ជាតិ
ក្រសួងការបរទេសថាមិនទាន់មានតួលេខពលរដ្ឋខ្មែររងគ្រោះដោយសារការផ្ទុះគ្រាប់បែកនៅថៃ
×![]()
គិតត្រឹមម៉ោងជាង៩ព្រឹកនេះ មិនទាន់មានតួលេខណាមួយបង្ហាញថា ពលរដ្ឋកម្ពុជាបាត់បង់ជីវិត ឬរងរបួស ដោយសារតែការបំផ្ទុះគ្រាប់បែក នៅក្នុងទីក្រុងបាកក ប្រទេសថៃ កាលយប់ម្សិលមិញឡើយ។ នេះបើតាមការបញ្ជាក់របស់លោក ជុំ សន្ទរី អ្នកនាំពាក្យក្រសួងការបរទេសកម្ពុជា។
លោក ជុំ សន្ទរី បន្ថែមថា មកដល់ពេលនេះក្រសួងការបរទេស បានទាក់ទងជាប់ជាមួយស្ថានទូតកម្ពុជាប្រចាំប្រទេសថៃ ដើម្បីតាមដានព័ត៌មាន និង ប្រមូលព័ត៌មាននៃការបំផ្ទុះគ្រាប់បែកនេះ។ បើតាមលោក ជុំ សន្ទរី អគ្គរាជទូតកម្ពុជាប្រចាំប្រទេសថៃ កំពុងអំពាវនាវដល់ប្រជាពលរដ្ឋខ្មែរ ដែលទៅទេសចរណ៍ និងស្នាក់នៅប្រទេសថៃ ឲ្យមានការប្រុងប្រយ័ត្នខ្ពស់ ក្រោយពីមានការបំផ្ទុះគ្រាប់បែកនេះ។
ថ្លែងប្រាប់សារព័ត៌មានថ្មីៗ នៅថ្ងៃអង្គារនេះ អ្នកនាំពាក្យរូបនេះ បានបញ្ជាក់យ៉ាងដូច្នេះថា៖« យើងបានទាក់ទងទៅស្ថានទូតកម្ពុជានៅប្រទេសថៃ ដើម្បីស្វែងរកតួលេខទាក់ទងនឹងពលរដ្ឋខ្មែរយើង តែនៅពេលនេះមិនទាន់មានតួលេខណាមួយបញ្ជាក់នៅឡើយទេ ព្រោះអាជ្ញាធរថៃក៏គេកំពុងតែរវល់ដែរ។ ហើយស្ថានទូតយើងក៏កំពុងចុះសាកសួរព័ត៌មានប្រជាពលរដ្ឋខ្មែរស្នាក់នៅទីនោះដែរ»។
តែយ៉ាងណាក៏ដោយ ក្រសួងការបរទេសកម្ពុជា មិនទាន់អាចដាក់បម្រាមមិនឲ្យប្រជាពលរដ្ឋកម្ពុជាធ្វើដំណើរទៅប្រទេសថៃនោះទេ ព្រោះបញ្ហានេះកំពុងស្ថិតនៅស្ថានការណ៏តាមដាន។ នេះបើតាមលោក ជុំ សន្ទរី។
រហូតមកដល់ពេលនេះយ៉ាងណាស់មានមនុស្សស្លាប់២០នាក់ហើយ ដោយសារការបំផ្ទុះគ្រាប់បែកនៅទីក្រុងបាងកក កាលពីយប់ម្សិលមិញ។ ក្នុងចំណោមអ្នកស្លាប់នោះមានជនជាតិហ្វីលីពីនម្នាក់ និងចិនពីរនាក់ផង ដែលពួកគេជាអ្នកទេសចរ។នេះបើតាមសារព័ត៌មានបាងកកប៉ុស្ដិ៍ថៃ។
រដ្ឋមន្ត្រីក្រសួងការពារជាតិថៃPrawit Wongsuwan បានសន្និដ្ឋានថា ជនល្មើសយកជនបរទេសជាអ្នកទេសចរជាគោលដៅនៃការវាយប្រហារ ដើម្បីបំផ្លាញឧស្សាហកម្មទេសចរណ៍ថៃបច្ចុប្បន្ន។ នេះមានន័យថាវាជាសកម្មភាពបំភ័យអ្នកទេសចរណ៍មិនឲ្យមកទស្សនាប្រទេសថៃ។ យ៉ាងណាក៏ដោយរបបសឹកនៅតែអះអាងថា ការបំផ្ទុះគ្រាប់បែកគ្មានពាក់ព័ន្ធបញ្ហានយោបាយ ឬមានពាក់ព័ន្ធក្រុមឧទ្ទាមឥស្លាមនៅភាគខាងត្បូងឡើយ៕
