បទវិភាគ
×![]()
ភ្នំពេញ៖ «កូរ» មានន័យថា ធ្វើឱ្យវត្ថុរាវកក្រើក ធ្វើឱ្យវិល។ ក្នុងន័យធម្មតា គេប្រើពាក្យនេះ ភ្ជាប់នឹងសកម្មភាពមួយចំនួន ដូចជា ការកូរនំ ការកូរបបរ ការកូរទឹក ។ល។ ការកូរនេះ អាចមាន បំណងខុសៗគ្នា ដូចជា ការកូរដើម្បីឱ្យមានល្បាយស្មើសាច់ ការកូរឱ្យចូលជាតសព្វ ការកូរឱ្យល្អក់ (ឱ្យពុលត្រី ងាយចាប់) ការកូរឱ្យថ្លា(កូរសាច់ជូរក្នុងទឹក) កូរឱ្យសរ(កូរស្ករ ឬ វឹកស្ករ)...។ ថ្មីៗនេះ ពាក្យ «កូរ» នេះ ក៏ត្រូវបានគេយកមកប្រើក្នុងបរិបទនយោបាយដែរ ដោយភ្ជាប់ពាក្យនេះជាមួយបញ្ហាផ្សេងៗ ដូចជា ការលើកយកបញ្ហាអន្តោប្រវេសន៍វៀតណាម បញ្ហាព្រំដែន បញ្ហាផែនទី បញ្ហាស្រីកំណាន់របស់អ្នកនយោបាយ មកចោទនិងឆ្លើយ ជាដើម ដែលធ្វើឱ្យនយោបាយឡើងកម្ដៅជាបន្តបន្ទាប់។ ជារួម អត្ថន័យនៃពាក្យ«កូរ» ក្នុងបរិបទនយោបាយ គឺសំដៅយកការធ្វើឱ្យសភាពការណ៍នយោបាយច្របូកច្របល់ វិលវល់ ពិបាកបែងចែករកខុស ត្រូវ, ស ខ្មៅ, ល្អ អាក្រក់ ឬ អ្នកណាជាអ្នកប្រព្រឹត្តកំហុស ជាដើម។
ក្រោយការបោះឆ្នោតឆ្នាំ២០១៣ កម្ដៅនយោបាយបានឡើងជាបន្តបន្ទាប់ ដែលធ្វើឱ្យអ្នកតាមដានសភាពការណ៍នយោបាយ និង ប្រជាពរដ្ឋខ្មែរទូទៅ មានការព្រួយបារម្ភជាងអាណត្តិមុនៗទាំងអស់។ មួយឆ្នាំក្រោយមក ស្ថានការណ៍នយោបាយហាក់ដូចជាធូរស្រាលបន្តិច បន្ទាប់ពីមានកិច្ចព្រមព្រៀងនយោបាយរវាង CPP និង CNRP, បក្សប្រឆាំងចូលរដ្ឋសភា និង បន្ទាប់ពីមានការបង្កើតវប្បធម៌សន្ទនារវាងមេបក្សកាន់អំណាចនិងមេបក្សប្រឆាំងរួចមក។
ជាអកុសល ភាពស្ងប់ស្ងាត់នេះ មិនបានយូរប៉ុន្មានផង ស្រាប់តែកម្ដៅនយោបាយបានផ្ទុះឡើងវិញដែលមានកម្រិតខ្លាំងក្លាលើសដើម ដោយផ្ដើមចេញពីបញ្ហាព្រំដែន បញ្ហានៃការប្រើប្រាស់ផែនទី និង បាតុកម្មប្រឆាំងសម្តេចនាយករដ្ឋមន្ត្រី ហ៊ុន សែន ពេលដែលគាត់ចេញទៅធ្វើទស្សនកិច្ចនៅក្រៅប្រទេស ជាដើម។ ក្នុងខណៈដែលសកម្មជននិងតំណាងរាស្ត្ររបស់បក្សប្រឆាំង