កីឡាជាតិ
ជាតិ
កម្ពុជាដែលមានគ្នា១០នាក់ឈ្នះសិង្ហបុរី ២-១ ជាលើកដំបូងក្នុងរយៈពេល៤៤ឆ្នាំ
×![]()
ដោយ: រួបរួម
ក្រុមកីឡាបាល់ទាត់ជម្រើសជាតិកម្ពុជាដែលមានគ្នាត្រឹម១០នាក់ បានទទួលជ័យជម្នះ ២-១ លើសិង្ហបុរីក្នុងការប្រកួតមិត្តភាពអន្តរជាតិ នាល្ងាចថ្ងៃទី២៨ ខែកក្កដា នេះ នៅពហុកីឡដ្ឋានជាតិ។ ចាន់ វឌ្ឍនាកា និង ទិត្យ ឌីណា ជាអ្នកសម្រេចផលសម្រាប់កម្ពុជា មុនពេល ហុង ផេង ទទួលបានកាតលឿងជាលើកទីពីរ ខណៈការប្រកួតនៅសល់១៥នាទី។
ការប្រកួតដែលកំណត់ទុកត្រូវបានពន្យាពេលមួយម៉ោងដោយសារភ្លៀង។ នៅនាទី១៩ ចាន់ វឌ្ឍនាកា បានស៊ុតហ្វ្រីឃីតចម្ងាយប្រមាណ២០ម៉ែត្រ បញ្ចូលទីនាំមុខសម្រាប់កម្ពុជាដោយគ្រាប់បាល់កើតឡើង បន្ទាប់ខ្សែការពារសិង្ហបុរីធ្វើឲ្យ សុះ ស៊ូហាណា ដួល។ ៤នាទីក្រោយមក ប្រធានក្រុមសិង្ហបុរី Khairul Armi បានតែតបាល់បញ្ចូលទីតាមស្មើសម្រាប់ក្រុមភ្ញៀវ។
មុនពេលដែលលោកអាជ្ញាកណ្តាលវៀតណាម Hoang Anh Tuan ផ្លុំកញ្ចែបញ្ចប់ការប្រកួតតង់ទីមួយ ខ្សែបម្រើ ទិត្យ ឌីណា បានស៊ុតបាល់បញ្ចូលទីនាំមុខ ២-១ សម្រាប់កម្ពុជាក្នុងនាទីបន្ថែម ក្រោយការបញ្ជូនយ៉ាងល្អរបស់ ចាន់ វឌ្ឍនាកា។
កម្ពុជា បានបាត់បង់សមាជិកម្នាក់នៅនាទី៧៥ ក្រោយ ហុង ផេង បានទទួលកាតលឿងជាលើកទីពីរ ក្រោយរូបគេទាក់ជើង Shakir Hamzah ឲ្យដួលនៅក្បែរតំបន់គ្រោះថ្នាក់។ បន្ទាប់គ្រូបង្វឹកកូរ៉េខាងត្បូង Lee Tae Hoon បានបន្ថែមកម្លាំងការពាររបស់ខ្លួន ដោយដាក់ នេន សុធារត្នន៍ ចូលជំនួស ហូយ ផល្លីន។
នៅនាទី៨៤ ចាន់ វឌ្ឍនាកា ត្រូវបានផ្លាស់ប្តូរចេញ ហើយដាក់ជំនួសដោយ ប្រាក់ មុន្នីឧត្តម ដែលជាកីឡាករឆ្នើមម្នាក់ទៀត។ សិង្ហបុរី ប្រឹងវាយបកយ៉ាងខ្លាំង ប៉ុន្តែលទ្ធផល ២-១ ត្រូវបានរក្សារហូតដល់បញ្ចប់ការប្រកួត។
នេះជាជំនួប Head to Head លើកទី១៧រវាងក្រុមទាំងពីរសម្រាប់ការប្រកួតដែលទទួលស្គាល់ដោយសហព័ន្ធកីឡាបាល់ទាត់អន្តរជាតិ (FIFA)។ នាជំនួប១៦លើកកន្លងមក កម្ពុជា ធ្លាប់ឈ្នះតែ១លើកគត់ ជាមួយនឹងលទ្ធផល ៣-០ កាលពីថ្ងៃទី១០ ខែមិថុនា ឆ្នាំ១៩៧២ នាព្រឹត្តិការណ៍រំលឹកខួបក្រុងហ្សាការតា ប្រទេសឥណ្ឌូនេស៊ី។ ចុងក្រោយ កម្ពុជាចាញ់សិង្ហបុរីទាំងពីរជើងនាការប្រកួតជម្រុះ World Cup។
ជម្រើស១១នាក់ដំបូង៖ ស៊ូ យ៉ាទី (អ្នកចាំទី), ហុង ផេង, សឿយ វិសាល, រស់ សំអឿន, កែវ សុខផេង (សំអឿន ពិដោរ ៨៩), ចាន់ វឌ្ឍនាកា (ប្រាក់ មុន្នីឧត្តម ៨៤), សុះ ស៊ូហាណា (ហូយ ផល្លីន ២៨, នេន សុធារ័ត្ន៧៦), ទិត្យ ឌីណា, ច្រឹង ពលរដ្ឋ, ឈិន ឈឿន, សុខ សុវណ្ណ (ប្រធានក្រុម)។
