្ងៃទី១២ ខែមករា។ លោកគឺជាឥស្
សរជនកីឡាដ៏សកម្មម្នាក់ និងធ្លាប់បានបង្ហាញខ្លួនក្នុងនាមជាគ្រូបង្វឹក និងជាមន្ត្រីប្រតិភូកម្ពុជាក្នុងព្រឹត្តិការណ៍កីឡាស៊ីហ្គេម។
កាលនៅរស់ លោក ហែម ថុន ដែលធ្លាប់ឈ្នះមេដាយមាស១ ប្រាក់៦ និងសំរឹទ្ធ៥ ពីការប្រកួតកីឡាអន្តរជាតិ ដែលក្នុងនោះមានមេដាយប្រាក់២ និងសំរឹទ្ធ១ ពីកីឡាស៊ីហ្គេមក្នុងឆ្នាំ១៩៦៥ និងប្រាក់១ពីកីឡាស៊ីហ្គេមក្នុងឆ្នាំ១៩៧១ តែងតែមានក្តីសង្ឃឹមថា កីឡាហែលទឹកកម្ពុជានឹងចាប់ទទួលបានមេដាយឡើងវិញនៅលើឆាកអន្តរជាតិ។ បើទោះបីជា ព្រឹទ្ធាចារ្យរូបនេះ មិនទាន់បានសម្រេចក្តីសុបិន្តរបស់ខ្លួនក៏ដោយ ប៉ុន្តែកីឡាករ-កីឡាការិនីកម្ពុជា តែងតែធ្វើបាននូវកំណត់ត្រាល្អប្រសើរពីមួយប្រកួតទៅមួយប្រកួត។
សម្រាប់ព្រឹត្តិការណ៍កីឡាស៊ីហ្គេមឆ្នាំនេះ កម្ពុជាបញ្ជូនកីឡាករ៥រូប និងកីឡាការិនី២រូបចូលរួមក្នុងនោះ មានការប្រកួតលើ២២វិញ្ញាសាផ្សេងៗគ្នា។ កីឡាករហែលទឹករួមមាន ពូ សុវិជ្ជា, ធឿន ចាន់ថុល, លឹម ឧត្តម, ហែម ថុនពន្លឺ និងចេង ពិរោទ ខណៈកីឡាការិនីរួមមាន ហែម ថុនវិទិនី និង សេង សម្ផស្ស។
ងាកទៅកីឡាស៊ីប៉ាក់តាក្រ គេមិនអាចបំភ្លេចគុណព្រឹទ្ធាចារ្យ ឈួន ឡេង បាននោះឡើយ។ លោក ឈួន ឡេង អគ្គលេខាធិការសហព័ន្ធកីឡាស៊ីប៉ាក់តាក្រកម្ពុជា និងជាអនុប្រធាននាយកដ្ឋានកីឡាសិស្ស និងនិស្សិត ព្រមទាំងជាសមាជិកប្រតិបត្តិនៃគណៈកម្មាធិការជាតិអូឡាំពិកកម្ពុជា បានទទួលមរណភាពដោយសាររោគាពាធផងដែរ កាលពីថ្ងៃទី៤ ខែមិនា ឆ្នាំ២០១៥ ក្នុងអាយុ៦៦ឆ្នាំ។
លោក ឈួន ឡេង ជាព្រឹទ្ធាចារ្យកីឡាមួយរូប ដែលមានឆន្ទៈខ្ពស់ និងបានលះបង់ទាំងកម្លាំងកាយ និងកម្លាំងចិត្ត លើកស្ទួយវិស័យកីឡាកម្ពុជា ឲ្យមានការរីកចម្រើន។ ក្នុងតំណែងជាអគ្គលេខាធិការសហព័ន្ធកីឡាសីប៉ាក់តាក្រកម្ពុជា លោកបានដឹកនាំឲ្យកម្ពុជាដណ្ដើមបានមេដាយជាច្រើនលើឆាកអន្តរជាតិទាំងការប្រកួតផ្លូវការ និងក្រៅផ្លូវការ។
