មូលហេតុ ដែលសម្ដេច ហ៊ុន ម៉ាណែត មិនចង់ឱ្យមានកន្លែងបាញ់កាំភ្លើង នៅខេត្តព្រះសីហនុ ព្រោះវានាំឱ្យប៉ះពាល់ដល់អារម្មណ៍របស់ភ្ញៀវទេសចរ ដែលមកលេងខេត្តមាត់សមុទ្រនេះ មានការភ័យខ្លាច និងព្រួយបារម្ភពីសុខសុវត្ថិភាពផ្ទាល់ខ្លួន។
 

ម្យ៉ាងទៀត បើបន្តឱ្យមានកន្លែងបាញ់កាំភ្លើងនោះ វាក៏មានការចរាចរទិញគ្រាប់កាំភ្លើង និងអាវុធ សម្រាប់ទីតាំងអាជីវកម្មនោះដែរ។ ដូច្នេះមិនគួរឱ្យមានកន្លែងបាញ់កាំភ្លើងទេ។ នេះជាការយល់ឃើញរបស់សម្ដេច ដែលបានបន្ថែមថា ការងារប្រើប្រាស់អាវុធ និងបាញ់កាំភ្លើង ទុកឱ្យក្រុមកងកម្លាំងហ្វឹកហាត់ចុះ មិនចាំបាច់ឱ្យស៊ីវិល ឬសាធារណជន អនុវត្តនោះទេ។