ជាតិ
មនុស្ស២០នាក់ ស្លាប់ និងរបួស ក្នុងគ្រោះថ្នាក់ចរាចរណ៍ថ្ងៃទី៩មិថុនា
× មនុស្សចំនួន៥នាក់បានស្លាប់ និង១៥នាក់ផ្សេងទៀតរងរបួសធ្ងន់ និងស្រាល នៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន៩លើក ទូទាំងប្រទេសកាលពីថ្ងៃទី៩ខែមិថុនា ឆ្នាំ២០១៥ ។ នេះបើយោងតាមការចុះផ្សាយនៅក្នុងគេហទំព័រ របស់អគ្គស្នងការនគរបាលជាតិ។
ប្រភពដដែល បានបន្តថា ក្នុងគ្រោះថ្នាក់ចរាចរណ៍ដែលបានកើតឡើងទាំង៩លើកនោះ បានបណ្តាលឲ្យខូចខាតយានយន្តសរុប១៥ គ្រឿង ក្នុងនោះមានម៉ូតូចំនួន៩គ្រឿង រថយន្តធុនតូច៤គ្រឿង និងរថយន្តធុនធំ២គ្រឿង។
មូលហេតុដែលបណ្តាលឲ្យមានគ្រោះថ្នាក់រួមមានបើកបរហួសល្បឿន៥លើក ស្រវឹង១លើកបត់គ្រោះថ្នាក់១លើក ប្រជែងគ្រោះថ្នាក់១លើក និងមនុស្សដើរឆ្លងផ្លូវ១លើក ក្នុងនោះអ្នកគ្រោះថ្នាក់ជិះម៉ូតូមិនពាក់មួកសុវត្ថិភាព ចំនួន១៥នាក់៕
© រក្សាសិទ្ធិដោយ thmeythmey.com