ជាតិ
មនុស្ស៦នាក់ស្លាប់ និងរបួសក្នុងគ្រោះថ្នាក់ចរាចរណ៍ម្សិលមិញ
× មនុស្សចំនួន២នាក់បានស្លាប់ និង៤នាក់របួសធ្ងន់និងស្រាល នៅក្នុងគ្រោះថ្នាក់ចរាចរណ៍ដែលបានកើតឡើងចំនួន៤លើកនៅទូទាំងប្រទេស នៅថ្ងៃទី៤ខែមិថុនា។
បើយោងតាមការចុះផ្សាយនៅក្នុងគេហទំព័ររបស់អគ្គស្នងការនគរបាលជាតិ ក្នុងគ្រោះថ្នាក់ចរាចរណ៍ទាំង៤លើកនោះ បានបង្កឲ្យខូចខាតយានយន្តសរុបចំនួន៤គ្រឿង ក្នុងនោះមានម៉ូតូចំនួន៣គ្រឿង និងរថយន្តធុនធំចំនួន១គ្រឿង។
មូលហេតុដែលបណ្តាលឲ្យមានគ្រោះថ្នាក់ បណ្តាលមកពីប្រជែងគ្រោះថ្នាក់២លើក បើកហួសល្បឿន១លើក និងបត់គ្រោះថ្នាក់១លើក ក្នុងនោះអ្នកជិះម៉ូតូគ្រោះថ្នាក់មិនពាក់មួកសុវត្ថិភាព ចំនួន២នាក់៕
© រក្សាសិទ្ធិដោយ thmeythmey.com