បទយកការណ៍ / បទសម្ភាសន៍
ត្រីទន្លេមេគង្គជាង៥០ប្រភេទថយចុះ ខណៈជាង២០ប្រភេទបានផុតពូជ
× ក្រចេះ៖ ត្រីនៅទន្លេមេគង្គ ប្រមាណពី៥០ ទៅ ៦០ប្រភេទ បានចុះបរិមាណ ខណៈត្រីយ៉ាងតិច២០ប្រភេទ បានផុតពូជ។ នេះជាការបញ្ជាក់របស់ លោក ឯក ចំរើន មន្ត្រីសម្របសម្រួលគម្រោងតំបន់មេគង្គ អង្គការសម្ព័ន្ធភាព ដើម្បីអភិរក្សធនធានជលផល(FACT) ដែលបានផ្តល់បទសម្ភាសន៍ដល់អ្នកសារព័ត៌មានថ្មីៗ នៅក្នុងសិក្ខាសាលា ស្ដីពីការយកព័ត៌មានអំពីផលប៉ះពាល់បរិស្ថាន និងការវាយតម្លៃផលប៉ះពាល់បរិស្ថាន។
បើតាម លោក ឯក ចំរើន ការនេសាទខុសច្បាប់ គឺជាកត្តាចម្បងជាងគេ ដែលបណ្តាលឲ្យបរិមាណត្រីនៅទន្លេមេគង្គថយចុះ និងប្រភេទខ្លះប្រឈមនឹងការបាត់បង់។ ក្រៅពីនោះ នៅមានកត្តាមួយចំនួនទៀត ដូចជា កត្តាប្រែប្រួលអាកាសធាតុ និងការកាប់ព្រៃលិចទឹកធ្វើកសិកម្ម និងការកសាងទំនប់វារីអគ្គីសនីជាដើម។
សូមអញ្ជើញស្តាប់បទសម្ភាសន៍ រវាងលោក ស៊ុំ សុជាតិ និងលោក ឯក ចំរើន មន្ត្រីសម្របសម្រួលគម្រោងតំបន់មេគង្គ អង្គការសម្ព័ន្ធភាព ដើម្បីអភិរក្សធនធានជលផល (FACT) ដូចតទៅ៖
Tag:
ត្រី
ទន្លេមេគង្គ
ឯក ចំរើន
© រក្សាសិទ្ធិដោយ thmeythmey.com