ចិញ្ចៀនពេជ្រភ្ជាប់ពាក្យ ១០ ដែលមានតម្លៃថ្លៃជាងគេបំផុតជានិរន្តរ៍

អន្តរជាតិ

ចិញ្ចៀនពេជ្រភ្ជាប់ពាក្យ ១០ ដែលមានតម្លៃថ្លៃជាងគេបំផុតជានិរន្តរ៍

31, Aug 2015 , 8:19 pm

រូបភាព

ដោយ: ធីតា

នៅពេលដែលបុរសម្នាក់សុំនារីម្នាក់រៀបការ អ្វីដែលធ្វើឲ្យនារីរំភើបបំផុតគឺ វិធីដែលបុរសនោះសុំនាងរៀបការ និងការរចនានៃចិញ្ចៀនពេជ្រនោះឯង។ ទោះជាចិញ្ចៀនខ្លះគ្មានតម្លៃថ្លៃ តែបើវាមានការរចនាល្អវិចិត្រ ក៏នៅតែអាចទាក់ទាញក្រសែភ្នែករបស់នារីបានដែរ។ ប៉ុន្តែអ្នកខ្លះយល់ថា ទិញចិញ្ចៀនពេជ្រដែលមានតម្លៃថ្លៃ គឺជាវិធីដ៏ល្អមួយក្នុងការទទួលបានចម្លើយ « យល់ព្រម » ពីភាគីស្ត្រី។ មានមនុស្សស្រី ១០ នាក់ដែលមានសំណាងទទួលបានចិញ្ចៀនភ្ជាប់ពាក្យដែលមានតម្លៃថ្លៃបំផុត គ្រប់សម័យកាល។

1. Elizabeth Taylor

តារាភាពយន្តរូបនេះធ្លាប់រៀបការជាច្រើនដងមកហើយ តែអ្វីដែលគួរឲ្យភ្ញាក់ផ្អើលនៅក្នុងពិភពព័ត៌មាន គឺនាងបានរៀបការជាមួយនឹង Richard Burton ដែលមានសុំនាងរៀបការ ដោយទិញចិញ្ចៀនពេជ្រទំហំ ៣៣,១៩ ការ៉ាត់ ក្នុងតម្លៃ ៨,៨ លានដុល្លារ។

2. Beyonce

នាង Beyonce ទទួលបានចិញ្ចៀនពេជ្រទំហំ ១៨ ការ៉ាត់ និងមានតម្លៃ ៥ លានដុល្លារពី Jay-Z ដែលបានសុំនាងរៀបការនៅឆ្នាំ ២០០។ នាងមិនសូវពាក់ចិញ្ចៀននេះទេ តែនៅពេលដែលនាងពាក់វាម្តងៗ អ្នកថតរូបតែងតែចោមរោមថតរូបនាងមិនឈប់។

3. Paris Hilton

Paris Hilton ធ្លាប់ភ្ជាប់ពាក្យជាមួយនឹង Paris Latsis ដោយទទួលបានចិញ្ចៀនពេជ្រក្នុងតម្លៃ ៤,៧ លានដុល្លារ។ ក្រោយមក នៅពេលដែលបែកបាក់ជាមួយមិត្តប្រុស នាងក៏ដាក់លក់ដេញថ្លៃចិញ្ចៀននេះ។

4. Grace Kelly

តារាភាពយន្តរូបនេះបានទទួលចិញ្ចៀនពេជ្រក្នុងតម្លៃជាង ៤,០៦ លានដុល្លារពីព្រះអង្គម្ចាស់ Rainier ។

5. Jennifer Lopez

តារាពហុជំនាញរូបនេះធ្លាប់រៀបការជាច្រើនលើកមកហើយ។ អ្វីដែលគួរឲ្យចាប់អារម្មណ៍ គឺនាងបានទទួលចិញ្ចៀនភ្ជាប់ពាក្យមួយទំហំ ៨,៥ ការ៉ាត់ ពីតារាភាពយន្ត Marc Anthony ដែលក្រោយមកក៏បានបែកបាក់គ្នា។ ចិញ្ចៀននេះមានតម្លៃ ៤ លានដុល្លារ។

6. Melania Knauss-Trump

Melania គឺជាភរិយារបស់ Donald Trump ដែលជាពាណិជ្ជករដ៏សំខាន់របស់សហរដ្ឋអាមេរិក។ ចិញ្ចៀនរៀបការរបស់នាងត្រូវគេវាយតម្លៃថា យ៉ាងហោចណាស់ក៏ ៣ លានដុល្លារដែរ។

7. Jacqueline Kennedy Onassis

Jacqueline ត្រូវគេស្គាល់ភាគច្រើនតែថាជាភរិយារបស់ John F.Kennedy ។ នាងក៏ធ្លាប់រៀបការជាមួយ Aristote Onassis ដែលជាម្ចាស់កប៉ាល់មួយផងដែរ។ បុរសម្នាក់នេះបានទិញចិញ្ចៀនដ៏មានការរចនាខុសប្លែកពីចិញ្ចៀនរៀបការផ្សេងទៀត។ ចិញ្ចៀននេះមានតម្លៃ ២,៦ លានដុល្លារ។ Jacqueline ពាក់ចិញ្ចៀននេះតែពីរដងប៉ុណ្ណោះ បន្ទាប់មកវាក៏ត្រូវទុកក្នុងហិបរហូត។

8. Catherine Zeta-Jones

Catherine បានទទួលចិញ្ចៀនពេជ្រទំហំ ១០ ការ៉ាត់ក្នុងតម្លៃប្រមាណ ២,៥ លានដុល្លារពីតារាភាពយន្ត Michael Douglas ដែលសុទ្ធតែជាអ្នកមានដូចគ្នា។

9. Anna Kournikova

ចិញ្ចៀនភ្ជាប់ពាក្យរបស់កីឡាការិនីវាយតិន្នីសនេះហាក់ដូចជាបុរាណបន្តិច ប៉ុន្តែស្រស់ស្អាត។ វាគឺជាចិញ្ចៀនតម្លៃ ២,៥ លានដុល្លារដែល Enrique Iglesias ប្រគល់ឲ្យនាង។