បទវិភាគ
មហាជនខ្មែរគោរពវិញ្ញាណក្ខន្ធ និងហែសព លោក កែម ឡី បញ្ជាក់ថា ខ្មែរឲ្យតម្លៃអ្នកចេះដឹង
×![]()
ភ្នំពេញ៖ ការចូលរួមគោរពវិញ្ញាណក្ខន្ធ និងហែសពលោក កែម ឡី ពីសំណាក់មហាជន កន្លងទៅ បានបញ្ជាក់ឲ្យឃើញថា ប្រជាពលរដ្ឋខ្មែរស្រឡាញ់និងឱ្យតម្លៃអ្នកមានចំណេះដឹងជ្រោះជ្រះ។ លោកបណ្ឌិត កែម ឡី ត្រូវមហាជនខ្មែរ ចាត់ទុកថាជាអ្នកវិភាគឯករាជ្យ អំពីបញ្ហាសង្គមនិងនយោបាយដ៏ល្បីល្បាញ និងជាវីរជនរបស់ខ្លួន ដែលហ៊ាននិយាយការពិតទាក់ទងនឹងបញ្ហាជាច្រើន ដូចជា អំពើពុករលួយ ទំនាស់ដីធ្លី បទល្មើសព្រៃឈើ ព្រំដែន រួមទាំងចំណុចអវិជ្ជមានជាច្រើនទៀតរបស់អាជ្ញាធរនិងអ្នកដឹកនាំ។ ការស្លាប់របស់លោកបណ្ឌិត កែម ឡី ក៏មានការលើកឡើងផ្សេងៗគ្នាផងដែរ។
ចាប់តាំងពីឃាតកម្មលើរូបបណ្ឌិត កែម ឡី កាលពីថ្ងៃទី១០ ខែកក្កដា ឆ្នាំ២០១៦ រហូតមកដល់ថ្ងៃទី២៤ ខែកក្កដា ឆ្នាំ២០១៦ ដែលជាថ្ងៃដង្ហែសពលោកបណ្ឌិត កែម ឡី ទៅបញ្ចុះនៅស្រុកកំណើតនាខេត្តតាកែវ គេសង្កេតឃើញថា មហាជនគ្រប់ស្រទាប់វណ្ណៈ ទាំងអ្នកមាន ទាំងអ្នកក្រ ទាំងបញ្ញវន្ត មន្ត្រីរាជការ និស្សិត រួមទាំងអ្នកនយោបាយ សង្គមស៊ីវិល និង មន្ត្រីការទូតបរទេសមួយចំនួន បានចូលរួមយ៉ាងច្រើនកុះករជាប់មិនដាច់ក្នុងការគោរពវិញ្ញាណក្ខន្ធជាបន្តបន្ទាប់ និងជាពិសេស ក្នុងការដង្ហែសពលោកបណ្ឌិត កែម ឡី ដែលគេអះអាងថាមានអ្នកចូលរួមប្រមាណជិត២ លាននាក់ និង មានអ្នកឈរអមតាមផ្លូវផងដែរ។
យោងតាមការសង្កេត គេបានមើលឃើញថា ប្រតិកម្មរបស់មហាជនចំពោះព្រឹត្តិការណ៍នេះមានដូចតទៅ៖ ១.ប្រជាពលរដ្ឋខ្មែរមានចិត្តអាណិតអាសូរ និងចូលរួមរំលែកទុក្ខក្នុងពេលនរណាម្នាក់មានគ្រោះអាសន្ន ២.ប្រជាពលរដ្ឋខ្មែរស្រឡាញ់និងឱ្យតម្លៃអ្នកមានចំណេះដឹងជ្រោះជ្រះ។ ៣.ប្រជាពលរដ្ឋខ្មែរគោរព ស្រឡាញ់និងឱ្យតម្លៃបញ្ញវន្តដែលមានភាពក្លាហាន ហ៊ាននិយាយការពិត និងជួយឈឺឆ្អាលក្នុងការជួយស្វែងរកការណ៍ពិតនៃជំងឺសង្គម វិភាគសង្គមនិងនយោបាយ និងផ្ដល់គំនិតស្ដីពីដំណោះស្រាយបញ្ហាទាំងនេះ។ ៤.បណ្ឌិត កែម ឡី ត្រូវបានមហាជនចាត់ទុកជាបញ្ញវន្តមួយរូបដែលមានសេចក្ដីក្លាហាន សមត្ថភាព ចំណេះដឹងខាងវិទ្យាសាស្ត្រនិងសីលធម៌ និងបានលះបង់អ្វីៗសព្វយ៉ាង រួមទាំងជីវិត ដើម្បីបុព្វហេតុនៃការទាមទារសេរីភាពនិងសិទ្ធិរបស់ពលរដ្ឋក្នុងការបញ្ចញមតិ ការចូលរួមក្នុងការអភិវឌ្ឍសង្គម និងនយោបាយ ជាដើម។
