ព្រឹត្តិការណ៍ប្រកួតកីឡាសិស្សបឋមសិក្សាថ្នាក់ជាតិ ឆ្នាំ២០២៤ មាន១២ប្រភេទកីឡា ដោយមានប្រតិភូ ជាកីឡាករ-កីឡាការិនីសិស្សបឋម និងគ្រូបង្វឹក សរុបចំនួន ២៩៦០នាក់ មកពីបណ្ដាល ២៥រាជធានីខេត្ត ចូលរួម។ ពីធីបើកការប្រកួត នឹងត្រូវធ្វើនៅពហុកីឡដ្ឋានជាតិអូឡាំពិក នាថ្ងៃទី៣១ ខែមីនា ឆ្នាំ២០២៤ វេលាម៉ោង ៣:០០ រសៀល។ ១២ប្រភេទកីឡានោះ មានដូចជា៖បាល់ទាត់, បាល់ទះ, បាល់បោះ, អត្ដពលកម្ម, វាយកូនឃ្លីលើតុ, វាយសី, តេក្វាន់ដូ WT, តេក្វាន់ដូ  ITF, ប៊ូល និងប៉េតង់, ល្បុក្កតោ, ហែលទឹក និង គុនដាវ។


លោក ហួត សេងទ្រី ប្រធាននាយកដ្ឋានរៀបចំ និងគ្រប់គ្រងព្រឹត្តិការណ៍កីឡា រូបពីអគ្គនាយកដ្ឋានកីឡា
 

១-ដើម្បីបំផុសសកម្មភាពអប់រំកាយ និងកីឡានៅក្នុងគ្រឹះស្ថានសិក្សា និងនៅតាមរាជធានី ខេត្ដ។
 

២-ជួយឲ្យសិស្សានុសិស្សមានសុខភាពល្អ កាយសម្បទាមាំមួន ឆន្ទៈមោះមុត អំណត់ព្យាយាម វិន័យ ស្មារតីក្រុម គំនិតឆ្នៃប្រឌិត និងការតស៊ូស្វិតស្វាញ សម្ដៅលើការដណ្ដើមបានលទ្ធផលល្អប្រសើរ។
 

៣-លើកទឹកចិត្ត ដល់អ្នកលេងកីឡា និងអ្នកមានឧបនិស្ស័យ ដើម្បីជ្រើសរើសជាកីឡាករ-កីឡាការិនីថ្នាលល្អៗ ចូលក្នុងក្រុមជម្រើសជាតិ។
 

៤-បង្កើតឱកាសឲ្យសិស្សជួបជុំគ្នា ចងមិត្តភាព និងសាមគ្គីភាព ដើម្បីចេះរស់ជាមួយគ្នាក្នុងសង្គម។