ជាតិ
មនុស្ស៣១នាក់ស្លាប់ និងរបួស ក្នុងគ្រោះថ្នាក់ចរាចរណ៍នៅថ្ងៃទី១៧តុលា
× យ៉ាងហោចណាស់មនុស្ស២នាក់បានស្លាប់ និង២៩នាក់បានរងរបួសធ្ងន់ និងស្រាល នៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន៩លើក នៅទូទាំងប្រទេស កាលពីថ្ងៃសៅរ៍ ទី១៧ ខែតុលា។ នេះបើយោងតាមចុះផ្សាយនៅក្នុងគេហទំព័រអគ្គស្នងការនគរបាលជាតិ។
បើតាមប្រភពដដែល ក្នុងគ្រោះថ្នាក់ចរាចរណ៍ទាំង៩លើកនេះ បានបង្កឲ្យខូចខាតយានយន្តសរុប១៥គ្រឿង ក្នុងនោះមានម៉ូតូចំនួន៩គ្រឿង រថយន្តធុនតូច៤គ្រឿង និងរថយន្តធុនធំ២គ្រឿង ។
មូលហេតុគឺមកបើកបរហួសល្បឿន៤លើក មិនប្រកាន់ស្តាំ២លើក បត់គ្រោះថ្នាក់១លើក មិនគោរពសិទិ្ធ១លើក និងកត្តាយានយន្ត ១លើក ក្នុងនោះអ្នកគ្រោះថ្នាក់ជិះម៉ូតូមិនពាក់មួកសុវត្ថិភាពចំនួន១៣នាក់៕
© រក្សាសិទ្ធិដោយ thmeythmey.com