ជាតិ
មនុស្ស១៧នាក់ស្លាប់ និងរបួសក្នុងគ្រោះថ្នាក់ចរាចរណ៍ថ្ងៃទី១៦ខែតុលា
× មនុស្សចំនួន៤នាក់បានស្លាប់ និង១៣នាក់ទៀតរងរបួសធ្ងន់ និងស្រាល នៅក្នុងគ្រោះថ្នាក់ចរាចរណ៍ដែលបានកើតឡើងចំនួន១០លើកនៅទូទាំងប្រទេសនៅថ្ងៃទី១៦ខែតុលា។ នេះបើយោងតាមរបាយការណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ។
បើតាមរបាយការណ៍ដដែល ក្នុងគ្រោះថ្នាក់ចរាចរណ៍ទាំង១០លើកនេះ បានបង្កឲ្យខូចខាតយានយន្តសរុប១៨គ្រឿង ក្នុងនោះមានម៉ូតូចំនួន១១គ្រឿង រថយន្តធុនតូច៤គ្រឿង រថយន្តធុនធំ២គ្រឿង និងយានផ្សេង១គ្រឿង។
មូលហេតុដែលបណ្តាលឲ្យមានគ្រោះថ្នាក់ គឺមកពីបើកបរហួសល្បឿន៤លើក មិនប្រកាន់ស្តាំ២លើក បត់គ្រោះថ្នាក់១លើក ប្រជែងគ្រោះថ្នាក់១លើក ក្នុងនោះអ្នកគ្រោះថ្នាក់មិនពាក់មួកចំនួន១១នាក់។ ដោយឡែកយានយន្តដែលរងការផាកពិន័យមានសរុបចំនួន២,២០៤ ក្នុងនោះរថយន្តចំនួន១,០១៤គ្រឿង និងម៉ូតូចំនួន១,១៩០គ្រឿង៕
© រក្សាសិទ្ធិដោយ thmeythmey.com