កាលពីព្រឹត្តិការណ៍កីឡាស៊ីហ្គេមឆ្នាំ២០១៣ កម្ពុជាដណ្តើមមេដាយប្រាក់២ សំរឹទ្ធ៤ពីកីឡាឈិនឡូន និងសំរឹទ្ធ២ពីកីឡាសីប៉ាតាក្រ ដែលស្ថិតនៅក្នុងការគ្រប់គ្រងរបស់សហព័ន្ធកីឡាសីប៉ាតាក្រកម្ពុជា។ ក្នុងបេសកកម្មលើកនេះ កម្ពុជាបញ្ជូនកីឡាករ៨រូប និងកីឡាការិនី៨រូបសម្រាប់ការប្រកួតលើវិញ្ញាសាឈិនឡូន និងសីប៉ាតាក្រ។ កីឡាកររួមមាន ជាតិ ខេមរិន្ទ, ជិន សុវណ្ណារិទ្ធ, ហេង រ៉ាវុត, ណាង សុភាព, រៀម សុខភីរម្យ, សុភៈ ចននី, ត្រឹង លី និង អ៊ឹង ណារិទ្ធ រីឯកីឡាការិនីមាន ចន ពេជ្រញ៉ា, ឯម ពិសិដ្ឋ, ងួន ច័ន្ទបូរមី, ពេជ្រ សុផា, សុទ្ធ ស្រីលក្ខណ៍, សន សុភាព, សន សុភ័ណ្ឌ និង អ៊ុក សុខសាន្ត។
សម្រាប់កីឡាប៉េតង់វិញ លោក ហោ វណ្ណរ៉ា គឺជាគ្រូបង្វឹក
ម្នាក់ដែលបានជំរុញឲ្យកីឡាប្រភេទនេះចូលដល់យុគសម័យមាស ជាពិសេសការដណ្តើមបានមេដាយពីព្រឹត្តិការណ៍ថ្នាក់តំបន់ ទ្វីប និងពិភពលោក។ លោក ហោ វណ្ណារ៉ា ដែលមានតួនាទីគ្រូបង្វឹកកីឡាប៉េតង់ផ្នែកនារី បានទទួលមរណភាពកាលពីថ្ងៃទី២៨ ខែមេសា ឆ្នាំ២០១៥ ក្នុងអាយុ៧៩ឆ្នាំ។
ព្រឹទ្ធាចារ្យ ហោ វណ្ណរ៉ា ដែលពីដើមឆ្នាំ១៩៦៧ ដល់ឆ្នាំ១៩៧៤ និងពីឆ្នាំ១៩៨០ ដល់ឆ្នាំ១៩៩១ ជាគ្រូបង្វឹកកីឡាបាល់ទះ បានចូលរួមកសាង និងបំផុសបំផុលកីឡាប៉េតង់ចាប់តាំងពីឆ្នាំ១៩៩៣មក។ ក្នុងនាមជាគ្រូបង្វឹក លោកបានដឹកនាំឲ្យប៉េតង់ចាប់ផ្តើមទទួលបានមេដាយមាសពីកីឡាស៊ីហ្គេម ពីចាប់តាំងពីឆ្នាំ២០០១ ដល់កម្ពុជាឈ្នះមេដាយមាស១ ប្រាក់១ និងសំរឹទ្ធ១ ។ ជោគជ័យរបស់កីឡាប៉េតង់កម្ពុជា បានកើនឡើងជាលំដាប់ពីមួយព្រឹត្តិការណ៍ទៅមួយព្រឹត្តិការណ៍ ជាពិសេសក្រុមកីឡាការិនីដែលស្ថិតនៅក្រោមការដឹកនាំបង្វឹកផ្ទាល់របស់លោក ហោ វណ្ណរ៉ា។