លោក ជុំ សន្ទរី បន្ថែមថា មកដល់ពេលនេះក្រសួងការបរទេស បានទាក់ទងជាប់ជាមួយស្ថានទូតកម្ពុជាប្រចាំប្រទេសថៃ ដើម្បីតាមដានព័ត៌មាន និង ប្រមូលព័ត៌មាននៃការបំផ្ទុះគ្រាប់បែកនេះ។ បើតាមលោក ជុំ សន្ទរី អគ្គរាជទូតកម្ពុជាប្រចាំប្រទេសថៃ កំពុងអំពាវនាវដល់ប្រជាពលរដ្ឋខ្មែរ ដែលទៅទេសចរណ៍ និងស្នាក់នៅប្រទេសថៃ ឲ្យមានការប្រុងប្រយ័ត្នខ្ពស់ ក្រោយពីមានការបំផ្ទុះគ្រាប់បែកនេះ។
ថ្លែងប្រាប់សារព័ត៌មានថ្មីៗ នៅថ្ងៃអង្គារនេះ អ្នកនាំពាក្យរូបនេះ បានបញ្ជាក់យ៉ាងដូច្នេះថា៖« យើងបានទាក់ទងទៅស្ថានទូតកម្ពុជានៅប្រទេសថៃ ដើម្បីស្វែងរកតួលេខទាក់ទងនឹងពលរដ្ឋខ្មែរយើង តែនៅពេលនេះមិនទាន់មានតួលេខណាមួយបញ្ជាក់នៅឡើយទេ ព្រោះអាជ្ញាធរថៃក៏គេកំពុងតែរវល់ដែរ។ ហើយស្ថានទូតយើងក៏កំពុងចុះសាកសួរព័ត៌មានប្រជាពលរដ្ឋខ្មែរស្នាក់នៅទីនោះដែរ»។
តែយ៉ាងណាក៏ដោយ ក្រសួងការបរទេសកម្ពុជា មិនទាន់អាចដាក់បម្រាមមិនឲ្យប្រជាពលរដ្ឋកម្ពុជាធ្វើដំណើរទៅប្រទេសថៃនោះទេ ព្រោះបញ្ហានេះកំពុងស្ថិតនៅស្ថានការណ៏តាមដាន។ នេះបើតាមលោក ជុំ សន្ទរី។
រហូតមកដល់ពេលនេះយ៉ាងណាស់មានមនុស្សស្លាប់២០នាក់ហើយ ដោយសារការបំផ្ទុះគ្រាប់បែកនៅទីក្រុងបាងកក កាលពីយប់ម្សិលមិញ។ ក្នុងចំណោមអ្នកស្លាប់នោះមានជនជាតិហ្វីលីពីនម្នាក់ និងចិនពីរនាក់ផង ដែលពួកគេជាអ្នកទេសចរ។នេះបើតាមសារព័ត៌មានបាងកកប៉ុស្ដិ៍ថៃ។
រដ្ឋមន្ត្រីក្រសួងការពារជាតិថៃPrawit Wongsuwan បានសន្និដ្ឋានថា ជនល្មើសយកជនបរទេសជាអ្នកទេសចរជាគោលដៅនៃការវាយប្រហារ ដើម្បីបំផ្លាញឧស្សាហកម្មទេសចរណ៍ថៃបច្ចុប្បន្ន។ នេះមានន័យថាវាជាសកម្មភាពបំភ័យអ្នកទេសចរណ៍មិនឲ្យមកទស្សនាប្រទេសថៃ។ យ៉ាងណាក៏ដោយរបបសឹកនៅតែអះអាងថា ការបំផ្ទុះគ្រាប់បែកគ្មានពាក់ព័ន្ធបញ្ហានយោបាយ ឬមានពាក់ព័ន្ធក្រុមឧទ្ទាមឥស្លាមនៅភាគខាងត្បូងឡើយ៕
© រក្សាសិទ្ធិដោយ thmeythmey.com
