ជាតិ
មនុស្ស១១នាក់ស្លាប់ និងរបួសក្នុងគ្រោះថ្នាក់ចរាចរណ៍ទូទាំងប្រទេសម្សិលមិញ
× មនុស្សចំនួន៤នាក់បានស្លាប់ និង៧នាក់ផ្សេងទៀតររបួសធ្ងន់ និងស្រាល នៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន៤លើកនៅទូទាំងប្រទេសកាលពីថ្ងៃទី២៨ខែមករាម្សិលមិញ។ នេះបើយោងតាមការចុះផ្សាយនៅក្នុងគេហទំព័រ អគ្គស្នងការនគរបាលជាតិ។
ប្រភពដដែល បានឲ្យដឹងទៀតថា ក្នុងគ្រោះថ្នាក់ចរាចរណ៍ទាំង៤លើកនោះ បានបង្កឲ្យខូចខាតយានយន្តចំនួន៧ គ្រឿង ក្នុងនោះមានម៉ូតូចំនួន៣គ្រឿង និងរថយន្តធុនធំ៤គ្រឿង។ រីឯមូលហេតុដែលបណ្តាលឲ្យមានគ្រោះថ្នាក់ គឺមកពីបើកបរហួសល្បឿន៣លើក និងប្រជែងគ្រោះថ្នាក់១លើក ក្នុងនោះអ្នកគ្រោះថ្នាក់ជិះម៉ូតូមិនពាក់មួកសុវត្ថិភាពចំនួន៤នាក់៕
© រក្សាសិទ្ធិដោយ thmeythmey.com