ឆ្លងតាមរយៈព្រឹត្តិការណ៍នេះ គេបានមើលឃើញថា ប្រជាពលរដ្ឋខ្មែរបច្ចុប្បន្នមានភាពក្លាហានជាងមុន ពីព្រោះបើទោះបីជាមានការលើកឡើងថា ឃាតកម្មលើរូបបណ្ឌិត កែម ឡី ទាក់ទងនឹងនយោបាយក៏ដោយ ក៏ប្រជាជនគ្រប់ស្រទាប់វណ្ណៈនៅតែចូលរួមយ៉ាងច្រើន តាំងពីពេលដែលលោកបណ្ឌិត កែម ឡី ត្រូវគេបាញ់ប្រហារភ្លាមៗ ការដង្ហែសពមកកន្លែងតម្កល់នៅវត្តចាស់ ការចូលរួមក្នុងពិធីបុណ្យនិងការគោរពវិញ្ញាណក្ខន្ធក្នុងរយៈពេល១៤ថ្ងៃ និងចុងក្រោយការចូលរួមយ៉ាងច្រើនកុះករក្នុងការដង្ហែសពលោកបណ្ឌិត កែម ឡី ទៅបញ្ចុះនៅស្រុកកំណើតរបស់គាត់នាខេត្ត តាកែវ នៅថ្ងៃទី២៤ ខែកក្កដា ឆ្នាំ២០១៦។
លើសពីនេះទៀត មហាជនក៏បានស្រែកទាមទារឱ្យអាជ្ញាធរពាក់ព័ន្ធប្រឹងប្រែងស្វែងរកឃាតករនិងអ្នកនៅពីក្រោយឃាតកម្មលើបណ្ឌិត កែម ឡី ពិតប្រាកដ មកផ្ដន្ទាទោសទៅតាមច្បាប់។ ទន្ទឹមនឹងនោះដែរ ដោយសារឃាតកម្មលើរូបបណ្ឌិត កែម ឡី បានកើតឡើងចំពេលដែលកម្ដៅនយោបាយរវាងបក្សកាន់អំណាចនិងបក្សប្រឆាំងកំពុងតែឡើងខ្ពស់កប់ពពក រកដំណោះស្រាយមិនទាន់បាន ហើយថែមទាំងមានរបាយការណ៍ដែលចេញផ្សាយដោយអង្គការក្លូបលវីតណែស(Global witness) ដែលពាក់ព័ន្ធនឹងគ្រួសារត្រគោលហ៊ុន ហើយដែលត្រូវបានលោកបណ្ឌិត កែម ឡី វិភាគក្នុងនាទីអ្នកស្ដាប់វិទ្យុអាស៊ីសេរី កាលពីពីរថ្ងៃមុនឃាតកម្មកើតឡើងផងនោះ នាំឱ្យអ្នកនយោបាយនិងអ្នកដែលមានទំនោរខុសគ្នា ដាក់ការសង្ស័យនិងការចោទប្រកាន់គ្នាទៅវញទៅមក ក្នុងសភាពមួយបង្ហាញឱ្យឃើញថាភាគីនីមួៗ មិនទុកចិត្តគ្នាផង និងអាចចង់កេងចំណេញខាងនយោបាយផងដែរ។
ក្រៅពីនេះ ដោយពិនិត្យឃើញថា ប្រជាប្រិយភាពរបស់លោកបណ្ឌិត កែម ឡី មានទំហំធំធេង ហួសពីការស្មាន ដោយមានការចាប់អារម្មណ៍ ការស្រាឡាញ់ ការចូលចិត្ត និងការឱ្យតម្លៃភាគច្រើនលើសលប់ពីពលរដ្ឋខ្មែរទាំងក្នុងនិងក្រៅប្រទេស ព្រមទាំងបរទេសផងនោះ ក៏មានគណបក្សនយោបាយខ្លះ យកគំនិត យោបល់ និង អនុសាសន៍ផ្សេងៗរបស់គាត់ មកធ្វើជាគោលនយោបាយក្នុងការដឹកនាំប្រទេសប្រសិនបើខ្លួនឈ្នះឆ្នោត។ ចំណុចនេះ មតិខ្លះលើកឡើងថា គណបក្សទាំងនោះ កេញចំណេញនយោបាយលើសពលោក កែម ឡី។ ទន្ទឹមនឹងនេះ ក៏មានមនុស្សមួយក្រុមទៀត ចង់បន្តមរតករបស់បណ្ឌិត កែម ឡី ដោយមានការផ្ដួចផ្ដើម គំនិតបង្កើត កែមឡីនិយម ជាដើម។ ទាំងអស់នេះ គឺជាទស្សនៈ ឬ ប្រតិកម្មមួយចំនួនរបស់មហាជនដែលបានលើកឡើងជុំវិញមរណភាពរបស់បណ្ឌិត កែម ឡី៕
ចាប់តាំងពីឃាតកម្មលើរូបបណ្ឌិត កែម ឡី កាលពីថ្ងៃទី១០ ខែកក្កដា ឆ្នាំ២០១៦ រហូតមកដល់ថ្ងៃទី២៤ ខែកក្កដា ឆ្នាំ២០១៦ ដែលជាថ្ងៃដង្ហែសពលោកបណ្ឌិត កែម ឡី ទៅបញ្ចុះនៅស្រុកកំណើតនាខេត្តតាកែវ គេសង្កេតឃើញថា មហាជនគ្រប់ស្រទាប់វណ្ណៈ ទាំងអ្នកមាន ទាំងអ្នកក្រ ទាំងបញ្ញវន្ត មន្ត្រីរាជការ និស្សិត រួមទាំងអ្នកនយោបាយ សង្គមស៊ីវិល និង មន្ត្រីការទូតបរទេសមួយចំនួន បានចូលរួមយ៉ាងច្រើនកុះករជាប់មិនដាច់ក្នុងការគោរពវិញ្ញាណក្ខន្ធជាបន្តបន្ទាប់ និងជាពិសេស ក្នុងការដង្ហែសពលោកបណ្ឌិត កែម ឡី ដែលគេអះអាងថាមានអ្នកចូលរួមប្រមាណជិត២ លាននាក់ និង មានអ្នកឈរអមតាមផ្លូវផងដែរ។
យោងតាមការសង្កេត គេបានមើលឃើញថា ប្រតិកម្មរបស់មហាជនចំពោះព្រឹត្តិការណ៍នេះមានដូចតទៅ៖ ១.ប្រជាពលរដ្ឋខ្មែរមានចិត្តអាណិតអាសូរ និងចូលរួមរំលែកទុក្ខក្នុងពេលនរណាម្នាក់មានគ្រោះអាសន្ន ២.ប្រជាពលរដ្ឋខ្មែរស្រឡាញ់និងឱ្យតម្លៃអ្នកមានចំណេះដឹងជ្រោះជ្រះ។ ៣.ប្រជាពលរដ្ឋខ្មែរគោរព ស្រឡាញ់និងឱ្យតម្លៃបញ្ញវន្តដែលមានភាពក្លាហាន ហ៊ាននិយាយការពិត និងជួយឈឺឆ្អាលក្នុងការជួយស្វែងរកការណ៍ពិតនៃជំងឺសង្គម វិភាគសង្គមនិងនយោបាយ និងផ្ដល់គំនិតស្ដីពីដំណោះស្រាយបញ្ហាទាំងនេះ។ ៤.បណ្ឌិត កែម ឡី ត្រូវបានមហាជនចាត់ទុកជាបញ្ញវន្តមួយរូបដែលមានសេចក្ដីក្លាហាន សមត្ថភាព ចំណេះដឹងខាងវិទ្យាសាស្ត្រនិងសីលធម៌ និងបានលះបង់អ្វីៗសព្វយ៉ាង រួមទាំងជីវិត ដើម្បីបុព្វហេតុនៃការទាមទារសេរីភាពនិងសិទ្ធិរបស់ពលរដ្ឋក្នុងការបញ្ចញមតិ ការចូលរួមក្នុងការអភិវឌ្ឍសង្គម និងនយោបាយ ជាដើម។
