ពីនេះ ពីនោះ
ក្រោយពីសម្រាលកូនហើយ អាចរួមភេទវិញបាននៅពេលណា?
×
ជាទូទៅ អ្នកអាចត្រឡប់មករួមភេទវិញបាននៅពេលអ្នកជាសះស្បើយ ឈប់ធ្លាក់ឈាម ហើយអ្នកនឹងដៃគូរមានអារម្មណ៍ឡើងវិញ។ ក្រោយពីសម្រាលកូនរួច ស្ត្រីខ្លះសម្គាល់ឃើញថាដូចជាពុំសូវមានទឹករំអិលតាមទ្វារមាសក្នុងពេលរួមភេទ។ ទឹករំអិលជំនួយប្រហែលជាអាចប្រើបានក្នុងពេលនេះដើម្បីកាត់បន្ថយភាពស្ងួតក្នុងទ្វារមាស។
ស្ត្រីដែលនៅតែបំបៅដោះកូន វានឹងពន្យឺតពេលវេលានៃការផ្ទុះបែកអូវ៉ុល និងការមករដូវ។ ប៉ុន្តែការផ្ទុះបែកអូវ៉ុលនឹងកើតឡើងមុនពេលអ្នកចាប់ផ្តើមមករដូវម្តងទៀត ដូច្នេះចូរចងចាំថា អ្នកនៅតែអាចមានផ្ទៃពោះបានទៀតដដែលក្នុងពេលនេះ ព្រមទាំងធ្វើទៅតាមការណែនាំរបស់គ្រូពេទ្យដើម្បីជ្រើសរើសមធ្យោបាយពន្យាកំណើតណាដែលសមស្រប។
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com