អន្តរជាតិ
×![]()
មេដឹកនាំអាមេរិក និងបណ្ដាមេដឹកនាំប្រទេសសមាជិកអាស៊ានទាំង១០ នឹងយល់ព្រមរួមគ្នាលើគោលការណ៍សហប្រតិបត្តិការរួមនៅឯកិច្ចប្រជុំពិសេសអាមេរិក-អាស៊ាន ក្នុងរដ្ឋកាលីហ្វរនីញ៉ា សប្ដាហ៍ក្រោយ។ គោលការណ៍នេះនឹងជួយដល់ការពង្រឹងកិច្ចសហប្រតិបត្តិការនៅពេលខាងមុខរវាងអាមេរិក និងអាស៊ាន។
សូមស្ដាប់ព័ត៌មានលម្អិត៖
អាមេរិកនិងអាស៊ាននឹងសម្រេចរួមគ្នាលើគោលការណ៍សហប្រតិបត្តិការក្នុងអំឡុងពេលនៃកិច្ចប្រជុំពិសេសអាមេរិក-អាស៊ាន ចាប់ពីថ្ងៃទី១៥ដល់១៦ ខែកុម្ភៈ នៅ Sunnylands ក្នុងទឹកដីរដ្ឋកាលីហ្វរនីញ៉ា។ គោលការណ៍នេះសំដៅជំរុញកិច្ចសហប្រតិបត្តិការរវាងអាមេរិកនិងអាស៊ានលើវិស័យរួមគ្នានៅពេលអនាគត។
បើតាម Bangkok Post នៅចុងបញ្ចប់កិច្ចប្រជុំដែលមានរយៈពេលពីរថ្ងៃ មេដឹកនាំអាមេរិកនិងសមាជិកអាស៊ានទាំង១០ នឹងឯកភាពលើសេចក្ដីប្រកាសលទ្ធផលកិច្ចប្រជុំដែលត្រូវហៅថា គោលការណ៍ Sunnylands (Sunnylands Principles)។ ជាមួយគោលការណ៍នេះ ទាំងអាមេរិកនិងអាស៊ាន បញ្ជាក់ពីការប្ដេជ្ញាចិត្តក្នុងការជំរុញកិច្ចសហប្រតិបត្តិការរវាងភាគីទាំងពីរលើគ្រប់វិស័យ ជាពិសេសសេដ្ឋកិច្ច និងសន្តិសុខ ក៏ដូចជាការគាំទ្រដល់ការដោះស្រាយបញ្ហាក្នុងតំបន់ផងដែរ។
លើសពីនោះទៅទៀត មេដឹកនាំអាមេរិកនិងប្រមុខរដ្ឋ-រដ្ឋាភិបាលអាស៊ានក៏នឹងបញ្ជាក់ពីការតាំងចិត្តក្នុងការប្រយុទ្ធប្រឆាំងអំពើភេរវកម្មនិងការពារតំបន់ពីការរីករាលដាលក្រុមជ្រុលនិយមដែលកំពុងតែគំរាមកំហែងសន្តិសុខពិភពលោក។ ក្រុមជ្រុលនិយមដែលកំពុងអុកឡុកពេញតំបន់មជ្ឈិមបូព៌ា បានតម្រង់ទិសមកតំបន់អាស៊ីអាគ្នេយ៍។ ការវាយប្រហារភេរវកម្មជាច្រើនបានកើតឡើងនៅតាមប្រទេសមួយចំនួនក្នុងអាស៊ាន ដែលបានគំរាមកំហែងយ៉ាងធ្ងន់ធ្ងរដល់សន្តិសុខតំបន់។
សូមទាញការចាប់អារម្មណ៍បន្តិចដែរ ក្នុងកិច្ចប្រជុំកំពូលអាស៊ាននៅម៉ាឡេស៊ីចុងឆ្នាំមុន ប្រធានាធិបតីអាមេរិកលោក បារ៉ាក់ អូបាម៉ា ស្នើសុំរៀបចំកិច្ចប្រជុំកំពូលនេះដោយអញ្ជើញមេដឹកនាំអាស៊ានទាំង១០ រួមទាំងសម្តេច ហ៊ុន សែន នាយករដ្ឋមន្ត្រីកម្ពុជាផងនោះទៅចូលរួមកិច្ចប្រជុំនៅទីក្រុង Rancho Mirage រដ្ឋកាលីហ្វរនីញ៉ាពីថ្ងៃ ១៥ដល់ថ្ងៃ ១៦ កុម្ភៈខាងមុខ។
ប្រធានាធិបតីអាមេរិកលោក បារ៉ាក់ អូបាម៉ា ដែលជិតផុតអាណត្តិប្រធានាធិបតីទៅហើយនោះ បានព្យាយាមបង្វែរគោលនយោបាយការបរទេសរបស់ខ្លួនមកកាន់តំបន់អាស៊ីដែលកំពុងតែមានតួនាទីស្នូលលើនយោបាយពិភពលោក។ ជាពិសេសនោះ ការកើនឡើងឥទ្ធិពលរបស់ចិន ក៏ជាមូលហេតុដែលតម្រូវឲ្យអាមេរិកត្រូវពង្រឹងតួនាទីរបស់ខ្លួនក្នុងតំបន់និងត្រូវចាប់យកអាស៊ាន៕