ឆ្លងតាមរយៈព្រឹត្តិការណ៍នេះ គេបានមើលឃើញថា ប្រជាពលរដ្ឋខ្មែរបច្ចុប្បន្នមានភាពក្លាហានជាងមុន ពីព្រោះបើទោះបីជាមានការលើកឡើងថា ឃាតកម្មលើរូបបណ្ឌិត កែម ឡី ទាក់ទងនឹងនយោបាយក៏ដោយ ក៏ប្រជាជនគ្រប់ស្រទាប់វណ្ណៈនៅតែចូលរួមយ៉ាងច្រើន តាំងពីពេលដែលលោកបណ្ឌិត កែម ឡី ត្រូវគេបាញ់ប្រហារភ្លាមៗ ការដង្ហែសពមកកន្លែងតម្កល់នៅវត្តចាស់ ការចូលរួមក្នុងពិធីបុណ្យនិងការគោរពវិញ្ញាណក្ខន្ធក្នុងរយៈពេល១៤ថ្ងៃ និងចុងក្រោយការចូលរួមយ៉ាងច្រើនកុះករក្នុងការដង្ហែសពលោកបណ្ឌិត កែម ឡី ទៅបញ្ចុះនៅស្រុកកំណើតរបស់គាត់នាខេត្ត តាកែវ នៅថ្ងៃទី២៤ ខែកក្កដា ឆ្នាំ២០១៦។
លើសពីនេះទៀត មហាជនក៏បានស្រែកទាមទារឱ្យអាជ្ញាធរពាក់ព័ន្ធប្រឹងប្រែងស្វែងរកឃាតករនិងអ្នកនៅពីក្រោយឃាតកម្មលើបណ្ឌិត កែម ឡី ពិតប្រាកដ មកផ្ដន្ទាទោសទៅតាមច្បាប់។ ទន្ទឹមនឹងនោះដែរ ដោយសារឃាតកម្មលើរូបបណ្ឌិត កែម ឡី បានកើតឡើងចំពេលដែលកម្ដៅនយោបាយរវាងបក្សកាន់អំណាចនិងបក្សប្រឆាំងកំពុងតែឡើងខ្ពស់កប់ពពក រកដំណោះស្រាយមិនទាន់បាន ហើយថែមទាំងមានរបាយការណ៍ដែលចេញផ្សាយដោយអង្គការក្លូបលវីតណែស(Global witness) ដែលពាក់ព័ន្ធនឹងគ្រួសារត្រគោលហ៊ុន ហើយដែលត្រូវបានលោកបណ្ឌិត កែម ឡី វិភាគក្នុងនាទីអ្នកស្ដាប់វិទ្យុអាស៊ីសេរី កាលពីពីរថ្ងៃមុនឃាតកម្មកើតឡើងផងនោះ នាំឱ្យអ្នកនយោបាយនិងអ្នកដែលមានទំនោរខុសគ្នា ដាក់ការសង្ស័យនិងការចោទប្រកាន់គ្នាទៅវញទៅមក ក្នុងសភាពមួយបង្ហាញឱ្យឃើញថាភាគីនីមួៗ មិនទុកចិត្តគ្នាផង និងអាចចង់កេងចំណេញខាងនយោបាយផងដែរ។
ក្រៅពីនេះ ដោយពិនិត្យឃើញថា ប្រជាប្រិយភាពរបស់លោកបណ្ឌិត កែម ឡី មានទំហំធំធេង ហួសពីការស្មាន ដោយមានការចាប់អារម្មណ៍ ការស្រាឡាញ់ ការចូលចិត្ត និងការឱ្យតម្លៃភាគច្រើនលើសលប់ពីពលរដ្ឋខ្មែរទាំងក្នុងនិងក្រៅប្រទេស ព្រមទាំងបរទេសផងនោះ ក៏មានគណបក្សនយោបាយខ្លះ យកគំនិត យោបល់ និង អនុសាសន៍ផ្សេងៗរបស់គាត់ មកធ្វើជាគោលនយោបាយក្នុងការដឹកនាំប្រទេសប្រសិនបើខ្លួនឈ្នះឆ្នោត។ ចំណុចនេះ មតិខ្លះលើកឡើងថា គណបក្សទាំងនោះ កេញចំណេញនយោបាយលើសពលោក កែម ឡី។ ទន្ទឹមនឹងនេះ ក៏មានមនុស្សមួយក្រុមទៀត ចង់បន្តមរតករបស់បណ្ឌិត កែម ឡី ដោយមានការផ្ដួចផ្ដើម គំនិតបង្កើត កែមឡីនិយម ជាដើម។ ទាំងអស់នេះ គឺជាទស្សនៈ ឬ ប្រតិកម្មមួយចំនួនរបស់មហាជនដែលបានលើកឡើងជុំវិញមរណភាពរបស់បណ្ឌិត កែម ឡី៕
Tag:
កែម ឡី
© រក្សាសិទ្ធិដោយ thmeythmey.com
