កីឡាជាតិ
ជាតិ
មិត្តភាពអន្តរជាតិ៖ កម្ពុជាឈ្នះភ្ញៀវទីម័រខាងកើត ២-០
× ក្រុមកីឡាបាល់ទាត់ជម្រើសជាតិកម្ពុជា បានទទួលជ័យជម្នះ ២-០ លើទីម័រខាងកើតក្នុងជំនួបមិត្តភាពអន្តរជាតិ នៅពហុកីឡដ្ឋានជាតិ នាល្ងាចថ្ងៃអាទិត្យនេះ។
នៅនាទី ទី១១ កម្ពុជារកបានគ្រាប់បាល់បញ្ចូលទីបើកឆាកដែលសម្រេចបានដោយខ្សែប្រយុទ្ធក្រសួងការពារជាតិ ភួង សុខសាណា នាការបង្ហាញខ្លួនសារជាថ្មីសម្រាប់ក្រុមជម្រើសជាតិ។ ប៉ុន្តែ១៦នាទីក្រោយមក សាណា ត្រូវបានដាក់ជំនួសដោយមិត្តរូមក្លិបការពារជាតិ ច្រឹង ពលរដ្ឋ ដោយសារតែរូបគេមានបញ្ហារបួស។
លោក Lee Tae Hoon បានដាក់ ស៊ុន វណ្ណដេត ជំនួស ប៊ិន ធារី ហើយ ចាន់ វឌ្ឍនាកា ជំនួស កែវ សុខផេង នៅដើមតង់ទីពីរ។ ចាប់ផ្តើមបានត្រឹម២នាទីប៉ុណ្ណោះ កម្ពុជា បានបង្កើនការនាំមុខ ២-០ តាមរយៈការតែតបាល់បញ្ចូលទីរបស់ប្រធានក្រុម ឃួន ឡាបូរ៉ាវី។
កម្ពុជា និងទីម័រខាងកើត សុទ្ធតែមានបេសកកម្មរៀងៗខ្លួនក្នុងការប្រកួត Playoff ពានរង្វាន់ AFC Asian Cup ដោយកម្ពុជាត្រូវប៉ះឆាយនីស តៃប៉ិ ខណៈទីម័រខាងកើតត្រូវតទល់ជាមួយម៉ាឡេស៊ី។
ជម្រើសរបស់កម្ពុជា៖ អ៊ុំ សេរីរ័ត្នន៍ (អ្នកចាំទី), ហុង ផេង, ណុប តុលា (សឿយ វិសាល ៧៥) , សុខ សុវណ្ណ, រស់ សំអឿន, ទិត្យ ឌីណា (ហួយ ផល្លីន ៥៧) , ឈិន ឈឿន, ប៊ិន ធារី (ស៊ុន វណ្ណដេត ៤៦) ឃួន ឡាបូរ៉ាវី (ប្រធានក្រុម) (ប្រាក់ មុន្នីឧត្តម ៦៨) , កែវ សុខផេង (ចាន់ វឌ្ឍនាកា ៤៦), ភួង សុខសាណា (ច្រឹង ពលរដ្ឋ ២៦)
Tag:
បាល់ទាត់
ជម្រើសជាតិ
មិត្តភាពអន្តរជាតិ
Asian Cup
© រក្សាសិទ្ធិដោយ thmeythmey.com