ដែលពាក់ពន្ធនឹងអំពើហិង្សាក្បែរស្ពាននាគ និង ត្រូវគេឃុំខ្លួនបណ្ដោះអាសន្នក្នុងពន្ធនាគារព្រៃស រង់ចាំការកាត់ទោស ឬ រង់ចាំដំណោះស្រាយនយោបាយ មិនទាន់ទាំងត្រូវបានដោះស្រាយបញ្ចប់ផង ស្រាប់តែសកម្មជននិងតំណាងរាស្ត្ររបស់បក្សប្រឆាំងមួយចំនួនទៀត ក៏ត្រូវបានអាជ្ញាធរចាប់ខ្លួន ជាបន្តបន្ទាប់ ពីបទការក្លែងឯកសារសាធារណៈ ការប្រើឯកសារសាធារណៈក្លែង ការចោទប្រកាន់ថារដ្ឋាភិបាលប្រើប្រាស់ផែនទីក្លែងក្លាយ ជាដើម។
សរុបមក សកម្មភាពតវ៉ាតាមព្រំដែន ការចោទរដ្ឋាភិបាលថាប្រើផែនទីក្លែងក្លាយ ការធ្វើបាតុកម្មប្រឆាំងវត្តមានសម្តេច ហ៊ុន សែន នៅសហរដ្ឋអាមេរិក និង បារាំង ជាដើម ត្រូវបានគេហៅថា ជាសកម្មភាព«កូរ» ដែលបានធ្វើឱ្យកិច្ចព្រមព្រៀងនយោបាយ វប្បធម៌សន្ទនា និង យន្តការផ្សេងៗទៀត ដែលបក្សទាំងពីរបានបង្កើតឡើង ស្ទើរតែគ្មានន័យ និង លែងដំណើរការ។
ក្នុងស្ថានភាពបែបនេះ គេឃើញអាជ្ញាធររបស់រដ្ឋាភិបាល ក៏ចាប់ផ្ដើមសើរើរឿងក្ដីចាស់ៗឡើងវិញទាក់ទងនឹងឯកឧត្តម សម រង្ស៊ី, ឯកឧត្តម កឹម សុខា និង សកម្មជនបក្សប្រឆាំងដទៃទៀត រហូតដល់មានការកាត់ទោសឯកឧត្តម សម រង្ស៊ី និង សមាជិករបស់CNRP និង មានការចោទប្រកាន់ឯកឧត្តម កឹម សុខា ពីបទពុករលួយ ព្រមទាំងមានការទម្លាយទំនាក់ទំនងស្នេហាលួចលាក់របស់ឯកឧត្តម កឹម សុខា និង មានករណីបណ្ដឹងរបស់កញ្ញា ធី សុវណ្ណថា និង អ្នកនាង ស្រី ម៉ុម ជាដើម។
អ្នកខ្លះអះអាងថា សភាពការណ៍នយោបាយនៅស្រុកខ្មែរបច្ចុប្បន្ននេះ បានធ្វើឱ្យអ្នកតាមដាន និង ប្រជាពលរដ្ឋខ្មែរវិលវល់ ឈឺក្បាល និង ធុញទ្រាន់។ ប្រហែលជាដោយសារសភាពការណ៍នេះហើយ បានជាគេលើកពាក្យថា «កូរ»នេះ យកមកប្រដូចទៅនឹងសភាពការន៍ទាំងនោះ ពីព្រោះ គេបានឃើញតួអង្គនយោបាយខ្លះ រត់ចុះរត់ឡើង ម្ដងគាំទ្របក្សនេះ ម្ដងគាំទ្របក្សនោះ ឯសាច់រឿងនយោបាយវិញ គេសង្កេតឃើញបក្សប្រឆាំងនិងបក្សកាន់អំណាច ម្ដងត្រូវគ្នា ម្ដងឈ្លោះគ្នា ពេលខ្លះនិយាយបែបនេះ ពេលខ្លះនិយាយបែបនោះ មិនប្រាកដត្រង់ណា ដែលគេអាចប្រៀបបានទៅនឹងកីឡាប្រដាល់ ដែលសញ្ញូ(ញាក់)ឆ្វេង វាយស្ដាំ ដូច្នេះដែរ។