សូមស្ដាប់ព័ត៌មានលម្អិត៖
អាមេរិកនិងអាស៊ាននឹងសម្រេចរួមគ្នាលើគោលការណ៍សហប្រតិបត្តិការក្នុងអំឡុងពេលនៃកិច្ចប្រជុំពិសេសអាមេរិក-អាស៊ាន ចាប់ពីថ្ងៃទី១៥ដល់១៦ ខែកុម្ភៈ នៅ Sunnylands ក្នុងទឹកដីរដ្ឋកាលីហ្វរនីញ៉ា។ គោលការណ៍នេះសំដៅជំរុញកិច្ចសហប្រតិបត្តិការរវាងអាមេរិកនិងអាស៊ានលើវិស័យរួមគ្នានៅពេលអនាគត។
បើតាម Bangkok Post នៅចុងបញ្ចប់កិច្ចប្រជុំដែលមានរយៈពេលពីរថ្ងៃ មេដឹកនាំអាមេរិកនិងសមាជិកអាស៊ានទាំង១០ នឹងឯកភាពលើសេចក្ដីប្រកាសលទ្ធផលកិច្ចប្រជុំដែលត្រូវហៅថា គោលការណ៍ Sunnylands (Sunnylands Principles)។ ជាមួយគោលការណ៍នេះ ទាំងអាមេរិកនិងអាស៊ាន បញ្ជាក់ពីការប្ដេជ្ញាចិត្តក្នុងការជំរុញកិច្ចសហប្រតិបត្តិការរវាងភាគីទាំងពីរលើគ្រប់វិស័យ ជាពិសេសសេដ្ឋកិច្ច និងសន្តិសុខ ក៏ដូចជាការគាំទ្រដល់ការដោះស្រាយបញ្ហាក្នុងតំបន់ផងដែរ។
លើសពីនោះទៅទៀត មេដឹកនាំអាមេរិកនិងប្រមុខរដ្ឋ-រដ្ឋាភិបាលអាស៊ានក៏នឹងបញ្ជាក់ពីការតាំងចិត្តក្នុងការប្រយុទ្ធប្រឆាំងអំពើភេរវកម្មនិងការពារតំបន់ពីការរីករាលដាលក្រុមជ្រុលនិយមដែលកំពុងតែគំរាមកំហែងសន្តិសុខពិភពលោក។ ក្រុមជ្រុលនិយមដែលកំពុងអុកឡុកពេញតំបន់មជ្ឈិមបូព៌ា បានតម្រង់ទិសមកតំបន់អាស៊ីអាគ្នេយ៍។ ការវាយប្រហារភេរវកម្មជាច្រើនបានកើតឡើងនៅតាមប្រទេសមួយចំនួនក្នុងអាស៊ាន ដែលបានគំរាមកំហែងយ៉ាងធ្ងន់ធ្ងរដល់សន្តិសុខតំបន់។
សូមទាញការចាប់អារម្មណ៍បន្តិចដែរ ក្នុងកិច្ចប្រជុំកំពូលអាស៊ាននៅម៉ាឡេស៊ីចុងឆ្នាំមុន ប្រធានាធិបតីអាមេរិកលោក បារ៉ាក់ អូបាម៉ា ស្នើសុំរៀបចំកិច្ចប្រជុំកំពូលនេះដោយអញ្ជើញមេដឹកនាំអាស៊ានទាំង១០ រួមទាំងសម្តេច ហ៊ុន សែន នាយករដ្ឋមន្ត្រីកម្ពុជាផងនោះទៅចូលរួមកិច្ចប្រជុំនៅទីក្រុង Rancho Mirage រដ្ឋកាលីហ្វរនីញ៉ាពីថ្ងៃ ១៥ដល់ថ្ងៃ ១៦ កុម្ភៈខាងមុខ។
ប្រធានាធិបតីអាមេរិកលោក បារ៉ាក់ អូបាម៉ា ដែលជិតផុតអាណត្តិប្រធានាធិបតីទៅហើយនោះ បានព្យាយាមបង្វែរគោលនយោបាយការបរទេសរបស់ខ្លួនមកកាន់តំបន់អាស៊ីដែលកំពុងតែមានតួនាទីស្នូលលើនយោបាយពិភពលោក។ ជាពិសេសនោះ ការកើនឡើងឥទ្ធិពលរបស់ចិន ក៏ជាមូលហេតុដែលតម្រូវឲ្យអាមេរិកត្រូវពង្រឹងតួនាទីរបស់ខ្លួនក្នុងតំបន់និងត្រូវចាប់យកអាស៊ាន៕
Tag:
អាស៊ាន
អាមេរិក
Sunnylands
© រក្សាសិទ្ធិដោយ thmeythmey.com
