លោក សរ កក្កដា បានសង្កេតឃើញប្រជាពលរដ្ធ សាងសង់ផ្ទះ និងសំយ៉ាបផ្ទះ ដោយមិនមានរបៀបរៀបរយលើចំណីផ្លូវសាធារណៈក្រុងព្រះសីហនុ ដែលធ្វើឲ្យប៉ះពាល់សណ្ដាប់ធ្នាប់សោភ័ណភាពការធ្វើដំណើររបស់ប្រជាពលរដ្ឋ, កកស្ទះចរាចរណ៍ ព្រមទាំងបង្កផលពិបាកដល់រថយន្តពន្លត់អគ្គិភ័យ នៅពេលមានគ្រោះថ្នាក់ផ្សេងៗកើតឡើង។ 

 

ជាមួយគ្នានេះ លោកអភិបាលក្រុងព្រះសីហនុរូបនេះ គ្រោងចុះវាស់វែងកំណត់ចំណីផ្លូវតាមប្លង់ប្រព័ន្ធសុរិយោដី ចាប់ពីថ្ងៃទី១ ខែមេសា ឆ្នាំ២០២៤នេះតទៅ។ ដូច្នេះប្រជាពលរដ្ធដែលមានការពាក់ព័ន្ធ ត្រូវបញ្ឈប់រាល់សកម្មភាពសាងសង់សំណង់ផ្សេងៗនៅលើផ្លូវសារធារណៈ។

 

«ត្រូវធ្វើការរុះរើសំណង់មិនមានរបៀបរៀបរយ និងជញ្ជូនយកចេញឲ្យអស់នៅមុនថ្ងៃទី១ ខែមិថុនា ឆ្នាំ២០២៤ ជាកំហិត»។  លោក សរ កក្កដា បានលើកឡើងបែបនេះ ដោយបានបញ្ជាក់ថា ក្នុងករណីពលរដ្ឋមិនអនុវត្តតាមការណែនាំនេះ អាជ្ញាធរនឹងចាត់វិធានការរុះរើ ដោយមិនទទួលខុសត្រូវលើការខូចខាត ឬបាត់បង់សម្ភារណាមួយឡើយ៕