កីឡាជាតិ
ជាតិ
រាល់សមាជិកនៃក្រុមកីឡាបាល់ទាត់ជម្រើសជាតិបានម្នាក់១០០០ដុល្លារពីសម្តេច ហ៊ុន សែន ទិដ្ឋភាពនៅពហុកីឡដ្ឋានជាតិដែលថតពីលើអាកាស។ ប្រភព៖ ហ្វេសប៊ុកសម្តេច ហ៊ុន សែន
× ជ័យជម្នះ ២-០ របស់ក្រុមកីឡាបាល់ទាត់ជម្រើសជាតិកម្ពុជា លើភ្ញៀវទីម័រខាងកើត បានផ្តល់នូវក្តីរំភើបយ៉ាងខ្លាំងសម្រាប់សម្តេចនាយករដ្ឋមន្ត្រី ហ៊ុន សែន។ តាមរយៈហ្វេសប៊ុករបស់ខ្លួន ប្រមុខរដ្ឋាភិបាល បានប្រកាសផ្តល់ប្រាក់រង្វាន់១០០០ដុល្លារអាមេរិកដល់សមាជិកទាំងអស់ក្នុងក្រុមជម្រើសជាតិកម្ពុជា។
ក្រោយជ័យជម្នះក្នុងការប្រកួតមិត្តភាពអន្តរជាតិនៅពហុកីឡដ្ឋានជាតិ នាល្ងាចថ្ងៃអាទិត្យ សម្តេច ហ៊ុន សែន បានសរសេរអបអរសាទរ និងប្រកាសផ្តល់ប្រាក់រង្វាន់លើកទឹកចិត្តដល់ក្រុមតាមរយៈលោក សៅ សុខា ប្រធានសហព័ន្ធកីឡាបាល់ទាត់កម្ពុជា។
ជាមួយគ្នានេះផងដែរ សម្តេច ហ៊ុន សែន បានបង្ហើបថា លោក ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា នឹងលើកសំណើសុំថវិកាជាតិដើម្បីឧបត្ថម្ភ ដូចពេលមុនៗ។ បើតាមការយល់ឃើញរបស់សម្តេច នេះជាមោទកភាពរបស់កម្ពុជាយើងទាំងមូល។ «សូមយុវជនចូលរួមក្នុងវិស័យកីឡាអោយកាន់តែច្រើនឡើង» សម្តេចបានសំណូមពរយ៉ាងដូច្នេះ៕
Tag:
បាល់ទាត់
ជម្រើសជាតិ
មិត្តភាពអន្តរជាតិ
Asian Cup
© រក្សាសិទ្ធិដោយ thmeythmey.com