ជាតិ
សុវត្តិភាព ចរាចរណ៍
ក្រសួងដាក់ជញ្ជីងចល័តតាមគោលដៅ ហើយស្នើពលរដ្ឋរាយការណ៍បើមន្ត្រីកាន់ជញ្ជីងធ្វើខុសច្បាប់
× ក្រសួងសាធារណការ និងដឹកជញ្ជូន នឹងរៀបចំដាក់ជញ្ជីងចល័ត នៅតាមគោលដៅដូច មជ្ឈមណ្ឌលឃ្លាំងទំនិញ, រោងចក្រផលិតសម្ភារធ្ងន់ៗ, កសិដ្ឋាននានានៅរដូវប្រមូលផល និងការដ្ឋានផលិតថ្ម ដើម្បីត្រួតពិនិត្យថ្លឹងទម្ងន់ដឹកជញ្ជូនមុននឹងអាចធ្វើចរាចរណ៍នៅលើបណ្ដាញផ្លូវថ្នល់។
នៅក្នុងសេចក្ដីជូនដំណឹងចុះថ្ងៃទី៨ខែកក្កដារបស់ខ្លួន ក្រសួងសាធារណការក៏ស្នើសាធារណជនទូទៅ រាយការណ៍មកក្រសួង បើមានមន្ត្រីគ្រប់គ្រងជញ្ជីងចល័ត និងមន្ត្រីបម្រើការតាមស្ថានីយជញ្ជីងអចល័ត ប្រព្រឹត្តខុសច្បាប់ ដូចជាការទាលុយ ឬដាក់ខែបង់លុយ ជាថ្នូរនឹងបណ្ដែតបណ្ដោយឲ្យមានការដឹកលើសទម្ងន់។
គេអាចរាយការណ៍តាមរយៈ ហ្វេសប៊ុករបស់ក្រសួងគឺ www.facebook.com/mpwt.gov.kh ឬទូរសព្ទ ០២៣ ៤២៦ ១៥៧ ។
Tag:
ជញ្ជីងថ្លឹងយានយន្ត
© រក្សាសិទ្ធិដោយ thmeythmey.com