សម្រាប់ព្រឹត្តិការណ៍កីឡាស៊ីហ្គេមលើកនេះ កម្ពុជានឹងចូលរួមប្រកួតលើ១០វិញ្ញាសារ។ កីឡាករប៉េតង់៨រូប រួមមាន សុខ ច័ន្ទមាន, ថោង ឈឿន, ឌី សុបញ្ញា, យឹម សុភ័ណ្ឌ, សៀង វណ្ណា, តិប នរ៉ា និង យ៉ា ច័ន្ទដារ៉ារិទ្ធ។ កីឡាការិនី៨រូបរួមមាន កែ ឡេង, អ៊ុន ស្រីយ៉ា, អ៊ុក ស្រីមុំ, ដួង ឌីណា, កែវ សុវណ្ណា, អ៊ុំ ចន្ទ្រា, អ៊ុក លក្ខិណា និង ឌុច សោភ័ណ្ឌ។
ក្នុងបទសម្ភាសមួយជាមួយសារព័ត៌មានថ្មីៗ លោក ញ៉ាណ សុខវិសាល នាយរងបេសកកម្មនៃប្រតិភូកម្ពុជាប្រចាំព្រឹត្តិការណ៍កីឡាស៊ីហ្គេម បានសម្តែងការសោកស្តាយចំពោះអវត្តមានរបស់ព្រឹទ្ធាចារ្យទាំងបី។ លោកបានលើកឡើងថា៖ «យើងបានរៀបចំធ្វើកាតរួចរាល់ហើយជូនពួកគាត់ដើម្បីចូលរួមក្នុងព្រឹត្តិការណ៍នេះ ប៉ុន្តែគួរឲ្យសោកស្តាយ ពួកគាត់បានលាចាកលោកទៅហើយ»៕
លោក ហែម ថុន អគ្គលេខាធិការរងនៃគណៈកម្មាធិការជាតិអូឡាំពិកកម្ពុជា(NOCC) និងជាអគ្គលេខាធិការសហព័ន្ធកីឡាខ្មែរហែលទឹក បានទទួលមរណភាពដោយរោគាពាធក្នុងអាយុ៧២ឆ្នាំ កាលពីថ្ងៃទី១២ ខែមករា។ លោកគឺជាឥស្
សរជនកីឡាដ៏សកម្មម្នាក់ និងធ្លាប់បានបង្ហាញខ្លួនក្នុងនាមជាគ្រូបង្វឹក និងជាមន្ត្រីប្រតិភូកម្ពុជាក្នុងព្រឹត្តិការណ៍កីឡាស៊ីហ្គេម។កាលនៅរស់ លោក ហែម ថុន ដែលធ្លាប់ឈ្នះមេដាយមាស១ ប្រាក់៦ និងសំរឹទ្ធ៥ ពីការប្រកួតកីឡាអន្តរជាតិ ដែលក្នុងនោះមានមេដាយប្រាក់២ និងសំរឹទ្ធ១ ពីកីឡាស៊ីហ្គេមក្នុងឆ្នាំ១៩៦៥ និងប្រាក់១ពីកីឡាស៊ីហ្គេមក្នុងឆ្នាំ១៩៧១ តែងតែមានក្តីសង្ឃឹមថា កីឡាហែលទឹកកម្ពុជានឹងចាប់ទទួលបានមេដាយឡើងវិញនៅលើឆាកអន្តរជាតិ។ បើទោះបីជា ព្រឹទ្ធាចារ្យរូបនេះ មិនទាន់បានសម្រេចក្តីសុបិន្តរបស់ខ្លួនក៏ដោយ ប៉ុន្តែកីឡាករ-កីឡាការិនីកម្ពុជា តែងតែធ្វើបាននូវកំណត់ត្រាល្អប្រសើរពីមួយប្រកួតទៅមួយប្រកួត។