ជាពិសេស ពេលការបោះឆ្នោតឃុំ/សង្កាត់ឆ្នាំ២០១៧ និង ការត្រៀមបោះឆ្នោតសកលឆ្នាំ២០១៨ ជិតចូលមកដល់ គេហាក់ដូចជាសង្កេតឃើញថា បក្សនយោបាយនានា ជាពិសេស បក្សកាន់អំណាច និង បក្សប្រឆាំង បានប្រើគ្រប់វិធីដែលខ្លួនមាននិងអាចធ្វើទៅបាន បើទោះបីជាជាវិធីខ្លះមិនមានភាពចាស់ទុំវឺនិង ខុសនីតិវិធីច្បាប់ខ្លះក៏ដោយ ក៏ពួកគេបានយកមកប្រើដែរដើម្បីយកប្រៀបឈ្នះលើគូប្រជែងរបស់ខ្លួន។
តាមពិតទៅ គេមិនដឹងច្បាស់ថា តើអ្នកណា ឬ ក្រុមណា ជាអ្នកប្រើពាក្យ«កូរ»នេះមុនគេនោះទេក្នុងបរិបទនយោបាយ។ ម្យ៉ាងទៀត គេក៏រកសច្ចភាពមិនទាន់ឃើញច្បាស់ថា តើអ្នកណាជាអ្នកូរពិប្រាកដដែរ។ ក្នុងករណីនេះ គេអាចទម្លាក់កំហុសដាក់គ្នាទៅវិញទៅមក ក្នុងចំណោម បក្សកាន់អំណាច បក្សប្រឆាំង សង្គមស៊ីវិល និង អ្នកវិភាគសង្គម។ បើទោះបីជាយ៉ាងណាក៏ដោយ ក៏គេអាចយល់យ៉ាងច្បាស់ថា គោលបំណងរបស់កូរ គឺចង់ធ្វើឱ្យបញ្ហាសង្គមនិងនយោបាយច្របូកច្របល់ ស្មុគស្មាញ ពិបាកយល់ ដែលធ្វើឱ្យសង្គមមិនអាចបែងចែកថា អ្នកណាល្អ អ្នកអាក្រក់ បក្សណាល្អ បក្សណាអាក្រក់...ដែលទីបំផុតពលរដ្ឋខ្មែរ អាចនឹងធ្វើការសម្រេចចិត្តខុសក្នុងការជ្រើសរើសអ្នកដឹកនាំដែលខ្លួនពេញចិត្ត ក្នុងការបោះឆ្នោតឃុំ/សង្កាត់ និង ការបោះឆ្នោតសាកលដែលនឹងមកដល់នាពេលខាងមុខនេះ៕
ក្រោយការបោះឆ្នោតឆ្នាំ២០១៣ កម្ដៅនយោបាយបានឡើងជាបន្តបន្ទាប់ ដែលធ្វើឱ្យអ្នកតាមដានសភាពការណ៍នយោបាយ និង ប្រជាពរដ្ឋខ្មែរទូទៅ មានការព្រួយបារម្ភជាងអាណត្តិមុនៗទាំងអស់។ មួយឆ្នាំក្រោយមក ស្ថានការណ៍នយោបាយហាក់ដូចជាធូរស្រាលបន្តិច បន្ទាប់ពីមានកិច្ចព្រមព្រៀងនយោបាយរវាង CPP និង CNRP, បក្សប្រឆាំងចូលរដ្ឋសភា និង បន្ទាប់ពីមានការបង្កើតវប្បធម៌សន្ទនារវាងមេបក្សកាន់អំណាចនិងមេបក្សប្រឆាំងរួចមក។
