ជាតិ
មនុស្ស២៧នាក់របួសធ្ងន់ និងស្រាលក្នុងគ្រោះថ្នាក់ចរាចរណ៍នៅថ្ងៃទី១៥ខែតុលា
× យ៉ាងហោចណាស់មនុស្ស២៧នាក់បានរបួសធ្ងន់ និងស្រាល នៅក្នុងគ្រោះថ្នាក់ចរាចរណ៍ដែលបានកើតឡើងចំនួន១៥លើក នៅទូទាំងប្រទេសកាលពីថ្ងៃទី១៥ខែតុលា។
យោងតាមការចុះផ្សាយនៅក្នុងគេហទំព័រអគ្គស្នងការនគរបាលជាតិ គ្រោះថ្នាក់ចរាចរណ៍ទាំង១៥លើកដែលបានកើតឡើង បានបង្កឲ្យខូចខាតយានយន្តសរុប២៣គ្រឿង ក្នុងនោះមានម៉ូតូចំនួន១៤គ្រឿង រថយន្តធុនតូច៧គ្រឿង និងយានផ្សេង២គ្រឿង។
មូលហេតុដែលបណ្តាលឲ្យមានគ្រោះថ្នាក់រួមមានល្មើសល្បឿន៦លើក មិនគោរពសិទ្ធិ៣លើក ប្រជែងគ្រោះថ្នាក់២លើក កត្តាយានយន្ត១លើក និងស្រវឹង១លើក ក្នុងនោះអ្នកគ្រោះថ្នាក់ជិះម៉ូតូមិនពាក់មួកសុវត្ថិភាពចំនួន១៩នាក់៕
© រក្សាសិទ្ធិដោយ thmeythmey.com