អ្នកនិពន្ធបទ «ស៊ីបានចេះតែស៊ីទៅ» ចេញមុខសុំទោស តែសុំឲ្យមានការរិះគន់ស្ថាបនា

ជាតិ

អ្នកនិពន្ធបទ «ស៊ីបានចេះតែស៊ីទៅ» ចេញមុខសុំទោស តែសុំឲ្យមានការរិះគន់ស្ថាបនា

08, Jul 2016 , 4:24 pm

រូបភាព

លោក ងួន សុបិន អ្នកនិពន្ធប្រចាំផលិតកម្មថោន

ដោយ: ថ្មីៗ

លោក ងួន សុបិន អ្នកនិពន្ធបទ «ស៊ីបានចេះតែស៊ីទៅ» បានបង្ហោះឃ្លីបវីដេអូនៅលើហ្វេសប៊ុករបស់ខ្លួនដើម្បីសុំទោសជាសាធារណៈចំពោះពាក្យពេចន៍នៅក្នុងបទចម្រៀងដែលពិបាកទទួលយកបាន។ អ្នកនិពន្ធប្រចាំផលិតកម្មថោនមួយនេះ ទទួលស្គាល់ថា លោកមានកំហុសដែលតែងបទចម្រៀងពីមេឡូឌីថៃ ប៉ុន្តែបទចម្រៀងដែលបកស្រាយដោយ លោក កែវ វាសនា មិនទាន់ទទួលបានប្រតិកម្មភ្លាមៗនោះឡើយ ដោយចលនារិះគន់បានផុសផុល បន្ទាប់អ្នកចម្រៀងស្រីម្នាក់បានបកស្រាយបទ «ទាល់តែយូរទើបស៊ីអូនបាន» នៅលើទូរទស្សន៍មួយ។

ក្រៅពីការទទួលយកនូវការរិះគន់ និងទទួលយកនូវការហាមប្រាមរបស់ក្រសួងព័ត៌មាន លោក ងួន សុបិន សម្តែងការអន់ចិត្តផងដែរចំពោះការរិះគន់មួយចំនួនដែលធ្វើឡើងក្នុងន័យជាន់ពន្លិច និងមើលងាយ។ លោកសំណូមពរឲ្យមានការរិះគន់ដើម្បីស្ថាបនាដល់រូបលោក ហើយលោកសន្យាតែងនិពន្ធបទថ្មីៗ និង Original ដើម្បីលើកស្ទួយវិស័យសិល្បៈកម្ពុជា។

ទស្សនាឃ្លីបវីដេអូដូចខាងក្រោម៖