សម្រាប់ព្រឹត្តិការណ៍កីឡាស៊ីហ្គេមឆ្នាំនេះ កម្ពុជាបញ្ជូនកីឡាករ៥រូប និងកីឡាការិនី២រូបចូលរួមក្នុងនោះ មានការប្រកួតលើ២២វិញ្ញាសាផ្សេងៗគ្នា។ កីឡាករហែលទឹករួមមាន ពូ សុវិជ្ជា, ធឿន ចាន់ថុល, លឹម ឧត្តម, ហែម ថុនពន្លឺ និងចេង ពិរោទ ខណៈកីឡាការិនីរួមមាន ហែម ថុនវិទិនី និង សេង សម្ផស្ស។
ងាកទៅកីឡាស៊ីប៉ាក់តាក្រ គេមិនអាចបំភ្លេចគុណព្រឹទ្ធាចារ្យ ឈួន ឡេង បាននោះឡើយ។ លោក ឈួន ឡេង អគ្គលេខាធិការសហព័ន្ធកីឡាស៊ីប៉ាក់តាក្រកម្ពុជា និងជាអនុប្រធាននាយកដ្ឋានកីឡាសិស្ស និងនិស្សិត ព្រមទាំងជាសមាជិកប្រតិបត្តិនៃគណៈកម្មាធិការជាតិអូឡាំពិកកម្ពុជា បានទទួលមរណភាពដោយសាររោគាពាធផងដែរ កាលពីថ្ងៃទី៤ ខែមិនា ឆ្នាំ២០១៥ ក្នុងអាយុ៦៦ឆ្នាំ។
លោក ឈួន ឡេង ជាព្រឹទ្ធាចារ្យកីឡាមួយរូប ដែលមានឆន្ទៈខ្ពស់ និងបានលះបង់ទាំងកម្លាំងកាយ និងកម្លាំងចិត្ត លើកស្ទួយវិស័យកីឡាកម្ពុជា ឲ្យមានការរីកចម្រើន។ ក្នុងតំណែងជាអគ្គលេខាធិការសហព័ន្ធកីឡាសីប៉ាក់តាក្រកម្ពុជា លោកបានដឹកនាំឲ្យកម្ពុជាដណ្ដើមបានមេដាយជាច្រើនលើឆាកអន្តរជាតិទាំងការប្រកួតផ្លូវការ និងក្រៅផ្លូវការ។
កាលពីព្រឹត្តិការណ៍កីឡាស៊ីហ្គេមឆ្នាំ២០១៣ កម្ពុជាដណ្តើមមេដាយប្រាក់២ សំរឹទ្ធ៤ពីកីឡាឈិនឡូន និងសំរឹទ្ធ២ពីកីឡាសីប៉ាតាក្រ ដែលស្ថិតនៅក្នុងការគ្រប់គ្រងរបស់សហព័ន្ធកីឡាសីប៉ាតាក្រកម្ពុជា។ ក្នុងបេសកកម្មលើកនេះ កម្ពុជាបញ្ជូនកីឡាករ៨រូប និងកីឡាការិនី៨រូបសម្រាប់ការប្រកួតលើវិញ្ញាសាឈិនឡូន និងសីប៉ាតាក្រ។ កីឡាកររួមមាន ជាតិ ខេមរិន្ទ, ជិន សុវណ្ណារិទ្ធ, ហេង រ៉ាវុត, ណាង សុភាព, រៀម សុខភីរម្យ, សុភៈ ចននី, ត្រឹង លី និង អ៊ឹង ណារិទ្ធ រីឯកីឡាការិនីមាន ចន ពេជ្រញ៉ា, ឯម ពិសិដ្ឋ, ងួន ច័ន្ទបូរមី, ពេជ្រ សុផា, សុទ្ធ ស្រីលក្ខណ៍, សន សុភាព, សន សុភ័ណ្ឌ និង អ៊ុក សុខសាន្ត។
សម្រាប់កីឡាប៉េតង់វិញ លោក ហោ វណ្ណរ៉ា គឺជាគ្រូបង្វឹក