ជាអកុសល ភាពស្ងប់ស្ងាត់នេះ មិនបានយូរប៉ុន្មានផង ស្រាប់តែកម្ដៅនយោបាយបានផ្ទុះឡើងវិញដែលមានកម្រិតខ្លាំងក្លាលើសដើម ដោយផ្ដើមចេញពីបញ្ហាព្រំដែន បញ្ហានៃការប្រើប្រាស់ផែនទី និង បាតុកម្មប្រឆាំងសម្តេចនាយករដ្ឋមន្ត្រី ហ៊ុន សែន ពេលដែលគាត់ចេញទៅធ្វើទស្សនកិច្ចនៅក្រៅប្រទេស ជាដើម។ ក្នុងខណៈដែលសកម្មជននិងតំណាងរាស្ត្ររបស់បក្សប្រឆាំង ដែលពាក់ពន្ធនឹងអំពើហិង្សាក្បែរស្ពាននាគ និង ត្រូវគេឃុំខ្លួនបណ្ដោះអាសន្នក្នុងពន្ធនាគារព្រៃស រង់ចាំការកាត់ទោស ឬ រង់ចាំដំណោះស្រាយនយោបាយ មិនទាន់ទាំងត្រូវបានដោះស្រាយបញ្ចប់ផង ស្រាប់តែសកម្មជននិងតំណាងរាស្ត្ររបស់បក្សប្រឆាំងមួយចំនួនទៀត ក៏ត្រូវបានអាជ្ញាធរចាប់ខ្លួន ជាបន្តបន្ទាប់ ពីបទការក្លែងឯកសារសាធារណៈ ការប្រើឯកសារសាធារណៈក្លែង ការចោទប្រកាន់ថារដ្ឋាភិបាលប្រើប្រាស់ផែនទីក្លែងក្លាយ ជាដើម។
សរុបមក សកម្មភាពតវ៉ាតាមព្រំដែន ការចោទរដ្ឋាភិបាលថាប្រើផែនទីក្លែងក្លាយ ការធ្វើបាតុកម្មប្រឆាំងវត្តមានសម្តេច ហ៊ុន សែន នៅសហរដ្ឋអាមេរិក និង បារាំង ជាដើម ត្រូវបានគេហៅថា ជាសកម្មភាព«កូរ» ដែលបានធ្វើឱ្យកិច្ចព្រមព្រៀងនយោបាយ វប្បធម៌សន្ទនា និង យន្តការផ្សេងៗទៀត ដែលបក្សទាំងពីរបានបង្កើតឡើង ស្ទើរតែគ្មានន័យ និង លែងដំណើរការ។
ក្នុងស្ថានភាពបែបនេះ គេឃើញអាជ្ញាធររបស់រដ្ឋាភិបាល ក៏ចាប់ផ្ដើមសើរើរឿងក្ដីចាស់ៗឡើងវិញទាក់ទងនឹងឯកឧត្តម សម រង្ស៊ី, ឯកឧត្តម កឹម សុខា និង សកម្មជនបក្សប្រឆាំងដទៃទៀត រហូតដល់មានការកាត់ទោសឯកឧត្តម សម រង្ស៊ី និង សមាជិករបស់CNRP និង មានការចោទប្រកាន់ឯកឧត្តម កឹម សុខា ពីបទពុករលួយ ព្រមទាំងមានការទម្លាយទំនាក់ទំនងស្នេហាលួចលាក់របស់ឯកឧត្តម កឹម សុខា និង មានករណីបណ្ដឹងរបស់កញ្ញា ធី សុវណ្ណថា និង អ្នកនាង ស្រី ម៉ុម ជាដើម។
