ជាតិ
មនុស្ស ២០នាក់ស្លាប់និងរបួសធ្ងន់ស្រាលក្នុងករណីគ្រោះថ្នាក់ចរាចរណ៍ប្រចាំថ្ងៃទី១០ កញ្ញា
× ភ្នំពេញ៖ មនុស្ស ៤នាក់ស្លាប់ និង១៦នាក់របួសធ្ងន់ស្រាលក្នុងករណីគ្រោះថ្នាក់ចរាចរណ៍ទូទាំងប្រទេសចំនួន ១០លើក (យប់៧លើក) នៅថ្ងៃទី១០ ខែកញ្ញា ឆ្នាំ២០១៥។ នេះបើតាមរបាយការណ៍គ្រោះថ្នាក់ចរាចរណ៍ប្រចាំថ្ងៃដែលចេញផ្សាយលើទំព័រព័ត៌មានអគ្គស្នងការដ្ឋាននគរបាលជាតិ។
គ្រោះថ្នាក់ចរាចរណ៍ទាំង ១០លើក យានយន្តខូចខាតសរុប ១៤គ្រឿង ក្នុងនោះ ម៉ូតូចំនួន៦គ្រឿង រថយន្តធុនតូច៣គ្រឿង រថយន្តធុនធំ៤គ្រឿង និងយានផ្សេង១គ្រឿង។
មូលហេតុបណ្តាលឲ្យមានគ្រោះថ្នាក់ រួមមាន ល្មើសល្បឿន៥លើក ស្រវឹង២លើក ប្រជែងគ្រោះថ្នាក់១លើក បត់គ្រោះថ្នាក់១លើក និងមិនគោរពសិទ្ធ១លើក។ ដោយឡែក អ្នកមិនពាក់មួកសុវត្ថិភាពគ្រោះថ្នាក់ចំនួន ៥នាក់ (យប់៦នាក់)៕
© រក្សាសិទ្ធិដោយ thmeythmey.com