កីឡាអន្តរជាតិ
ជាតិ
×![]()
អ្នកលេងគុនខ្មែរវ័យក្មេង និងជាម្ចាស់មេដាយមាសពិភពលោកកីឡាវ៉ូវីណាម សែន រ៉ាឌី នឹងបន្តយកអនុបណ្ឌិតផ្នែកច្បាប់ក្រោយចប់បរិញ្ញាបត្រផ្នែកច្បាប់នៅសាកលវិទ្យាល័យបៀលប្រាយ កាលពី២០១៥កន្លងទៅនេះ ដើម្បីសម្រេចបំណងចង់ក្លាយជាមេធាវីរបស់ខ្លួនទៅថ្ងៃអនាគត។
កីឡាករប្រដាល់ សែន រ៉ាឌី បានរៀបចំគម្រោងរបស់ខ្លួនរួចហើយថា នឹងបន្តយកអនុបណ្ឌិតច្បាប់នៅសាកលវិទ្យាល័យបៀលប្រាយ ក្រោយពីចប់ថ្នាក់បរិញ្ញាបត្រកាលពីពេលថ្មីៗកន្លងទៅ ដើម្បីសម្រេចបំណងរបស់ខ្លួនដែលចង់ក្លាយជាមេធាវីម្នាក់នៅកម្ពុជា និងដើម្បីបណ្តុះគំនិតឲ្យកាន់តែមានការរីកចម្រើនបន្ថែមទៀត។ ទោះបីជាយ៉ាងនេះក្តីកីឡាកររូបនេះមិនបានបោះបង់អាជីពជាអ្នកកីឡាក្នុងអំឡុងពេលបន្តការសិក្សានោះទេ ប៉ុន្តែវាជាឱកាសសម្រាប់គេទៅវិញក្នុងការបន្តអាជីពជាកីឡាប្រដាល់ និងកីឡាករវ៉ូវីណាមថែមទៀតផង។
កីឡាកររូបនេះបញ្ជាក់ថា៖«ខ្ញុំនឹងបន្តយកអនុបណ្ឌិតច្បាប់បន្ថែមទៀត ដើម្បីសម្រេចបំណងចង់ក្លាយជាមេធាវីរបស់ខ្ញុំ ប៉ុន្តែទោះបីជាមិនបានធ្វើជាមេធាវីក៏ខ្ញុំចាប់យកអ្វីផ្សេងទៀតដែរ។ ប៉ុន្តែការបន្តនេះខ្ញុំមិនបោះបង់អាជីពជាអ្នកកីឡាក្នុងអំឡុងពេលបន្តការសិក្សានោះទេ តែវាជាឱកាសសម្រាប់ខ្ញុំទៅវិញទេក្នុងការបន្តអាជីពជាអ្នកប្រដាល់»។
ក្នុងនាមជាអ្នកប្រដាល់សេរីផង និងកីឡាករវ៉ូវីណាមផងក៏ដោយ ប៉ុន្តែការហ្វឹកហាត់ និងការប្រកួតមិនមានអ្វីជាឧបសគ្គសម្រាប់ម្ចាស់ជើងឯកមេដាយមាសពិភពលោកកីឡាវ៉ូវីណាមនោះទេ តែវាជាកត្តាជួយជំរុញឲ្យកីឡាកររូបនេះកាន់តែរឹងមាំ និងកាន់តែខ្លាំង ហើយបច្ចុប្បន្នកីឡាកររូបនេះមិនមានជាប់កុងត្រាជាមួយស្ថានីយទូរទស្សន៍ណាមួយនោះទេ។ ជាមួយគ្នានេះកីឡាករ សែន រ៉ាឌី បានប្រាប់ពីរបៀបនៃការហ្វឹកហាត់ និងការប្រកួតថា៖«ដោយសារកីឡាវ៉ូវីណាម និងប្រដាល់ប្រហាក់ប្រហែលគ្នាពេលព្រឹកខ្ញុំរត់ហ្វឹកហាត់កីឡាវ៉ូវីណាម និងប្រដាល់រួមគ្នា ចំណែកនៅពេលល្ងាចបន្ទាប់ពីហាត់ប្រដាល់ចប់ ខ្ញុំទៅបន្តហាត់កីឡាវ៉ូវីណាម។ សម្រាប់ការប្រកួតប្រសិនបើមានការជាន់គ្នា បើមួយណាអាចចោលបាន ចោលមួយនឹង ប៉ុន្តែខ្ញុំគិតថាវ៉ូវីណាមប្រហែលជាមានអាទិភាពជាងព្រោះខ្ញុំជាកីឡាករជម្រើសជាតិ»។
គួរបញ្ជាក់ថា អ្នកលេងគុនខ្មែរ សែន រ៉ាឌី ដែលគេស្គាល់នៅលើពីភពលោកតាមរយៈកីឡាវ៉ូវីណាមថា ទិន ភាព ទទួលបានមេដាយមាសពិភពលោកកីឡាវ៉ូវីណាមនៅប្រទេសអាល់ហ្សេរីក្នុងព្រឹត្តិការណ៍ World Vovinam Championship 2015 ដែលមានប្រទេសចូលរួមប្រកួតចំនួន ៤០ប្រទេសទូទាំងពិភពលោក៕
