សហរដ្ឋអាមេរិក ៖ ស្ត្រីម្នាក់ផ្តល់កំណើតបានកូនភ្លោះបីដងក្នុងរយៈពេល ២ ឆ្នាំ

អន្តរជាតិ

សហរដ្ឋអាមេរិក ៖ ស្ត្រីម្នាក់ផ្តល់កំណើតបានកូនភ្លោះបីដងក្នុងរយៈពេល ២ ឆ្នាំ

24, Jul 2016 , 4:39 pm

រូបភាព

ដោយ: ធីតា

ស្ត្រីអាយុ ២០ ឆ្នាំម្នាក់នៅរដ្ឋតិចសាស់ សហរដ្ឋអាមេរិក បានផ្តល់កំណើតឲ្យកូនភ្លោះពីរចំនួនបីលើកក្នុងរយៈពេល ២៦ ខែ ដោយមិនបានឆ្លងកាត់វិធីបង្កាត់តាមបែបវិទ្យាសាស្ត្រអ្វីទាំងអស់។

នាង Danesha Couch បានផ្តល់កំណើតឲ្យភ្លោះប្រុសពីរនាក់ ដែលបានកើតមុនកំណត់ កាលពីឆ្នាំ ២០១៤ ។ ប៉ុន្តែ គួរឲ្យសោកស្តាយដែលមានតែកូនម្នាក់ប៉ុណ្ណោះដែលនៅរស់រានមានជីវិត។ ក្រោយមក នៅឆ្នាំ ២០១៥ កូនភ្លោះស្រីពីរនាក់ទៀតបានមកបន្ថែមចំនួនសមាជិកគ្រួសារនាង។ ចុងក្រោយ នៅខែមិថុនា ឆ្នាំ ២០១៦ នេះ នាងសម្រាលបានកូនភ្លោះស្រីពីរនាក់ទៀត។

អ្វីដែលរឹតតែគួរឲ្យងឿងឆ្ងល់នោះគឺ កូនភ្លោះទាំងបីលើកនេះមានឪពុកខុសៗគ្នា។ ម្យ៉ាងទៀត ករណីកូនភ្លោះផ្សារភ្ជាប់នឹងកត្តាតំណពូជ។ ប៉ុន្តែ ក្នុងចំណោមមេបាទាំងពីរ គ្មាននរណាម្នាក់ដែលធ្លាប់មានសាច់ញាតិជាកូនភ្លោះទេ៕