ម្នាក់ដែលបានជំរុញឲ្យកីឡាប្រភេទនេះចូលដល់យុគសម័យមាស ជាពិសេសការដណ្តើមបានមេដាយពីព្រឹត្តិការណ៍ថ្នាក់តំបន់ ទ្វីប និងពិភពលោក។ លោក ហោ វណ្ណារ៉ា ដែលមានតួនាទីគ្រូបង្វឹកកីឡាប៉េតង់ផ្នែកនារី បានទទួលមរណភាពកាលពីថ្ងៃទី២៨ ខែមេសា ឆ្នាំ២០១៥ ក្នុងអាយុ៧៩ឆ្នាំ។ព្រឹទ្ធាចារ្យ ហោ វណ្ណរ៉ា ដែលពីដើមឆ្នាំ១៩៦៧ ដល់ឆ្នាំ១៩៧៤ និងពីឆ្នាំ១៩៨០ ដល់ឆ្នាំ១៩៩១ ជាគ្រូបង្វឹកកីឡាបាល់ទះ បានចូលរួមកសាង និងបំផុសបំផុលកីឡាប៉េតង់ចាប់តាំងពីឆ្នាំ១៩៩៣មក។ ក្នុងនាមជាគ្រូបង្វឹក លោកបានដឹកនាំឲ្យប៉េតង់ចាប់ផ្តើមទទួលបានមេដាយមាសពីកីឡាស៊ីហ្គេម ពីចាប់តាំងពីឆ្នាំ២០០១ ដល់កម្ពុជាឈ្នះមេដាយមាស១ ប្រាក់១ និងសំរឹទ្ធ១ ។ ជោគជ័យរបស់កីឡាប៉េតង់កម្ពុជា បានកើនឡើងជាលំដាប់ពីមួយព្រឹត្តិការណ៍ទៅមួយព្រឹត្តិការណ៍ ជាពិសេសក្រុមកីឡាការិនីដែលស្ថិតនៅក្រោមការដឹកនាំបង្វឹកផ្ទាល់របស់លោក ហោ វណ្ណរ៉ា។
សម្រាប់ព្រឹត្តិការណ៍កីឡាស៊ីហ្គេមលើកនេះ កម្ពុជានឹងចូលរួមប្រកួតលើ១០វិញ្ញាសារ។ កីឡាករប៉េតង់៨រូប រួមមាន សុខ ច័ន្ទមាន, ថោង ឈឿន, ឌី សុបញ្ញា, យឹម សុភ័ណ្ឌ, សៀង វណ្ណា, តិប នរ៉ា និង យ៉ា ច័ន្ទដារ៉ារិទ្ធ។ កីឡាការិនី៨រូបរួមមាន កែ ឡេង, អ៊ុន ស្រីយ៉ា, អ៊ុក ស្រីមុំ, ដួង ឌីណា, កែវ សុវណ្ណា, អ៊ុំ ចន្ទ្រា, អ៊ុក លក្ខិណា និង ឌុច សោភ័ណ្ឌ។
ក្នុងបទសម្ភាសមួយជាមួយសារព័ត៌មានថ្មីៗ លោក ញ៉ាណ សុខវិសាល នាយរងបេសកកម្មនៃប្រតិភូកម្ពុជាប្រចាំព្រឹត្តិការណ៍កីឡាស៊ីហ្គេម បានសម្តែងការសោកស្តាយចំពោះអវត្តមានរបស់ព្រឹទ្ធាចារ្យទាំងបី។ លោកបានលើកឡើងថា៖ «យើងបានរៀបចំធ្វើកាតរួចរាល់ហើយជូនពួកគាត់ដើម្បីចូលរួមក្នុងព្រឹត្តិការណ៍នេះ ប៉ុន្តែគួរឲ្យសោកស្តាយ ពួកគាត់បានលាចាកលោកទៅហើយ»៕
© រក្សាសិទ្ធិដោយ thmeythmey.com