កីឡាករប្រដាល់ សែន រ៉ាឌី បានរៀបចំគម្រោងរបស់ខ្លួនរួចហើយថា នឹងបន្តយកអនុបណ្ឌិតច្បាប់នៅសាកលវិទ្យាល័យបៀលប្រាយ ក្រោយពីចប់ថ្នាក់បរិញ្ញាបត្រកាលពីពេលថ្មីៗកន្លងទៅ ដើម្បីសម្រេចបំណងរបស់ខ្លួនដែលចង់ក្លាយជាមេធាវីម្នាក់នៅកម្ពុជា និងដើម្បីបណ្តុះគំនិតឲ្យកាន់តែមានការរីកចម្រើនបន្ថែមទៀត។ ទោះបីជាយ៉ាងនេះក្តីកីឡាកររូបនេះមិនបានបោះបង់អាជីពជាអ្នកកីឡាក្នុងអំឡុងពេលបន្តការសិក្សានោះទេ ប៉ុន្តែវាជាឱកាសសម្រាប់គេទៅវិញក្នុងការបន្តអាជីពជាកីឡាប្រដាល់ និងកីឡាករវ៉ូវីណាមថែមទៀតផង។
កីឡាកររូបនេះបញ្ជាក់ថា៖«ខ្ញុំនឹងបន្តយកអនុបណ្ឌិតច្បាប់បន្ថែមទៀត ដើម្បីសម្រេចបំណងចង់ក្លាយជាមេធាវីរបស់ខ្ញុំ ប៉ុន្តែទោះបីជាមិនបានធ្វើជាមេធាវីក៏ខ្ញុំចាប់យកអ្វីផ្សេងទៀតដែរ។ ប៉ុន្តែការបន្តនេះខ្ញុំមិនបោះបង់អាជីពជាអ្នកកីឡាក្នុងអំឡុងពេលបន្តការសិក្សានោះទេ តែវាជាឱកាសសម្រាប់ខ្ញុំទៅវិញទេក្នុងការបន្តអាជីពជាអ្នកប្រដាល់»។
ក្នុងនាមជាអ្នកប្រដាល់សេរីផង និងកីឡាករវ៉ូវីណាមផងក៏ដោយ ប៉ុន្តែការហ្វឹកហាត់ និងការប្រកួតមិនមានអ្វីជាឧបសគ្គសម្រាប់ម្ចាស់ជើងឯកមេដាយមាសពិភពលោកកីឡាវ៉ូវីណាមនោះទេ តែវាជាកត្តាជួយជំរុញឲ្យកីឡាកររូបនេះកាន់តែរឹងមាំ និងកាន់តែខ្លាំង ហើយបច្ចុប្បន្នកីឡាកររូបនេះមិនមានជាប់កុងត្រាជាមួយស្ថានីយទូរទស្សន៍ណាមួយនោះទេ។ ជាមួយគ្នានេះកីឡាករ សែន រ៉ាឌី បានប្រាប់ពីរបៀបនៃការហ្វឹកហាត់ និងការប្រកួតថា៖«ដោយសារកីឡាវ៉ូវីណាម និងប្រដាល់ប្រហាក់ប្រហែលគ្នាពេលព្រឹកខ្ញុំរត់ហ្វឹកហាត់កីឡាវ៉ូវីណាម និងប្រដាល់រួមគ្នា ចំណែកនៅពេលល្ងាចបន្ទាប់ពីហាត់ប្រដាល់ចប់ ខ្ញុំទៅបន្តហាត់កីឡាវ៉ូវីណាម។ សម្រាប់ការប្រកួតប្រសិនបើមានការជាន់គ្នា បើមួយណាអាចចោលបាន ចោលមួយនឹង ប៉ុន្តែខ្ញុំគិតថាវ៉ូវីណាមប្រហែលជាមានអាទិភាពជាងព្រោះខ្ញុំជាកីឡាករជម្រើសជាតិ»។
គួរបញ្ជាក់ថា អ្នកលេងគុនខ្មែរ សែន រ៉ាឌី ដែលគេស្គាល់នៅលើពីភពលោកតាមរយៈកីឡាវ៉ូវីណាមថា ទិន ភាព ទទួលបានមេដាយមាសពិភពលោកកីឡាវ៉ូវីណាមនៅប្រទេសអាល់ហ្សេរីក្នុងព្រឹត្តិការណ៍ World Vovinam Championship 2015 ដែលមានប្រទេសចូលរួមប្រកួតចំនួន ៤០ប្រទេសទូទាំងពិភពលោក៕
Tag:
កីឡាប្រដាល់
វ៉ូវីណាម
© រក្សាសិទ្ធិដោយ thmeythmey.com