អ្នកខ្លះអះអាងថា សភាពការណ៍នយោបាយនៅស្រុកខ្មែរបច្ចុប្បន្ននេះ បានធ្វើឱ្យអ្នកតាមដាន និង ប្រជាពលរដ្ឋខ្មែរវិលវល់ ឈឺក្បាល និង ធុញទ្រាន់។ ប្រហែលជាដោយសារសភាពការណ៍នេះហើយ បានជាគេលើកពាក្យថា «កូរ»នេះ យកមកប្រដូចទៅនឹងសភាពការន៍ទាំងនោះ ពីព្រោះ គេបានឃើញតួអង្គនយោបាយខ្លះ រត់ចុះរត់ឡើង ម្ដងគាំទ្របក្សនេះ ម្ដងគាំទ្របក្សនោះ ឯសាច់រឿងនយោបាយវិញ គេសង្កេតឃើញបក្សប្រឆាំងនិងបក្សកាន់អំណាច ម្ដងត្រូវគ្នា ម្ដងឈ្លោះគ្នា ពេលខ្លះនិយាយបែបនេះ ពេលខ្លះនិយាយបែបនោះ មិនប្រាកដត្រង់ណា ដែលគេអាចប្រៀបបានទៅនឹងកីឡាប្រដាល់ ដែលសញ្ញូ(ញាក់)ឆ្វេង វាយស្ដាំ ដូច្នេះដែរ។
ជាពិសេស ពេលការបោះឆ្នោតឃុំ/សង្កាត់ឆ្នាំ២០១៧ និង ការត្រៀមបោះឆ្នោតសកលឆ្នាំ២០១៨ ជិតចូលមកដល់ គេហាក់ដូចជាសង្កេតឃើញថា បក្សនយោបាយនានា ជាពិសេស បក្សកាន់អំណាច និង បក្សប្រឆាំង បានប្រើគ្រប់វិធីដែលខ្លួនមាននិងអាចធ្វើទៅបាន បើទោះបីជាជាវិធីខ្លះមិនមានភាពចាស់ទុំវឺនិង ខុសនីតិវិធីច្បាប់ខ្លះក៏ដោយ ក៏ពួកគេបានយកមកប្រើដែរដើម្បីយកប្រៀបឈ្នះលើគូប្រជែងរបស់ខ្លួន។
តាមពិតទៅ គេមិនដឹងច្បាស់ថា តើអ្នកណា ឬ ក្រុមណា ជាអ្នកប្រើពាក្យ«កូរ»នេះមុនគេនោះទេក្នុងបរិបទនយោបាយ។ ម្យ៉ាងទៀត គេក៏រកសច្ចភាពមិនទាន់ឃើញច្បាស់ថា តើអ្នកណាជាអ្នកូរពិប្រាកដដែរ។ ក្នុងករណីនេះ គេអាចទម្លាក់កំហុសដាក់គ្នាទៅវិញទៅមក ក្នុងចំណោម បក្សកាន់អំណាច បក្សប្រឆាំង សង្គមស៊ីវិល និង អ្នកវិភាគសង្គម។ បើទោះបីជាយ៉ាងណាក៏ដោយ ក៏គេអាចយល់យ៉ាងច្បាស់ថា គោលបំណងរបស់កូរ គឺចង់ធ្វើឱ្យបញ្ហាសង្គមនិងនយោបាយច្របូកច្របល់ ស្មុគស្មាញ ពិបាកយល់ ដែលធ្វើឱ្យសង្គមមិនអាចបែងចែកថា អ្នកណាល្អ អ្នកអាក្រក់ បក្សណាល្អ បក្សណាអាក្រក់...ដែលទីបំផុតពលរដ្ឋខ្មែរ អាចនឹងធ្វើការសម្រេចចិត្តខុសក្នុងការជ្រើសរើសអ្នកដឹកនាំដែលខ្លួនពេញចិត្ត ក្នុងការបោះឆ្នោតឃុំ/សង្កាត់ និង ការបោះឆ្នោតសាកលដែលនឹងមកដល់នាពេលខាងមុខនេះ៕
Tag:
នយោបាយ
សង្គម
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
