ជាតិ
ប្លន់ ឆក់ សម្លាប់ ជាប្រធានបទក្តៅដែលព្រះរាជអាជ្ញាទូទាំងប្រទេសជជែកនៅថ្ងៃនេះ
រូបលោក អង្គ វង្ស វឌ្ឍនា ពីហ្វេសប៊ុកក្រសួងយុត្តិធម៌
×![]()
ដោយ: ថ្មីៗ
រដ្ឋមន្ត្រីក្រសួងយុត្តិធម៌ លោក អង្គ វង្ស វឌ្ឍនា កំពុងដឹកនាំព្រះរាជអាជ្ញានៅទូទាំងប្រទេស ប្រជុំនៅទីស្តីការក្រសួងនៅថ្ងៃនេះ។ បើតាមលោក រដ្ឋមន្ត្រីកិច្ចប្រជុំនេះ ធ្វើឡើងតាមសំណើរបស់សម្តេច ហ៊ុន សែន។
ការសម្លាប់ ឆក់ ប្លន់ កំពុងក្លាយជាប្រធានបទដ៏ក្តៅគគុក ដែលព្រះរាជអាជ្ញាទូទាំង ២៥ ខេត្ត រាជធានី ពិភាក្សាគ្នានៅព្រឹកនេះ ក្រៅពីប្រធានបទនៃការពិនិត្យលើការងារបស់ព្រះរាជអាជ្ញាកន្លងមក។
លោក អង្គ វង្ស វឌ្ឍនា បានថ្លែងនៅក្នុងកិច្ចប្រជុំនោះថា កិច្ចប្រជុំនេះ ដើម្បីប្រមូលទិន្នន័យ និងមតិយោបល់ ដើម្បីដាក់ទៅក្នុងកិច្ចប្រជុំធំនៅថ្ងៃទី ២២ ខែធ្នូ ដែលជាកិច្ចប្រជុំជាមួយប្រធានតុលាការទូរទាំងប្រទេស និងអគ្គស្នងការនគរបាលជាតិ៕
Tag:
ព្រះរាជអាជ្ញា
អង្គ វង្ស វឌ្ឍនា
© រក្សាសិទ្ធិដោយ thmeythmey.com
