សាច់ខូចគុណភាពទាំងនេះ​ ត្រូវបានគយបង្ក្រាបបានក្នុងករណីពីរផ្សេងពីគ្នា។ បើតាមអគ្គនាយកដ្ឋាន គយ ក្នុងចំណោមសាច់គុណភាពទាំងជាង៤តោនខាងលើ គឺមាន៣,៥តោន​ ត្រូវបានកម្លាំងជំនាញ បង្ក្រាបបាននិងដកហូតពីឈ្មួញ ដែលដឹកជញ្ជូនតាមរថយន្តដឹកអ្នកដំណើរចំនួន៣គ្រឿង បង្កប់ជាមួយ ទំនិញផ្សេង នាំចូលមកកម្ពុជាខុសច្បាប់ តាមច្រករបៀងក្នុងភូមិសាស្ត្រស្រុកស្វាយជ្រុំ ខេត្តស្វាយរៀង កាលពីយប់ថ្ងៃទី២២មេសា ឆ្នាំ២០២៤។ 

 

រីឯសាច់ខូចគុណភាពជាង១តោនទៀត មានដូចជា ជើងទា ពោះគោ ជើងជ្រូក និងគ្រឿងក្នុង ត្រូវបានកម្លាំងជំនាញនៅខេត្តបន្ទាយមានជ័យ បង្ក្រាបនិងដកហូតពីឈ្មួញដែលដឹកជញ្ជូនតាមរ៉ឺម៉កម៉ូតូ នាំចូលកម្ពុជា​ តាមច្រករបៀងក្នុងភូមិសាស្ត្រក្រុងប៉ោយប៉ែត ខេត្តបន្ទាយមានជ័យ។ 

 

អគ្គនាយកដ្ឋានគយនិងរដ្ឋាករកម្ពុជា​ ​បញ្ជាក់ថា សាច់ខូចគុណភាពដែលបង្ក្រាបនេះត្រូវបានដុតចោល ភ្លាមៗក្រោយបង្រ្កាបបាន៕