កីឡាករបម្រុង៖ លី វ៉ាហេទ, ឃួន ឡាបូរ៉ាវី, សារី ម៉ាត់ណូរ៉ូទីន, សុក សំណាង, រឿម ចាន់រឿន, ស៊ុន វណ្ណដេត, កែវ សុខសិលា, អ៊ុំ សេរីរ័ត្ន, ប៊ិន ធារី, រស់ គង់សំរេច។
ការប្រកួតដែលកំណត់ទុកត្រូវបានពន្យាពេលមួយម៉ោងដោយសារភ្លៀង។ នៅនាទី១៩ ចាន់ វឌ្ឍនាកា បានស៊ុតហ្វ្រីឃីតចម្ងាយប្រមាណ២០ម៉ែត្រ បញ្ចូលទីនាំមុខសម្រាប់កម្ពុជាដោយគ្រាប់បាល់កើតឡើង បន្ទាប់ខ្សែការពារសិង្ហបុរីធ្វើឲ្យ សុះ ស៊ូហាណា ដួល។ ៤នាទីក្រោយមក ប្រធានក្រុមសិង្ហបុរី Khairul Armi បានតែតបាល់បញ្ចូលទីតាមស្មើសម្រាប់ក្រុមភ្ញៀវ។
មុនពេលដែលលោកអាជ្ញាកណ្តាលវៀតណាម Hoang Anh Tuan ផ្លុំកញ្ចែបញ្ចប់ការប្រកួតតង់ទីមួយ ខ្សែបម្រើ ទិត្យ ឌីណា បានស៊ុតបាល់បញ្ចូលទីនាំមុខ ២-១ សម្រាប់កម្ពុជាក្នុងនាទីបន្ថែម ក្រោយការបញ្ជូនយ៉ាងល្អរបស់ ចាន់ វឌ្ឍនាកា។
កម្ពុជា បានបាត់បង់សមាជិកម្នាក់នៅនាទី៧៥ ក្រោយ ហុង ផេង បានទទួលកាតលឿងជាលើកទីពីរ ក្រោយរូបគេទាក់ជើង Shakir Hamzah ឲ្យដួលនៅក្បែរតំបន់គ្រោះថ្នាក់។ បន្ទាប់គ្រូបង្វឹកកូរ៉េខាងត្បូង Lee Tae Hoon បានបន្ថែមកម្លាំងការពាររបស់ខ្លួន ដោយដាក់ នេន សុធារត្នន៍ ចូលជំនួស ហូយ ផល្លីន។
នៅនាទី៨៤ ចាន់ វឌ្ឍនាកា ត្រូវបានផ្លាស់ប្តូរចេញ ហើយដាក់ជំនួសដោយ ប្រាក់ មុន្នីឧត្តម ដែលជាកីឡាករឆ្នើមម្នាក់ទៀត។ សិង្ហបុរី ប្រឹងវាយបកយ៉ាងខ្លាំង ប៉ុន្តែលទ្ធផល ២-១ ត្រូវបានរក្សារហូតដល់បញ្ចប់ការប្រកួត។
នេះជាជំនួប Head to Head លើកទី១៧រវាងក្រុមទាំងពីរសម្រាប់ការប្រកួតដែលទទួលស្គាល់ដោយសហព័ន្ធកីឡាបាល់ទាត់អន្តរជាតិ (FIFA)។ នាជំនួប១៦លើកកន្លងមក កម្ពុជា ធ្លាប់ឈ្នះតែ១លើកគត់ ជាមួយនឹងលទ្ធផល ៣-០ កាលពីថ្ងៃទី១០ ខែមិថុនា ឆ្នាំ១៩៧២ នាព្រឹត្តិការណ៍រំលឹកខួបក្រុងហ្សាការតា ប្រទេសឥណ្ឌូនេស៊ី។ ចុងក្រោយ កម្ពុជាចាញ់សិង្ហបុរីទាំងពីរជើងនាការប្រកួតជម្រុះ World Cup។
ជម្រើស១១នាក់ដំបូង៖ ស៊ូ យ៉ាទី (អ្នកចាំទី), ហុង ផេង, សឿយ វិសាល, រស់ សំអឿន, កែវ សុខផេង (សំអឿន ពិដោរ ៨៩), ចាន់ វឌ្ឍនាកា (ប្រាក់ មុន្នីឧត្តម ៨៤), សុះ ស៊ូហាណា (ហូយ ផល្លីន ២៨, នេន សុធារ័ត្ន៧៦), ទិត្យ ឌីណា, ច្រឹង ពលរដ្ឋ, ឈិន ឈឿន, សុខ សុវណ្ណ (ប្រធានក្រុម)។
កីឡាករបម្រុង៖ លី វ៉ាហេទ, ឃួន ឡាបូរ៉ាវី, សារី ម៉ាត់ណូរ៉ូទីន, សុក សំណាង, រឿម ចាន់រឿន, ស៊ុន វណ្ណដេត, កែវ សុខសិលា, អ៊ុំ សេរីរ័ត្ន, ប៊ិន ធារី, រស់ គង់សំរេច។
Tag:
បាល់ទាត់
ជម្រើសជាតិកម្ពុជា
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
